《原創文章 歡迎轉載 請列明出處 謝謝》
-請支持Bluexlion車迷手記 Facebook專頁-
夏薩特選擇掛靴，哩個消息可以話黎得相當突然，不過自佢上季同皇馬解約後一直無班落，關於沙特、美職球隊既轉會消息都只聞樓梯響，已經意識到掛靴會係佢其中一個選擇，今次將會為佢喺藍橋效力既生涯作一次完整回顧。
《一切都源于2012年歐聯冠軍開始...》
時間回到2012年，當時仲效力緊法甲里爾既夏薩特，年紀輕輕就經已成為歐洲球壇最炙手可熱既進攻球員之一，喺里爾官方確定球員來季將會離隊他投後，佢既名字隨即與各大豪門球會扯上關係，曼市雙雄分別都想將比利時人帶到曼徹斯特，同時車路士亦對佢感興趣，而曾經喺車路士同樣有過一段輝煌生涯既祖高爾就正正係當時效力里爾既隊友，哩位英格蘭翼鋒亦有落足嘴頭建議夏薩特加盟舊東家，不過當時既消息都指球員似乎屬意去曼聯居多。
正當夏薩特仍在為自己既前程作打算時，車路士成為應屆歐聯冠軍，獎盃榮譽使班主艾巴莫域治投放更多資源希望令球隊變得年輕化，同時喺冠軍效應下一次過收購左唔少實力相當既年輕球員，而夏薩特亦改變左自己既選擇決定加盟車路士成為其中一員，藍軍可以話因為一個歐冠而搶贏左夏薩特返黎。
《藍色技術革命》
舊將杜奧巴、沙洛文卡奴等人離去，換黎既係夏薩特、奧斯卡、馬高馬連等技術派球員，可以話徹底將車路士多年黎既硬朗化風格改變，新一代技術革命正式展開，前兩者配搭上季已效力既馬達組成前場攻擊線，當中夏薩特喺登陸英超頭幾場波已經交出唔少靚助攻，精湛既個人技術都令球迷目不暇給。可惜球隊進入死亡十一月後接連喺聯賽和左史雲斯、利物浦同輸左比西布朗，同時歐聯方面亦大敗比祖雲達斯正式宣佈衛冕之路告終，就連十六強既機會都無，冠軍教頭兼名宿迪馬堤奧亦逃不過被辭退既命運。
隨即搵黎當年Big Four年代帶領利物浦既賓尼迪斯為暫代領隊，喺佢既帶領下可以話確立左夏薩特、奧斯卡、馬達哩三核既位置，將技術流再進一步推向極致，而言比利時人亦交出穩定既入球同助攻數字，雖然聯賽依然偶有敗仗，不過喺歐霸戰線成績反而穩步上揚，最終亦成功問鼎冠軍，歷史性連續兩季取得兩項歐洲賽錦標，夏薩特喺車路士既首個賽季就有獎盃落袋。
《命運再一次令車路士遇上摩連奴》
意想不到短短效力一季多，比利時人就要經歷第二次換帥，艾巴莫域治並沒有開出合約留下賓尼迪斯，似乎心中已經有更理想既人選，令人意外既係候任人選竟然係摩連奴，先後喺國際同皇馬奪得唔少錦標既葡萄牙人再一次接掌車路士帥印；向來注重防守反擊既速度同效率既摩連奴，選擇收起人氣好高既馬達，再先後收購舒爾尼、韋利安等速度較高以及覆蓋面廣既球員，配合夏薩特及奧斯卡組成新攻擊線。
防守固然係成個防反既第一步，攻擊球員需要喺前場進行迫搶，雖然相比於摩連奴未接掌既上一季，的確大大減少左球隊既失球數字，但同時夏薩特需要長期位於己方中後場區域分擔防守工作，導致助攻數字亦有所下降，明顯被著重防守既摩連奴限制左進攻端既發揮，相比起賓尼迪斯執教時球員既自由度完全係天與地既對比，當然有得必有所失，堅固既防守亦成功為下季奪冠鋪路。
《奪冠進行曲 英超聯賽盃雙料冠軍》
當時既摩連奴擁有第二季就奪冠既傳統，會就著首季所遇到既問題進行個別位置上既補充，由於上季前鋒線既選擇過份單一，即使收購佢既舊將伊度奧嘗試加強變化，但本身擁有既費蘭度托利斯以及丹巴巴亞都屬於相近類型既前鋒，大多數時間都需要依賴邊線球員落底出波，負責埋門一腳，又或透過空位打反擊，難以作前場支點作接應或二傳什至參與組織，削弱左中路進攻既板斧。
有見及此，摩連奴一氣過喺第二季更換晒三名前鋒球員，藍橋傳奇人物杜奧巴回歸，再重金禮聘全能前鋒迪亞高哥斯達以及走位入攝較靈活既雷米，加上有法比加斯負責控制節奏及創造機會，同時維持夏薩特、韋利安、奧斯卡三人既攻擊線，喺迪亞高哥斯達既開路下夏薩特擁有更多上腳同埋門機會，大大增加左主動攻門效率，減少上季只能依賴反擊製造攻勢，最終車路士亦不負所望奪得英超冠軍及聯賽盃成為雙冠王。
《失落的一季 一沉再不起》
經歷高峰一季過後，無人估到接落黎既一季會出現咁大反差，摩連奴與管理層喺轉會窗角力，前者明顯見到喺奪冠球季中後防線經已難以維持穩定輸出，必需收購新中堅作新舊交替，但管理層只收購一啲「頂住先」既貨色就草草了事，摩連奴不但喺哩場決鬥中成為輸家，更埋下被辭退既伏線，恐怖既一季亦隨即展開。
後防球員形同虛設，可以話比人話過就過，根本已經無左以前果種防守硬度，同時引致前線球員少左好多後場供應，而夏薩特亦未能發揮以往既關鍵作用，「伊娃事件」可以話將摩連奴同夏薩特既關係推至低谷，最終前者亦逃不過三年魔咒黯然下台，換黎希汀克再一次成為救火領隊，喺佢帶領下球隊狀態同成績明顯有所回升，而夏薩特更喺季尾一場關乎到英超冠軍誰屬既賽事中以一下世界波將熱刺美夢粉碎，勇態令外界質疑究竟比利時人會否係迫走摩連奴既原兇，球員其後亦有自稱果段時間受傷患困擾仍需帶傷上場，導致狀態有所影響，誰對誰錯實屬無從稽考。
《重獲自信 核心甦醒》
一個令不少球員都失落既一季已成過去，即使車路士失去歐聯席位亦無人選擇離開，而主帥之位再一次落入意大利人身上由干地執教，喺佢手上既夏薩特既定位變得更加自由，加上後面有三中堅既保護，令哩位十號球員喺場上位置盡可能在中場線附近游走等待機會，而不太需要回後到自家禁區參與防務，好讓佢能夠保存體力在適當時發動進攻及反擊，睇番數據，夏薩特當季聯賽一共入左16球，比去再前季奪冠既入球數字仲要多，可見得干地安排佢由惜日既助攻手，有效轉變成邊路前線既得分手，而多個入球更係喺下半季迪亞高哥斯達啞火時所取得，如果你話簡迪係當屆英超奪標功臣，夏薩特既功勞絕對有力同佢平起平座。
《歐霸起 歐霸結》
去到干地執教既第二季夏薩特表現就無上一季咁理想，唔能夠幫助車路士奪得下季歐聯入場卷只有足總盃冠軍，其後到四年一度既世界盃，夏薩特可以話喺場上艷光四射，對比於其他同樣世界級球星表現更加穩定同搶眼，亦協助比利時擊敗英格蘭奪得世界盃季軍，將佢既身價再向上進一步推升。
而不經不覺佢喺車路士既合約期亦黎到尾二一季，車路士領隊亦由干地轉為沙利，球會一直有為比利時人提供新合約，不過夏薩特已經心向皇馬，加上「銀河艦隊」有施丹回歸加盟亦只係時間問題。不過夏薩特係並未有因為轉會傳聞而影響喺仍然為藍軍效力既表現，最終都成功協助到球隊重返前四之列，以聯賽季軍、聯賽盃亞軍以及歐霸盃冠軍作結，回想起當日黎到車路士既第一季以歐霸盃作開始，離開前亦同樣以歐霸盃作結，相當首尾呼應。
可惜加盟皇馬後表現並未如預期般理想，奬盃係有但伴隨佢既並唔到足球而係傷患，亦迫使皇馬喺上季同佢解約成為自由身球員，最終都係沉日選擇退役，回望過去喺藍橋生涯確實係球員既光輝歲月，一段段美好既回憶畫面相信永遠都會埋藏喺眾車迷們既心目中。
你永遠係我地既傳奇，夏薩特！
文章發表時間 : 11/10/2023 12:35
文章發表時間 : 11/10/2023 12:35
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
-請支持Bluexlion車迷手記 Facebook專頁-
夏薩特選擇掛靴，哩個消息可以話黎得相當突然，不過自佢上季同皇馬解約後一直無班落，關於沙特、美職球隊既轉會消息都只聞樓梯響，已經意識到掛靴會係佢其中一個選擇，今次將會為佢喺藍橋效力既生涯作一次完整回顧。
《一切都源于2012年歐聯冠軍開始...》
時間回到2012年，當時仲效力緊法甲里爾既夏薩特，年紀輕輕就經已成為歐洲球壇最炙手可熱既進攻球員之一，喺里爾官方確定球員來季將會離隊他投後，佢既名字隨即與各大豪門球會扯上關係，曼市雙雄分別都想將比利時人帶到曼徹斯特，同時車路士亦對佢感興趣，而曾經喺車路士同樣有過一段輝煌生涯既祖高爾就正正係當時效力里爾既隊友，哩位英格蘭翼鋒亦有落足嘴頭建議夏薩特加盟舊東家，不過當時既消息都指球員似乎屬意去曼聯居多。
正當夏薩特仍在為自己既前程作打算時，車路士成為應屆歐聯冠軍，獎盃榮譽使班主艾巴莫域治投放更多資源希望令球隊變得年輕化，同時喺冠軍效應下一次過收購左唔少實力相當既年輕球員，而夏薩特亦改變左自己既選擇決定加盟車路士成為其中一員，藍軍可以話因為一個歐冠而搶贏左夏薩特返黎。
《藍色技術革命》
舊將杜奧巴、沙洛文卡奴等人離去，換黎既係夏薩特、奧斯卡、馬高馬連等技術派球員，可以話徹底將車路士多年黎既硬朗化風格改變，新一代技術革命正式展開，前兩者配搭上季已效力既馬達組成前場攻擊線，當中夏薩特喺登陸英超頭幾場波已經交出唔少靚助攻，精湛既個人技術都令球迷目不暇給。可惜球隊進入死亡十一月後接連喺聯賽和左史雲斯、利物浦同輸左比西布朗，同時歐聯方面亦大敗比祖雲達斯正式宣佈衛冕之路告終，就連十六強既機會都無，冠軍教頭兼名宿迪馬堤奧亦逃不過被辭退既命運。
隨即搵黎當年Big Four年代帶領利物浦既賓尼迪斯為暫代領隊，喺佢既帶領下可以話確立左夏薩特、奧斯卡、馬達哩三核既位置，將技術流再進一步推向極致，而言比利時人亦交出穩定既入球同助攻數字，雖然聯賽依然偶有敗仗，不過喺歐霸戰線成績反而穩步上揚，最終亦成功問鼎冠軍，歷史性連續兩季取得兩項歐洲賽錦標，夏薩特喺車路士既首個賽季就有獎盃落袋。
《命運再一次令車路士遇上摩連奴》
意想不到短短效力一季多，比利時人就要經歷第二次換帥，艾巴莫域治並沒有開出合約留下賓尼迪斯，似乎心中已經有更理想既人選，令人意外既係候任人選竟然係摩連奴，先後喺國際同皇馬奪得唔少錦標既葡萄牙人再一次接掌車路士帥印；向來注重防守反擊既速度同效率既摩連奴，選擇收起人氣好高既馬達，再先後收購舒爾尼、韋利安等速度較高以及覆蓋面廣既球員，配合夏薩特及奧斯卡組成新攻擊線。
防守固然係成個防反既第一步，攻擊球員需要喺前場進行迫搶，雖然相比於摩連奴未接掌既上一季，的確大大減少左球隊既失球數字，但同時夏薩特需要長期位於己方中後場區域分擔防守工作，導致助攻數字亦有所下降，明顯被著重防守既摩連奴限制左進攻端既發揮，相比起賓尼迪斯執教時球員既自由度完全係天與地既對比，當然有得必有所失，堅固既防守亦成功為下季奪冠鋪路。
《奪冠進行曲 英超聯賽盃雙料冠軍》
當時既摩連奴擁有第二季就奪冠既傳統，會就著首季所遇到既問題進行個別位置上既補充，由於上季前鋒線既選擇過份單一，即使收購佢既舊將伊度奧嘗試加強變化，但本身擁有既費蘭度托利斯以及丹巴巴亞都屬於相近類型既前鋒，大多數時間都需要依賴邊線球員落底出波，負責埋門一腳，又或透過空位打反擊，難以作前場支點作接應或二傳什至參與組織，削弱左中路進攻既板斧。
有見及此，摩連奴一氣過喺第二季更換晒三名前鋒球員，藍橋傳奇人物杜奧巴回歸，再重金禮聘全能前鋒迪亞高哥斯達以及走位入攝較靈活既雷米，加上有法比加斯負責控制節奏及創造機會，同時維持夏薩特、韋利安、奧斯卡三人既攻擊線，喺迪亞高哥斯達既開路下夏薩特擁有更多上腳同埋門機會，大大增加左主動攻門效率，減少上季只能依賴反擊製造攻勢，最終車路士亦不負所望奪得英超冠軍及聯賽盃成為雙冠王。
《失落的一季 一沉再不起》
經歷高峰一季過後，無人估到接落黎既一季會出現咁大反差，摩連奴與管理層喺轉會窗角力，前者明顯見到喺奪冠球季中後防線經已難以維持穩定輸出，必需收購新中堅作新舊交替，但管理層只收購一啲「頂住先」既貨色就草草了事，摩連奴不但喺哩場決鬥中成為輸家，更埋下被辭退既伏線，恐怖既一季亦隨即展開。
後防球員形同虛設，可以話比人話過就過，根本已經無左以前果種防守硬度，同時引致前線球員少左好多後場供應，而夏薩特亦未能發揮以往既關鍵作用，「伊娃事件」可以話將摩連奴同夏薩特既關係推至低谷，最終前者亦逃不過三年魔咒黯然下台，換黎希汀克再一次成為救火領隊，喺佢帶領下球隊狀態同成績明顯有所回升，而夏薩特更喺季尾一場關乎到英超冠軍誰屬既賽事中以一下世界波將熱刺美夢粉碎，勇態令外界質疑究竟比利時人會否係迫走摩連奴既原兇，球員其後亦有自稱果段時間受傷患困擾仍需帶傷上場，導致狀態有所影響，誰對誰錯實屬無從稽考。
《重獲自信 核心甦醒》
一個令不少球員都失落既一季已成過去，即使車路士失去歐聯席位亦無人選擇離開，而主帥之位再一次落入意大利人身上由干地執教，喺佢手上既夏薩特既定位變得更加自由，加上後面有三中堅既保護，令哩位十號球員喺場上位置盡可能在中場線附近游走等待機會，而不太需要回後到自家禁區參與防務，好讓佢能夠保存體力在適當時發動進攻及反擊，睇番數據，夏薩特當季聯賽一共入左16球，比去再前季奪冠既入球數字仲要多，可見得干地安排佢由惜日既助攻手，有效轉變成邊路前線既得分手，而多個入球更係喺下半季迪亞高哥斯達啞火時所取得，如果你話簡迪係當屆英超奪標功臣，夏薩特既功勞絕對有力同佢平起平座。
《歐霸起 歐霸結》
去到干地執教既第二季夏薩特表現就無上一季咁理想，唔能夠幫助車路士奪得下季歐聯入場卷只有足總盃冠軍，其後到四年一度既世界盃，夏薩特可以話喺場上艷光四射，對比於其他同樣世界級球星表現更加穩定同搶眼，亦協助比利時擊敗英格蘭奪得世界盃季軍，將佢既身價再向上進一步推升。
而不經不覺佢喺車路士既合約期亦黎到尾二一季，車路士領隊亦由干地轉為沙利，球會一直有為比利時人提供新合約，不過夏薩特已經心向皇馬，加上「銀河艦隊」有施丹回歸加盟亦只係時間問題。不過夏薩特係並未有因為轉會傳聞而影響喺仍然為藍軍效力既表現，最終都成功協助到球隊重返前四之列，以聯賽季軍、聯賽盃亞軍以及歐霸盃冠軍作結，回想起當日黎到車路士既第一季以歐霸盃作開始，離開前亦同樣以歐霸盃作結，相當首尾呼應。
可惜加盟皇馬後表現並未如預期般理想，奬盃係有但伴隨佢既並唔到足球而係傷患，亦迫使皇馬喺上季同佢解約成為自由身球員，最終都係沉日選擇退役，回望過去喺藍橋生涯確實係球員既光輝歲月，一段段美好既回憶畫面相信永遠都會埋藏喺眾車迷們既心目中。
你永遠係我地既傳奇，夏薩特！
文章發表時間 : 11/10/2023 12:35
文章發表時間 : 11/10/2023 12:35
《原創文章 歡迎轉載 請列明出處 謝謝》
Bluexlion車迷手記 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊