《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
由賽前陣容再到球賽既進程直到結果，車迷們既心情可以話經歷左高山低谷，同時你亦都可以用有運、無運、飲恨什至收貨黎形容哩個賽果，睇下你由咩角度出發。
經過兩個星期既國際賽後回歸聯賽，車路士喺主場迎戰阿仙奴，雖然係一場傳統打吡大戰不過賽前雙方喺積分榜上既位置都有明顯差距，普捷天奴今場波作出左好幾個變動，迪沙斯以及積遜喺國際賽期間受傷，中堅組合將本身左閘既高維移入中路伙拍施華，令古古尼亞可以擔任番較為熟悉既左閘位置，而右閘就由停賽期滿既古斯度頂上，三中場就繼續沿用加拉加、卡些度以及安素，而前場左中右就分別係梅迪歷、龐馬以及史達寧為攻堅。
如果單睇哩個陣容同阿仙奴接近全「夫添」黎比較的話，藍軍真係執到一分都偷笑，不過相信都無人估到車路士會係領先2-0果隊，可以話上半場什至去到下半場既60幾70分鐘主隊都佔據住主動權，普捷天奴部署一個偏向442既陣式，大部份時間加拉加會壓上前場同龐馬作為兩個最前點，適時亦會回後幫波游走前後場兩邊，而喺前壓時梅迪歷、史達寧再到兩閘既古古尼亞、古度斯都會一同壓上，令到阿仙奴唔能夠輕易作出後場傳送，可以話成功令到佢地斷層失去左中間既連接。
幸運地梅迪歷一次頭槌攻門釀成十二碼，沙利巴哩下動作其實都無得唔出手跳頂，只係時機問題加上VAR叫得球証睇都無乜得走，令龐馬先射入為車路士領先1-0，中段阿仙奴嘗試過猜番定啲個波，不過好快都比車路士拎番個局勢，至少見得到主隊個入局同狀態都比客隊好，哩啲都係賽前無諗過既地方，去到下半場初段梅迪歷一下邊路傳中亦意外地轉化成入球，真係向來少有既運氣都企左喺藍軍哩邊，慢鏡都睇到球員喺出波前所望既目標都係企喺遠柱既史逹寧而並非直接射門，又咁岩拉也企得比較出既位置令到個波成功拋物線式笠入，梅迪歷亦顯露出較為少有既笑容。
不過運氣並無延續到完場，熟悉既車路士本性同劇本亦都喺70分鐘開始出現，山齊士再一次直接傳球比對手，不過今次就無之前咁好彩可以守得住化險為夷，懷斯以一下遠射為阿仙奴先追一粒，其後車路士亦都開始自亂陣腳，加上阿迪逹先後換入托沙、夏維斯等人開始打多啲高空轟炸，最終都令到佢地成功扳平比數。
一場好典型「捉到鹿唔識脫角」既賽事，領先兩球並無將優勢及比數鎖定，反而一下犯錯將賽事形勢逆轉，其後更無力回天被對手成功追平，都係一眾年輕球員需要吸收經驗同反思既地方，同時普捷天奴喺即場調動上亦都有唔少值得斟酌既位喺度，龐馬下半場中段開始見到無乜表現係咪可以收起佢先多過梅迪歷，去到中後段仲係領先緊既時候又係咪可以換多個偏向防守既中場入黎幫下手協防，個人認為後備席上即使你話迪沙斯或巴迪亞舒尼仍然受傷未用得，但至少烏高卓古會係一個都幾適合既人選喺哩個形勢下後備落場。
能夠有力同爭冠隊伍打成平手什至領先兩球，的確有唔少高興同可取既地方，不過亦都因為輸經驗同個人犯錯令球隊不能全取三分，係有運唔洗最後一分都無，還是無運或飲恨最後只拎到一分，定係表現已經收貨，哩「半杯水」就真係睇你點睇。
文章發表時間 : 22/10/2023 10:55
文章發表時間 : 22/10/2023 10:55
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
由賽前陣容再到球賽既進程直到結果，車迷們既心情可以話經歷左高山低谷，同時你亦都可以用有運、無運、飲恨什至收貨黎形容哩個賽果，睇下你由咩角度出發。
經過兩個星期既國際賽後回歸聯賽，車路士喺主場迎戰阿仙奴，雖然係一場傳統打吡大戰不過賽前雙方喺積分榜上既位置都有明顯差距，普捷天奴今場波作出左好幾個變動，迪沙斯以及積遜喺國際賽期間受傷，中堅組合將本身左閘既高維移入中路伙拍施華，令古古尼亞可以擔任番較為熟悉既左閘位置，而右閘就由停賽期滿既古斯度頂上，三中場就繼續沿用加拉加、卡些度以及安素，而前場左中右就分別係梅迪歷、龐馬以及史達寧為攻堅。
如果單睇哩個陣容同阿仙奴接近全「夫添」黎比較的話，藍軍真係執到一分都偷笑，不過相信都無人估到車路士會係領先2-0果隊，可以話上半場什至去到下半場既60幾70分鐘主隊都佔據住主動權，普捷天奴部署一個偏向442既陣式，大部份時間加拉加會壓上前場同龐馬作為兩個最前點，適時亦會回後幫波游走前後場兩邊，而喺前壓時梅迪歷、史達寧再到兩閘既古古尼亞、古度斯都會一同壓上，令到阿仙奴唔能夠輕易作出後場傳送，可以話成功令到佢地斷層失去左中間既連接。
幸運地梅迪歷一次頭槌攻門釀成十二碼，沙利巴哩下動作其實都無得唔出手跳頂，只係時機問題加上VAR叫得球証睇都無乜得走，令龐馬先射入為車路士領先1-0，中段阿仙奴嘗試過猜番定啲個波，不過好快都比車路士拎番個局勢，至少見得到主隊個入局同狀態都比客隊好，哩啲都係賽前無諗過既地方，去到下半場初段梅迪歷一下邊路傳中亦意外地轉化成入球，真係向來少有既運氣都企左喺藍軍哩邊，慢鏡都睇到球員喺出波前所望既目標都係企喺遠柱既史逹寧而並非直接射門，又咁岩拉也企得比較出既位置令到個波成功拋物線式笠入，梅迪歷亦顯露出較為少有既笑容。
不過運氣並無延續到完場，熟悉既車路士本性同劇本亦都喺70分鐘開始出現，山齊士再一次直接傳球比對手，不過今次就無之前咁好彩可以守得住化險為夷，懷斯以一下遠射為阿仙奴先追一粒，其後車路士亦都開始自亂陣腳，加上阿迪逹先後換入托沙、夏維斯等人開始打多啲高空轟炸，最終都令到佢地成功扳平比數。
一場好典型「捉到鹿唔識脫角」既賽事，領先兩球並無將優勢及比數鎖定，反而一下犯錯將賽事形勢逆轉，其後更無力回天被對手成功追平，都係一眾年輕球員需要吸收經驗同反思既地方，同時普捷天奴喺即場調動上亦都有唔少值得斟酌既位喺度，龐馬下半場中段開始見到無乜表現係咪可以收起佢先多過梅迪歷，去到中後段仲係領先緊既時候又係咪可以換多個偏向防守既中場入黎幫下手協防，個人認為後備席上即使你話迪沙斯或巴迪亞舒尼仍然受傷未用得，但至少烏高卓古會係一個都幾適合既人選喺哩個形勢下後備落場。
能夠有力同爭冠隊伍打成平手什至領先兩球，的確有唔少高興同可取既地方，不過亦都因為輸經驗同個人犯錯令球隊不能全取三分，係有運唔洗最後一分都無，還是無運或飲恨最後只拎到一分，定係表現已經收貨，哩「半杯水」就真係睇你點睇。
文章發表時間 : 22/10/2023 10:55
文章發表時間 : 22/10/2023 10:55
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊