《原創文章 歡迎轉載 請列明出處 謝謝》
-請支持藍獅 Facebook專頁-
承接上篇有關詳盡介紹薛耶治既文章過後，亦可延伸至黎緊車路士喺翼鋒位置上既版圖變化，陣中現有四名邊路球員韋利安、柏度、奧岱以及普利錫今季各自得到出場機會，而佢地亦各有長短之處比較，而林伯特究竟會喺增添薛耶治過後點樣重組哩條翼鋒線？可以一齊探討一下...
關於薛耶治既篇幅並唔會太多，詳情可稍移玉步至《為何林伯特需要一個薛耶治？（上）》以及《為何林伯特需要一個薛耶治？（下）》收看，今次哩篇文章將會針對性講返現有既翼鋒球員同林伯特既取向方面，喺依加車路士所擁有既四名邊路球員之中，韋利安定必係今季上陣時間最多既球員黎，而個人亦多次強調林伯特今季喺戰術上亦非常依賴哩位巴西翼鋒喺邊路上既推進能力。
尤其係喺夏薩特離隊過後，球隊少左即場變化既催化劑過後，更為依賴需要更加直接既攻力輸出，而推進力就係最為簡單有效既方法一種，由中後場開始以一己之力連人帶波推至對方後半場，變相令隊友能夠專注把握騰出黎既空間而捕捉機會，再加上韋利安除左推進之外，喺體能流放同傷患史入面亦冠絕全隊咁劑，咁既踢法去到咁既年紀仲可以保持到全場奔跑既輸出而少傷患，老實講真係無乜野可以挑剔，當然，你依然可以話佢喺最後一傳同最後一射依然都係飄忽不定，但就由加盟車路士早年起佢經已唔係精於哩方面既球員，又何必再喺巴西人既生涯晚年仍然唔肯面對真相呢。
而另外兩名小將奧岱以及普利錫可以一拼黎講，因為佢地今季既處境都係非常相似，亦係受傷患困擾，而當傷癒後到操返好狀態之後又再傷過，就好似唔洗估都知劇情一樣，不過如果單計即戰力以及戰術需要黎講，普利錫既能力同經驗會比起奧岱優勝，始終美國隊長曾經踢過多蒙特，季初經一輪訓練加強背身能力後明顯適應左英超既強度，反而奧岱喺場上既表現較為飄忽，感覺上佢始終偏向賣弄腳法，而少左更為實際既輸出，同時喺能力水平上亦都只能應付一啲英超中下游球隊，面對住列強或者歐聯對手仍有一定差距。
至於最後就到柏度，哩位西班牙翼鋒今季至今既上陣時間係以上四位中最少，如果唔係去到其他翼鋒因傷缺陣的話柏度都幾乎無機會上陣咁制，同時能夠左右腳開弓既佢喺個人技術層面上定必係最為優厚，當然喺速度上未必跟得上班後生，不過喺走位入攝時機捕捉得好好，唔會推死位總能夠喺合適既位置做合適既野，經驗上亦能提攜一眾小將。
簡介左眾人喺今季既動向以及戰術需要後，下集將會講下究竟邊啲球會係需要離開，從而騰出空間去比到薛耶治，而同時喺收購左後者過後亦是否意味住喺翼鋒位置上經已完成補充，還是仲有某類型缺少既特質係需要新球員作填補，下回再續...
文章發表時間 : 18/05/2019 12:40
文章最後更新時間 : 18/05/2019 12:40
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
承接上篇有關詳盡介紹薛耶治既文章過後，亦可延伸至黎緊車路士喺翼鋒位置上既版圖變化，陣中現有四名邊路球員韋利安、柏度、奧岱以及普利錫今季各自得到出場機會，而佢地亦各有長短之處比較，而林伯特究竟會喺增添薛耶治過後點樣重組哩條翼鋒線？可以一齊探討一下...
關於薛耶治既篇幅並唔會太多，詳情可稍移玉步至《為何林伯特需要一個薛耶治？（上）》以及《為何林伯特需要一個薛耶治？（下）》收看，今次哩篇文章將會針對性講返現有既翼鋒球員同林伯特既取向方面，喺依加車路士所擁有既四名邊路球員之中，韋利安定必係今季上陣時間最多既球員黎，而個人亦多次強調林伯特今季喺戰術上亦非常依賴哩位巴西翼鋒喺邊路上既推進能力。
尤其係喺夏薩特離隊過後，球隊少左即場變化既催化劑過後，更為依賴需要更加直接既攻力輸出，而推進力就係最為簡單有效既方法一種，由中後場開始以一己之力連人帶波推至對方後半場，變相令隊友能夠專注把握騰出黎既空間而捕捉機會，再加上韋利安除左推進之外，喺體能流放同傷患史入面亦冠絕全隊咁劑，咁既踢法去到咁既年紀仲可以保持到全場奔跑既輸出而少傷患，老實講真係無乜野可以挑剔，當然，你依然可以話佢喺最後一傳同最後一射依然都係飄忽不定，但就由加盟車路士早年起佢經已唔係精於哩方面既球員，又何必再喺巴西人既生涯晚年仍然唔肯面對真相呢。
而另外兩名小將奧岱以及普利錫可以一拼黎講，因為佢地今季既處境都係非常相似，亦係受傷患困擾，而當傷癒後到操返好狀態之後又再傷過，就好似唔洗估都知劇情一樣，不過如果單計即戰力以及戰術需要黎講，普利錫既能力同經驗會比起奧岱優勝，始終美國隊長曾經踢過多蒙特，季初經一輪訓練加強背身能力後明顯適應左英超既強度，反而奧岱喺場上既表現較為飄忽，感覺上佢始終偏向賣弄腳法，而少左更為實際既輸出，同時喺能力水平上亦都只能應付一啲英超中下游球隊，面對住列強或者歐聯對手仍有一定差距。
至於最後就到柏度，哩位西班牙翼鋒今季至今既上陣時間係以上四位中最少，如果唔係去到其他翼鋒因傷缺陣的話柏度都幾乎無機會上陣咁制，同時能夠左右腳開弓既佢喺個人技術層面上定必係最為優厚，當然喺速度上未必跟得上班後生，不過喺走位入攝時機捕捉得好好，唔會推死位總能夠喺合適既位置做合適既野，經驗上亦能提攜一眾小將。
簡介左眾人喺今季既動向以及戰術需要後，下集將會講下究竟邊啲球會係需要離開，從而騰出空間去比到薛耶治，而同時喺收購左後者過後亦是否意味住喺翼鋒位置上經已完成補充，還是仲有某類型缺少既特質係需要新球員作填補，下回再續...
文章發表時間 : 18/05/2019 12:40
文章最後更新時間 : 18/05/2019 12:40
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊