《後浪推前浪 艾斯派古達的兩難 尼爾斯占士或成右閘正選?》

藍獅 於 22/11/2019 發表 收藏文章
《原創文章 歡迎轉載 請列明出處 謝謝》
-請支持藍獅 Facebook專頁-


休筆一段時間,適逢英超聯賽週末歸來,係時候熱定身開始寫番文,其中最想講下既一個題目就係右閘既人選,亦姐係艾斯派古達同尼爾斯占士之間既比較,自從者傷癒復出後外界一直有聲音指哩位英格蘭新星係取代艾斯派古達既最佳人選,而岩岩喺哩個國際週期前聯賽最後一場對水晶宮既賽事之中,尼爾斯占士首次以英超正選既身份上場表現亦備受好評,令艾斯派古達崁入兩難局面。

今季西班牙人被委已重任成為球隊正印隊長,其實喺上季沙利執教時艾斯派古達都以副隊長身份經常配戴臂章上陣,自球員加盟以黎,場上表現一直以穩定見稱,取得唔少球迷歡心,經歷摩連奴二次執教階段將佢改打左閘,再喺干地手上於三中堅入面擔當右中堅,結過經過歷任主帥加上歲月洗禮後將艾斯派古達完完全全改造成一名後防「通天老倌」,再加上球員自身傷患極少,而要數到對上一個能夠立足於球壇頂級之列既就係喺拜仁退役既拿姆。

至於尼爾斯占士,出身於一個足球家庭,爸爸Nigel James自設私人足球訓練學校,而細妹Lauren James現效力於曼聯女子隊,尼爾斯占士係土生土長既倫敦人,出生於倫敦既佢自六歲起就加入車路士青年軍梯隊接受訓練,一直晉升至十八歲後就正式簽下職業球員合同,其後更為U19青年軍奪得應屆英格蘭足總青年盃(FA Youth Cup)冠軍,直到上季球會為左令佢有進一步成長機會,安排左尼爾斯占士外借到英冠球隊韋根,希望佢能夠喺擁有穩定上陣時間之下嘗試喺次一級既聯賽先作磨練,而得出效果亦相當顯注,繼而今季令林伯特收起黎自家使用。

同時尼爾斯占士亦能勝任幾個位置,除左右閘外亦可以客串中堅同防中,比較於艾斯派古達,前者喺後上出擊力同邊路出波能力會比較優勝,再加擁有名為「坦克車」既身形,哩幾方面都比起西班牙人理想,不過後者始終喺場上仍有一定領導能力,雖然佢喺基柏事件以及巴克利爭射十二碼之中未有盡隊長職責介入處理,始終球員都係較於務實少作敢言行為,不過隊中既老大哥都係賣一個少一個,依加論資排輩要數的話就得番佢同韋利安,再加上艾斯派古達既戰術效益又未至於差得好緊要,個人認為未有必要好似上季卡希爾或者再早一季泰利咁咁快要長期坐冷板凳之中。
而喺林伯特今季所常用既戰術陣式當中,一直都維持433、4231同三後衛作常用陣式,而如果選用三後衛的話,其實艾斯派古達同尼爾斯占士兩者係可以同場上陣,前者可以以過去有擔任過既右中堅上場,而尼爾斯占士就為右翼衛,兩者都能夠如自己擅長既位置上陣,再加上佢兩個都能夠打幾個位,對於林伯特既臨場變動無疑係增加左一定程度既靈活性喺度。

當然,按步就班咁換屆係必需的,最重要係循序漸進咁一步步黎,咁樣對球隊既長遠發展先至健康。


文章發表時間 : 22/11/2019 11:30
文章最後更新時間 : 22/11/2019 11:30

《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • Jason514
    Jason514 於 22/11/2019 評論 NO. 1

    直接AZP打左閘咪得

快捷鍵:←
快捷鍵:→