如果有一次機會 你會再次上車嗎?施治

藍獅 於 12/05/2017 發表 收藏文章
-請支持藍獅 Facebook專頁-
<歡迎轉載 請列明出處 謝謝>

幻想之作系列 小弟向來對英國「每日郵報(Daily Mail)」既可信性跟香港既八掛雜誌同一評級,近日看到篇有關車路士想帶現任阿仙奴門將施治重回藍橋既報道,雖然可能性不大,但小弟忽發奇想,如果依加真係有一次機會比施治,佢會否選擇再次穿起車路士的球衣?
比高域如無意外來季將會離開藍橋,當日佢接過施治留下來既一號球衣,可惜不能為球隊帶黎良性競爭,而車路士亦四出為副選門將而煩惱,些路迪既哥頓(Craig Gordon)曾經也拉得很近,但最終佢選擇與球隊續約。再睇番施治,離開車路士已接近兩個賽季,當日為了獲得穩定既正選,亦認為古圖爾斯係車路士既未來,最終選擇離開,而同時希望留在倫敦繼續生活,所以即使時任領隊摩連奴反對,亦獲油王艾巴莫域治首肯轉投同市宿敵阿仙奴。
而言,施治對阿仙奴既防線黎講係一個強力補充,令不少阿迷帶著期盼既目光等待佢既來臨。睇番第一季(即係上季)既數據,施治一共為阿仙奴各項賽事上陣共42場,一共失左42個波,換句話說即係平均每場就會有一個失球出現,而42場波當中有20場有清白之身,數據似乎並非特別亮眼,但心水清既球迷都仲會記得佢為阿仙奴保住左唔少勝仗或和局;到今季,至今一共上陣34場,但已經失左36個波,其中只有12場不失球賽事。數據上施治今季多左失波同時少左不失球賽事,明顯反應及撲救處理都不復當年勇,但反觀阿仙奴既防線喺哩兩季帶比施治既保護是否足夠?
另一方面,今季施治從未曾代表阿仙奴在任何一場歐聯賽事上把關,全數由聯賽後備門將奧斯賓拿擔起守龍任務,即使再次在十六強遇到老對手拜仁,首回合帶著大敗五比一既劣勢,次回合依然繼續由奧斯賓拿把關。相信大部份球迷都認為兩者實力有一定差距,為何雲加在今季會作出巴塞式龍門輪換法,而以施治既實力也未有給予一次上陣機會,實在令人摸不著頭腦。
而古圖爾斯在施治離開後有一段回落期,似乎是缺乏良性競爭未感壓力所導致,今季亦有傳皇馬對佢虎視眈眈。車路士在不想被球員牽著鼻子走,以及比高域離開必需收購新門將既前題下,讓施治重回藍橋未嘗唔係一個好辦法。隊長泰利亦離開在即,而車路士下季將會重番歐聯,身為球隊老大哥既施治,如果真係有一次重回藍橋既機會的話...

你係佢,又會如何選擇?

來源 : http://www.breathechelsea.com/chelsea-want-cech-back/


<歡迎轉載 請列明出處 謝謝>
藍獅 每週出文 用心寫每篇文章 給我們一個Like作支持 : https://www.facebook.com/bluexlion/

如果喜歡我們的文章,請即分享到︰

標籤: 施治  阿仙奴  車路士  

留言

會員
我要評論
請按此登錄後留言。未成為會員? 立即註冊
  • 閒雲野鶴
    閒雲野鶴 於 12/05/2017 評論 NO. 1

    施治今季都有啲小傷,年紀大在所難免。唔放佢打歐聯亦未必係壞事,輸十粒畀拜仁亦唔關門將事,何況首回合奧斯一賓拿都救唔少波,否則點止輸一比五。你話如果有機會回歸,我估阿仙奴就唔會畀呢件事發生囉。

快捷鍵:←
快捷鍵:→