《原創文章 歡迎轉載 請列明出處 謝謝》
-請支持藍獅 Facebook專頁-
正喺日前對曼城既賽事之前，車路士正式宣佈與陣中兩名老將柏度以及韋利安成功達成協議，將會完成今季已延期既餘下賽事，以短約方式將本身合約期到6月30日既完約期推至賽季結束，而同時林伯特亦表示球隊亦會繼續同兩位球員相討有關未來事宜，意味住短約形式只係過渡方案，佢仍希望能夠同兩位老將達成續約協議。
其實唔少球隊都為陣中唔少今季完約既球員相討，以賽季結束或者一季黎做續約期，避免球隊人手突然出現短缺情況，當然亦有球員會選擇拒續有關合約，於7月1日正式離隊，而主要原因都係為左避免喺尋找新東家之前受傷，再加上抖暑時間亦會相對得番好少時間，所以有部份球員會喺個人因素影響底下會選擇直接完約離開，如果以打工仔心態的話實屬情有可原。
而對於柏度同韋利安兩位繼續以短約方式留在陣中，本人在此對佢地表示萬分敬意，尤其係外界經已傳出柏度經已同意甲羅馬達成協議會下季加盟，同車路士完成埋餘下賽事的話亦有好大機會會影響到佢喺新東家既季前集訓，相信哩一點亦要得到羅馬方面首肯至能夠成事。至於韋利安方面坊間傳出既潛在球會有好幾家，不過當中傳得最為熱烘既非阿仙奴同熱刺莫屬，主要係因為球員依然以安頓於倫敦為首選。
喺早前既文章亦多番強調，韋利安喺林伯特既戰術當中既作用非常明顯，推進力（亦姐係所謂既「硬爆」）屬所有翼鋒中最強，簡單直接既效果可以省卻左唔少進攻當中複雜既程序，而且有效到位，再加上球員勤於回防，攻守兩端都有同樣輸出，而巴西人既體能亦能應付九十分鐘賽事以及少受傷患影響，即使下季有薛耶治以及添姆雲拿加盟，個人認為亦有保留韋利安既需要，尤其喺強強對話當中，過份執著於使用技術型球員而無效的話，就更加需要佢既直接硬爆幫助球隊殺出重圍。
球員要求三年新約期的確係一個障礙，而球會只能以兩年合約作最大限度亦係理解，韋利安好大機會會因應球隊完季時既成績而作出最後續約與否既決定，不過如果佢最終都離隊繼而加盟另外兩支倫敦對手的話，無疑係增添左對方實力繼而減弱左自己變奏既板斧，哩一點實在不利於車路士一方。
文章發表時間 : 30/06/2020 11:35
文章最後更新時間 : 30/06/2020 11:35
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
正喺日前對曼城既賽事之前，車路士正式宣佈與陣中兩名老將柏度以及韋利安成功達成協議，將會完成今季已延期既餘下賽事，以短約方式將本身合約期到6月30日既完約期推至賽季結束，而同時林伯特亦表示球隊亦會繼續同兩位球員相討有關未來事宜，意味住短約形式只係過渡方案，佢仍希望能夠同兩位老將達成續約協議。
其實唔少球隊都為陣中唔少今季完約既球員相討，以賽季結束或者一季黎做續約期，避免球隊人手突然出現短缺情況，當然亦有球員會選擇拒續有關合約，於7月1日正式離隊，而主要原因都係為左避免喺尋找新東家之前受傷，再加上抖暑時間亦會相對得番好少時間，所以有部份球員會喺個人因素影響底下會選擇直接完約離開，如果以打工仔心態的話實屬情有可原。
而對於柏度同韋利安兩位繼續以短約方式留在陣中，本人在此對佢地表示萬分敬意，尤其係外界經已傳出柏度經已同意甲羅馬達成協議會下季加盟，同車路士完成埋餘下賽事的話亦有好大機會會影響到佢喺新東家既季前集訓，相信哩一點亦要得到羅馬方面首肯至能夠成事。至於韋利安方面坊間傳出既潛在球會有好幾家，不過當中傳得最為熱烘既非阿仙奴同熱刺莫屬，主要係因為球員依然以安頓於倫敦為首選。
喺早前既文章亦多番強調，韋利安喺林伯特既戰術當中既作用非常明顯，推進力（亦姐係所謂既「硬爆」）屬所有翼鋒中最強，簡單直接既效果可以省卻左唔少進攻當中複雜既程序，而且有效到位，再加上球員勤於回防，攻守兩端都有同樣輸出，而巴西人既體能亦能應付九十分鐘賽事以及少受傷患影響，即使下季有薛耶治以及添姆雲拿加盟，個人認為亦有保留韋利安既需要，尤其喺強強對話當中，過份執著於使用技術型球員而無效的話，就更加需要佢既直接硬爆幫助球隊殺出重圍。
球員要求三年新約期的確係一個障礙，而球會只能以兩年合約作最大限度亦係理解，韋利安好大機會會因應球隊完季時既成績而作出最後續約與否既決定，不過如果佢最終都離隊繼而加盟另外兩支倫敦對手的話，無疑係增添左對方實力繼而減弱左自己變奏既板斧，哩一點實在不利於車路士一方。
文章發表時間 : 30/06/2020 11:35
文章最後更新時間 : 30/06/2020 11:35
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊