《原創文章 歡迎轉載 請列明出處 謝謝》
-請支持藍獅 Facebook專頁-
雖然早前車路士經已成功就轉會禁令上訴得直，提前於冬季轉會窗解禁，但藍軍並未有作出任何轉會動作，實在令球迷感到意外，外界一直傳出林伯特經已有心目中既理想構圖，而其中古天奴亦係當中呼聲最大既人選之一，如無意外哩位巴西國腳將會喺季後回歸巴塞，拜仁亦無意買斷或續借，今集就一齊探討一下車路士有冇古天奴既需要。
由林伯特季初上任至今，都睇到哩位車路士名宿所構建既戰術藍圖都以傳控為首以及祟尚進攻，繼續以前任主帥沙利所打造既戰術再加以改良，同時再力推一班年輕新秀上位，希望能夠以陣中老將帶領小將們維持整季賽程，而所得出既結果亦比預期理想，雖然喺停罷前車路士利用運氣繼續保留於前四之列，不過以林伯特既經驗同級數能夠將藍軍帶到哩個位置經已係合格有餘。
只不過喺賽季進程中睇到，如果需要再讓球隊有進一步提升的話，個別位置上既補充係絕對有需要，而範圍包括中堅、左閘以及前線位置，巴舒亞伊既離開只係時間問題，而球隊除左喺前鋒上需要作出收購之外，亦有必要在攻中或翼鋒位置上加強，尤其係喺今季藍軍面對住一啲主守球隊時，前線經常出現進攻乏力既情況，只能圍住對方禁區外圍不斷橫傳，缺少前插入禁區以及變奏創造機會的技倆。
而古天奴的確係哩個位置既合適人選，除左因為巴西人擁有穿透性既傳球質量之外，更重要係佢非常善於在禁區邊施射，哩一點係大部份車路士現有既球員都缺少既元素，而哩樣技能亦係好多時面對密集時都需要的，以古天奴既個人賣點黎講確係相當吸引，之不過同時亦有缺點需要作出取捨，哩位巴塞球員雖然擁有優厚既自身質素，但始終唔能夠話好穩定咁持續發揮出黎，狀態起伏偏大，三場唔埋就會總有一場打得唔好。
而同時喺身價上雖然已經比起當日巴塞將佢由利物浦帶到魯營球場時縮水一半有多，但喺個人薪金上再對比起較為不穩定既表現之下，難免會比到人一種偏向奢侈品既感覺，除非喺轉會費以及球員薪金上有好大讓步空間，否則以依加車路士既財力實在難以只為一個位置投放過量資金，當然，外借亦不失為一個好選擇，但以依加藍軍所面對既處境黎講，以外借形式將古天奴帶到史丹福橋亦都只係舒緩方案，一季過後亦需要再次面對同樣問題。
昂貴的奢侈品，作風上偏好錦上添花，雖則喺球員特質上切合到藍軍既需要，但當總括埋身價以及狀態等因素之下車路士實在未有容立到巴西人既地方，再加上球隊經已於邊線上添置左薛耶治更具性價比既選擇，古天奴就留待比下一位有心人吧...
文章發表時間 : 20/05/2019 12:10
文章最後更新時間 : 20/05/2019 12:10
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
雖然早前車路士經已成功就轉會禁令上訴得直，提前於冬季轉會窗解禁，但藍軍並未有作出任何轉會動作，實在令球迷感到意外，外界一直傳出林伯特經已有心目中既理想構圖，而其中古天奴亦係當中呼聲最大既人選之一，如無意外哩位巴西國腳將會喺季後回歸巴塞，拜仁亦無意買斷或續借，今集就一齊探討一下車路士有冇古天奴既需要。
由林伯特季初上任至今，都睇到哩位車路士名宿所構建既戰術藍圖都以傳控為首以及祟尚進攻，繼續以前任主帥沙利所打造既戰術再加以改良，同時再力推一班年輕新秀上位，希望能夠以陣中老將帶領小將們維持整季賽程，而所得出既結果亦比預期理想，雖然喺停罷前車路士利用運氣繼續保留於前四之列，不過以林伯特既經驗同級數能夠將藍軍帶到哩個位置經已係合格有餘。
只不過喺賽季進程中睇到，如果需要再讓球隊有進一步提升的話，個別位置上既補充係絕對有需要，而範圍包括中堅、左閘以及前線位置，巴舒亞伊既離開只係時間問題，而球隊除左喺前鋒上需要作出收購之外，亦有必要在攻中或翼鋒位置上加強，尤其係喺今季藍軍面對住一啲主守球隊時，前線經常出現進攻乏力既情況，只能圍住對方禁區外圍不斷橫傳，缺少前插入禁區以及變奏創造機會的技倆。
而古天奴的確係哩個位置既合適人選，除左因為巴西人擁有穿透性既傳球質量之外，更重要係佢非常善於在禁區邊施射，哩一點係大部份車路士現有既球員都缺少既元素，而哩樣技能亦係好多時面對密集時都需要的，以古天奴既個人賣點黎講確係相當吸引，之不過同時亦有缺點需要作出取捨，哩位巴塞球員雖然擁有優厚既自身質素，但始終唔能夠話好穩定咁持續發揮出黎，狀態起伏偏大，三場唔埋就會總有一場打得唔好。
而同時喺身價上雖然已經比起當日巴塞將佢由利物浦帶到魯營球場時縮水一半有多，但喺個人薪金上再對比起較為不穩定既表現之下，難免會比到人一種偏向奢侈品既感覺，除非喺轉會費以及球員薪金上有好大讓步空間，否則以依加車路士既財力實在難以只為一個位置投放過量資金，當然，外借亦不失為一個好選擇，但以依加藍軍所面對既處境黎講，以外借形式將古天奴帶到史丹福橋亦都只係舒緩方案，一季過後亦需要再次面對同樣問題。
昂貴的奢侈品，作風上偏好錦上添花，雖則喺球員特質上切合到藍軍既需要，但當總括埋身價以及狀態等因素之下車路士實在未有容立到巴西人既地方，再加上球隊經已於邊線上添置左薛耶治更具性價比既選擇，古天奴就留待比下一位有心人吧...
文章發表時間 : 20/05/2019 12:10
文章最後更新時間 : 20/05/2019 12:10
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊