《原創文章 歡迎轉載 請列明出處 謝謝》
-請支持藍獅 Facebook專頁-
有來有往，首循環喺曼城主場2:1輸左比佢地，今場黎返史丹福橋以2:1擊敗佢地，雖然明顯同曼城既實力仲有一段差距，不過總算喺球員努力下全取3分，得來不易，繼續以爭前四為本賽季最後目標。
今場波喺正選陣容上有少少改動，佩利錫接替左上場波打正選既路夫斯捷克打左翼，而巴克利就代替高華錫出任右中場，前線繼續源用基奧特同韋利安打正選，停賽期滿既佐真奴先任後備，源用簡迪出任防守中場角色再伙拍上場表現生猛既蒙特，後場陣容不變繼續係魯迪加拍基斯甸臣守中路，左右閘喺係馬高斯阿朗素同隊長艾斯派古達。
陣式上今場波以433企位為構思，由於傳控質素上同曼城存在明顯分野，為免自曝其短林伯特續以首循環既打法藍圖，先縮後靜待反擊機會，以簡迪為首再加上巴克利同蒙特為兩人為球隊中軸「鐵三角」，保持以三角形既企位流動，嘗試迫使曼城球員只能以邊路進攻，而同時喺防守時擔任左右兩翼既佩利錫以及韋利安亦會回後協助兩閘處理防務，變相喺防守時會靠以一個4141既陣式出現，不過上次都有講到陣式係死既人係生既，球員只要專注於自己負責既區域職責劃分就可以。
先花少量篇幅講一講簡迪，唔少球迷對於法國人能以番自己最為熟悉既位置上陣感到無比恩喜，亦同時出現可以送走佐真奴既聲音，先將兩件事獨立咁睇（今次先唔講賣走佐真奴），今日既簡迪經已同兩三年前既簡迪唔同，除左係喺中場定位講緊能力同特質上更為全面之外，佢喺長傳視野上亦的確有所提升，但換黎既係喺體能負擔同傷患上既俱增，同時喺防守攔截上明顯見到無左當日咁乾脆俐落一氣呵成既動作（球隊輸既第一球罸球），當然，哩個並非責怪，而係想表達出其實簡迪近兩季都多左出現哩啲喺對手身後攔截不成而被吹犯規既情況，哩方面既減退有機會係因為球員經歷過位置上既改造、傷患又或者意識上既改變而有所影響，而以結果論去睇的話只能夠講有得就必有失，喺令佢喺中場踢得更全面同時喺防守上既能力有些微減退，哩方面係進步定退步，就如一面雙面刃，睇你點睇。
喺賽事進程當中雖然曼城掌握住唔少控球比率，不過一心一意打反擊既車路士亦有把握得到少有既時間反搶嘗試襟返曼城一段，尤其係上場去到30分鐘開始果段時間最為明顯，下半場亦有一段雙方大打開方式足球時間，球來球往既節奏可以話比預期既悶場明顯唔同；先討論失比曼城果球死球，對於球隊喺處理防守死球方面既質素相信唔少車迷都並唔意外，迪布尼死角直抽亦的確係一個高水準射門，但其實上半場早以有一個喺右邊開出黎既死球差啲為曼城先開記錄，就係今場波既功臣之一佩利錫喺禁區外跟跟下無跟到走入禁區遠柱既費蘭甸奴，差啲比佢頂入，至於點解佢跟跟下無跟到，就真係無從稽考。
不過佩利錫喺反擊方面既能力實在不容忽視，自季初適應期過後美國隊長日漸上力，只係傷患令佢喺藍軍第一季既處境過得並唔容易，而今場波下半場亦有一次同樣既反擊機會差啲令佢連中兩元，只係加爾獲加及時力挽狂瀾，佩利錫實在應記一功；而喺套路上先安排基奧特作正選亦能作消耗對方兩名中堅既體力，再以後手安排艾巴咸後備上陣更能加大對手負荷，哩點既部署亦相當得宜。
至於最後亦希望花啲時間講下韋利安，賽前官方宣佈佢同柏度會以短期合約方式留待到今個賽季結束（及後會有文章再作詳細交待），而今場波韋利安除左係射入十二碼奠定勝局既功臣之外，佢喺攻防兩端既參與度亦比到曼城唔少威脅，尤其係喺賽事去到71分鐘11秒既時間，當時車路士喺一次反擊被對方門將艾達臣沒收皮球之後，佢選擇快開比喺中場史達寧，但當時仲喺對方前場既艾巴咸、巴克利、蒙特以及佩利錫明顯回唔切氣未有立即回防，反而只有韋利安一個人由右前場狂奔去追截走緊去中圈既史達寧，雖然當時曼城亦只有少部份球員喺前場，而史達寧最終亦只能將個波回後再作組織，但哩一整段片段就睇到韋利安勤於回防既心態係可以去到邊個水平，一眾年輕小將喺哩個氣溫底下踢足七十分鐘經已身心俱疲，但反而經已三字頭既韋利安喺哩個時間仍然有心有力回防，老實講佢都只係續個短約例行完成埋哩個賽季，大條道理係可以因避免傷患影響轉會而唔幫球隊去到咁盡，佢選擇喺依一刻依然肯為球隊付出所有，講真都真係交足貨比車路士，而球迷們亦理應欣賞韋利安哩個行為，而唔係繼續維持過去固有既形象繼而指責佢去所謂「呃三年約」，除左欠缺尊重外亦抹殺左球員過去為藍軍所立既功勞。
復賽後連勝兩場可以話開左個好頭，亦同時恭喜利物浦贏得英超冠軍，不過黎緊既賽程相當頻密，喺每三兩日就一場比賽之下合適既輪換會係致勝既關鍵，亦同時考驗得到各支球隊既主帥對手底下人員陣容既了解同熟悉，相信黎緊亦係一個機會睇到林伯特下季所構思既陣容大方向。
文章發表時間 : 25/06/2020 11:50
文章最後更新時間 : 25/06/2020 11:50
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
有來有往，首循環喺曼城主場2:1輸左比佢地，今場黎返史丹福橋以2:1擊敗佢地，雖然明顯同曼城既實力仲有一段差距，不過總算喺球員努力下全取3分，得來不易，繼續以爭前四為本賽季最後目標。
今場波喺正選陣容上有少少改動，佩利錫接替左上場波打正選既路夫斯捷克打左翼，而巴克利就代替高華錫出任右中場，前線繼續源用基奧特同韋利安打正選，停賽期滿既佐真奴先任後備，源用簡迪出任防守中場角色再伙拍上場表現生猛既蒙特，後場陣容不變繼續係魯迪加拍基斯甸臣守中路，左右閘喺係馬高斯阿朗素同隊長艾斯派古達。
陣式上今場波以433企位為構思，由於傳控質素上同曼城存在明顯分野，為免自曝其短林伯特續以首循環既打法藍圖，先縮後靜待反擊機會，以簡迪為首再加上巴克利同蒙特為兩人為球隊中軸「鐵三角」，保持以三角形既企位流動，嘗試迫使曼城球員只能以邊路進攻，而同時喺防守時擔任左右兩翼既佩利錫以及韋利安亦會回後協助兩閘處理防務，變相喺防守時會靠以一個4141既陣式出現，不過上次都有講到陣式係死既人係生既，球員只要專注於自己負責既區域職責劃分就可以。
先花少量篇幅講一講簡迪，唔少球迷對於法國人能以番自己最為熟悉既位置上陣感到無比恩喜，亦同時出現可以送走佐真奴既聲音，先將兩件事獨立咁睇（今次先唔講賣走佐真奴），今日既簡迪經已同兩三年前既簡迪唔同，除左係喺中場定位講緊能力同特質上更為全面之外，佢喺長傳視野上亦的確有所提升，但換黎既係喺體能負擔同傷患上既俱增，同時喺防守攔截上明顯見到無左當日咁乾脆俐落一氣呵成既動作（球隊輸既第一球罸球），當然，哩個並非責怪，而係想表達出其實簡迪近兩季都多左出現哩啲喺對手身後攔截不成而被吹犯規既情況，哩方面既減退有機會係因為球員經歷過位置上既改造、傷患又或者意識上既改變而有所影響，而以結果論去睇的話只能夠講有得就必有失，喺令佢喺中場踢得更全面同時喺防守上既能力有些微減退，哩方面係進步定退步，就如一面雙面刃，睇你點睇。
喺賽事進程當中雖然曼城掌握住唔少控球比率，不過一心一意打反擊既車路士亦有把握得到少有既時間反搶嘗試襟返曼城一段，尤其係上場去到30分鐘開始果段時間最為明顯，下半場亦有一段雙方大打開方式足球時間，球來球往既節奏可以話比預期既悶場明顯唔同；先討論失比曼城果球死球，對於球隊喺處理防守死球方面既質素相信唔少車迷都並唔意外，迪布尼死角直抽亦的確係一個高水準射門，但其實上半場早以有一個喺右邊開出黎既死球差啲為曼城先開記錄，就係今場波既功臣之一佩利錫喺禁區外跟跟下無跟到走入禁區遠柱既費蘭甸奴，差啲比佢頂入，至於點解佢跟跟下無跟到，就真係無從稽考。
不過佩利錫喺反擊方面既能力實在不容忽視，自季初適應期過後美國隊長日漸上力，只係傷患令佢喺藍軍第一季既處境過得並唔容易，而今場波下半場亦有一次同樣既反擊機會差啲令佢連中兩元，只係加爾獲加及時力挽狂瀾，佩利錫實在應記一功；而喺套路上先安排基奧特作正選亦能作消耗對方兩名中堅既體力，再以後手安排艾巴咸後備上陣更能加大對手負荷，哩點既部署亦相當得宜。
至於最後亦希望花啲時間講下韋利安，賽前官方宣佈佢同柏度會以短期合約方式留待到今個賽季結束（及後會有文章再作詳細交待），而今場波韋利安除左係射入十二碼奠定勝局既功臣之外，佢喺攻防兩端既參與度亦比到曼城唔少威脅，尤其係喺賽事去到71分鐘11秒既時間，當時車路士喺一次反擊被對方門將艾達臣沒收皮球之後，佢選擇快開比喺中場史達寧，但當時仲喺對方前場既艾巴咸、巴克利、蒙特以及佩利錫明顯回唔切氣未有立即回防，反而只有韋利安一個人由右前場狂奔去追截走緊去中圈既史達寧，雖然當時曼城亦只有少部份球員喺前場，而史達寧最終亦只能將個波回後再作組織，但哩一整段片段就睇到韋利安勤於回防既心態係可以去到邊個水平，一眾年輕小將喺哩個氣溫底下踢足七十分鐘經已身心俱疲，但反而經已三字頭既韋利安喺哩個時間仍然有心有力回防，老實講佢都只係續個短約例行完成埋哩個賽季，大條道理係可以因避免傷患影響轉會而唔幫球隊去到咁盡，佢選擇喺依一刻依然肯為球隊付出所有，講真都真係交足貨比車路士，而球迷們亦理應欣賞韋利安哩個行為，而唔係繼續維持過去固有既形象繼而指責佢去所謂「呃三年約」，除左欠缺尊重外亦抹殺左球員過去為藍軍所立既功勞。
復賽後連勝兩場可以話開左個好頭，亦同時恭喜利物浦贏得英超冠軍，不過黎緊既賽程相當頻密，喺每三兩日就一場比賽之下合適既輪換會係致勝既關鍵，亦同時考驗得到各支球隊既主帥對手底下人員陣容既了解同熟悉，相信黎緊亦係一個機會睇到林伯特下季所構思既陣容大方向。
文章發表時間 : 25/06/2020 11:50
文章最後更新時間 : 25/06/2020 11:50
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊