《原創文章 歡迎轉載 請列明出處 謝謝》
-請支持藍獅 Facebook專頁-
回購艾基一直都成為車路士既年度話題，不過相信今次亦會係最後一次，外界對於哩名般尼茅夫後衛合約中既回購限期有兩種說法，分別係已完結既冬季轉會窗以及係黎緊既夏季轉會窗，無論屬真屬假都好今次都將會係最後一次機會啟動回購既機會，加上近日車路士喺轉巿場上尋求新左閘，如果比較之下能夠同時勝任中堅以及閘位兩個位置既艾基似乎又未嘗唔係一個好人選。
哩名車路士青訓球員離開史丹福橋都踏入第三個年頭，同期另外三位青訓好友路夫斯捷克、查路巴（Nathaniel Chalobah）、艾拿(Ola Aina）等人都各奔前程，只有「龍虎切」一人能夠喺藍軍陣中佔一席位，而對比於四人之中其實艾基無論喺實力同質素都處於中上水平，只可惜時不與我，外借回歸藍橋後一直都進入唔到時任主帥干地既陣容之中，當時艾基其實經歷左兩季既外借既英超生涯都証明左自己有能力生存喺哩個聯賽之中，但即使回歸藍軍後干地比到佢既機會實在唔多，最終令艾基選擇離開而加盟曾外借過去既般尼茅夫。
而喺過去哩短短兩年多既時間都睇到，哩名荷蘭後衛經已成為般茅陣中提升至核心球員地位，亦順理成章地維持入選荷蘭國家隊既名單之中，球員特點以靈活同速度見稱，轉身回追動作靈巧快速，唔容易比對手打佢身後位，再加上爆發力強勁，初時加盟經已為般茅防線增添好大活力，而同時艾基亦善於引球推進同用波哩啲現代足球後衛技能，令佢既身價喺未夠三季既時間已經升左一倍有多，亦成為左唔少列強球隊既潛在收購目標。
艾基除左常規既中堅位置外，同時能夠勝任左閘以及防中位置，而車路士喺增添薛耶治以及添姆雲拿過後，一直都希望尋求新左閘球員加盟，當中以李斯特城既捷維爾（Ben Chilwell）呼聲最高，但喺價錢上由於李城並不急切出售，驅使喺定價上非常進取地提出八千萬鎊既轉會費要求，價錢上令車路士卻步；而如果直接比較艾基同捷維爾二人能力上既分野的話，單計速度上相信兩者相若無幾，邊路出波方面會係後者較為優勝，而艾基喺頭槌攻門方面既能力就比較強，再加上佢同時能勝任藍軍兩個都需要人既位置，除左左閘之外車路士亦有需要喺中堅位置上作出補充，始終依加陣中就只有魯迪加較為值得信賴，喺哩一刻黎講回購艾基從而解決兩個位置既問題可以話係一家便宜兩家著。
再加上般茅依加身陷降班區，如果季尾最終篤定降班的話，陣中數位具能力既核心球員亦定必選擇離隊他投，而艾基除左回歸史丹福橋外之亦不愁無下家，以佢依加所處於既水平黎講，喺各大聯賽搵一啲中上水平既球隊收留亦唔係難事，如果最終車路士真係無法收購得到頭號目標捷維爾的話，相信艾基會係考慮人選之一。
文章發表時間 : 25/06/2020 11:50
文章最後更新時間 : 25/06/2020 11:50
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
回購艾基一直都成為車路士既年度話題，不過相信今次亦會係最後一次，外界對於哩名般尼茅夫後衛合約中既回購限期有兩種說法，分別係已完結既冬季轉會窗以及係黎緊既夏季轉會窗，無論屬真屬假都好今次都將會係最後一次機會啟動回購既機會，加上近日車路士喺轉巿場上尋求新左閘，如果比較之下能夠同時勝任中堅以及閘位兩個位置既艾基似乎又未嘗唔係一個好人選。
哩名車路士青訓球員離開史丹福橋都踏入第三個年頭，同期另外三位青訓好友路夫斯捷克、查路巴（Nathaniel Chalobah）、艾拿(Ola Aina）等人都各奔前程，只有「龍虎切」一人能夠喺藍軍陣中佔一席位，而對比於四人之中其實艾基無論喺實力同質素都處於中上水平，只可惜時不與我，外借回歸藍橋後一直都進入唔到時任主帥干地既陣容之中，當時艾基其實經歷左兩季既外借既英超生涯都証明左自己有能力生存喺哩個聯賽之中，但即使回歸藍軍後干地比到佢既機會實在唔多，最終令艾基選擇離開而加盟曾外借過去既般尼茅夫。
而喺過去哩短短兩年多既時間都睇到，哩名荷蘭後衛經已成為般茅陣中提升至核心球員地位，亦順理成章地維持入選荷蘭國家隊既名單之中，球員特點以靈活同速度見稱，轉身回追動作靈巧快速，唔容易比對手打佢身後位，再加上爆發力強勁，初時加盟經已為般茅防線增添好大活力，而同時艾基亦善於引球推進同用波哩啲現代足球後衛技能，令佢既身價喺未夠三季既時間已經升左一倍有多，亦成為左唔少列強球隊既潛在收購目標。
艾基除左常規既中堅位置外，同時能夠勝任左閘以及防中位置，而車路士喺增添薛耶治以及添姆雲拿過後，一直都希望尋求新左閘球員加盟，當中以李斯特城既捷維爾（Ben Chilwell）呼聲最高，但喺價錢上由於李城並不急切出售，驅使喺定價上非常進取地提出八千萬鎊既轉會費要求，價錢上令車路士卻步；而如果直接比較艾基同捷維爾二人能力上既分野的話，單計速度上相信兩者相若無幾，邊路出波方面會係後者較為優勝，而艾基喺頭槌攻門方面既能力就比較強，再加上佢同時能勝任藍軍兩個都需要人既位置，除左左閘之外車路士亦有需要喺中堅位置上作出補充，始終依加陣中就只有魯迪加較為值得信賴，喺哩一刻黎講回購艾基從而解決兩個位置既問題可以話係一家便宜兩家著。
再加上般茅依加身陷降班區，如果季尾最終篤定降班的話，陣中數位具能力既核心球員亦定必選擇離隊他投，而艾基除左回歸史丹福橋外之亦不愁無下家，以佢依加所處於既水平黎講，喺各大聯賽搵一啲中上水平既球隊收留亦唔係難事，如果最終車路士真係無法收購得到頭號目標捷維爾的話，相信艾基會係考慮人選之一。
文章發表時間 : 25/06/2020 11:50
文章最後更新時間 : 25/06/2020 11:50
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊