《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
若果單係以入球數字去定論一個前鋒好壞的話，只能說尼古拉斯積遜係一個會用戰術表現去說話既前鋒球員，老實說並唔預期佢加盟既首季會有雙位數字既入球進帳，不過哩位塞內加爾人喺普捷天奴手下既作用都非常明顯，以球隊陣容黎睇亦的確得佢能勝任到哩啲工作。
由維拉利爾加盟既積遜，上季迎接自己職業生涯既小爆發一共喺西甲聯賽入左12球加上4個助攻，入球主要集中於賽季下半段，而季初果段既表現其實唔算太好，不過自季中一月養傷達兩個月復出後開始重回正軌，入球連連，並成功協助維拉利爾最終以第五名完結賽季，獲得來季參與歐霸資格。
轉會窗得到車路士所注視，並得到由西甲轉戰英超既機會，當時其實唔少車路士球迷都對於積遜感到陌生，相比起尼宮古、安素等同為新球員，無論喺級數還是星味都差唔止一截，不過佢亦都好快喺季前熱身賽用表現去說話，開始獲得車迷們既關注，並選擇穿起名宿杜奧巴加盟車路士初期既15號球衣，開展史丹福橋既生涯。
積遜係一名好願意同隊友做配合去創造機會既球員，喺前線拎到個波落黎以及背身停到波，同時佢喺持球推進方面都有一定水平，身體質素未必話好上盛不過總好似比人夾都夾唔低佢咁，佢亦都好識得走線同把握入攝時機避免同對方中堅硬碰硬，哩啲都係積遜既長處。
不過佢既缺點都一樣明顯，每當控唔定個波時無論做射門還是推進既效果一樣唔好，所以你見佢一做接應如果直射多數會炒粉，推進都一樣會甩腳，First touch方面真係要再做好啲，但只要比佢控得定又會有啲功夫仔睇下，好似上場對般尼時入果球咁真係睇定黎射，同時積遜開季至今都已經拎左成五張黃牌，哩一點都需要留意。
積遜同波查會係前線一剛一柔既前鋒選擇，如文章首段所講個人並唔預期前者既英超首季可以錄得雙位數字既入球，佢會係一個戰術效益大過入球數字既前鋒球員，只要球隊攻擊點夠多夠分散，其實邊個取得入球都唔成問題，只係車路士依加既問題係機會創造到出黎，但無人把握得到先至成問題。
文章發表時間 : 18/10/2023 13:40文章發表時間 : 18/10/2023 13:40
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
若果單係以入球數字去定論一個前鋒好壞的話，只能說尼古拉斯積遜係一個會用戰術表現去說話既前鋒球員，老實說並唔預期佢加盟既首季會有雙位數字既入球進帳，不過哩位塞內加爾人喺普捷天奴手下既作用都非常明顯，以球隊陣容黎睇亦的確得佢能勝任到哩啲工作。
由維拉利爾加盟既積遜，上季迎接自己職業生涯既小爆發一共喺西甲聯賽入左12球加上4個助攻，入球主要集中於賽季下半段，而季初果段既表現其實唔算太好，不過自季中一月養傷達兩個月復出後開始重回正軌，入球連連，並成功協助維拉利爾最終以第五名完結賽季，獲得來季參與歐霸資格。
轉會窗得到車路士所注視，並得到由西甲轉戰英超既機會，當時其實唔少車路士球迷都對於積遜感到陌生，相比起尼宮古、安素等同為新球員，無論喺級數還是星味都差唔止一截，不過佢亦都好快喺季前熱身賽用表現去說話，開始獲得車迷們既關注，並選擇穿起名宿杜奧巴加盟車路士初期既15號球衣，開展史丹福橋既生涯。
積遜係一名好願意同隊友做配合去創造機會既球員，喺前線拎到個波落黎以及背身停到波，同時佢喺持球推進方面都有一定水平，身體質素未必話好上盛不過總好似比人夾都夾唔低佢咁，佢亦都好識得走線同把握入攝時機避免同對方中堅硬碰硬，哩啲都係積遜既長處。
不過佢既缺點都一樣明顯，每當控唔定個波時無論做射門還是推進既效果一樣唔好，所以你見佢一做接應如果直射多數會炒粉，推進都一樣會甩腳，First touch方面真係要再做好啲，但只要比佢控得定又會有啲功夫仔睇下，好似上場對般尼時入果球咁真係睇定黎射，同時積遜開季至今都已經拎左成五張黃牌，哩一點都需要留意。
積遜同波查會係前線一剛一柔既前鋒選擇，如文章首段所講個人並唔預期前者既英超首季可以錄得雙位數字既入球，佢會係一個戰術效益大過入球數字既前鋒球員，只要球隊攻擊點夠多夠分散，其實邊個取得入球都唔成問題，只係車路士依加既問題係機會創造到出黎，但無人把握得到先至成問題。
文章發表時間 : 18/10/2023 13:40文章發表時間 : 18/10/2023 13:40
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊