《原創文章 歡迎轉載 請列明出處 謝謝》
-請支持藍獅 Facebook專頁-
如果唔講比你聽你都未必知，依加車路士既一隊中場線有成八名球員，講緊仲要未計埋今季外借左出去既數目，喺過去體育總監艾文拿路（Michael Emenalo）離職前幾季偏向重量不重質既收購作風，令藍軍囤積左好幾名用唔著球員，而喺依加既轉會市場上亦較難以求售甩手，今集將會集中討論車路士既中場線喺黎緊應如何重組以及未來大方向。
歷史亦唔講咁遠，就由干地教果季講起，喺哩位意大利主帥上任前球會經已從李斯特城收購簡迪，以當時既價錢收購到哩位世界級球員當然係一單相當優質既交易，而喺戰術同人腳配合下亦令干地喺登陸英格蘭既第一季就奪得英超冠軍，但去到第二季球會喺中場既收購上就實在真係不堪入目，買入真禾特、巴卡約高再加上巴克利，前兩者既買入價比起收購簡迪時更貴，而依加哩兩位球員亦都唔符合藍軍既戰術體系近兩季都被外借到其他球會，只係淨番巴克利叫做仲可以保留喺一隊之中。
由尼恩高蘭（Radja Nainggolan）變成巴卡約高，再由張伯倫（Oxlade-Chamberlain）變成真禾特，干地首選既目標變成球會求期搵人頂替既唔知第幾次選既目標，艾文拿路亦選擇離開車路士轉投摩納哥，而喺種種因素底下亦埋下左干地離職既伏線，轉手就由另一意大利主帥沙利上任，上季季初球會亦滿足新任主帥既要求收購佢既拿玻里舊部佐真奴，再加上喺皇馬外借到高華錫，哩兩名相當具技術含量既球員無疑提升左藍軍中場質素同實力。
即使沙利選擇離開，接任既林伯特亦非常依賴佐真奴同高華錫兩者之間既配合，以佢既用人作風之下，除左前面兩位之外，簡迪、蒙特、巴克利、路夫斯捷克以及新上位既基爾摩亞都會係佢較為著手運用既中場球員，反觀真禾特、巴卡約高以及長期養傷曾被譽為林伯特接班人既雲真高（Van Ginkel）亦應及早甩手，蝕就一定蝕，只係將收返黎既錢投放喺其實更需要用到既位置更好。
反而要留意既係簡迪既運用，林伯特一直未能夠喺哩位法國中場既使用同組合上適合既位置，而個人認為喺路夫斯捷克傷癒復出後，將簡迪負責開推進既工作交比佢，而後者選擇上可以因應對手退後一格打番防中位置，變相令林伯特喺用人同臨場調動上可以得到更多變化，以現有既人腳配置，其實都經已擁有不同類型特質既球員喺度，只係喺組合上點樣可以發揮得最好，哩一點林伯特仲要繼續自我發掘落去。
而喺新收購既球員方面，近日有傳車路士對回購舊將迪格蘭賴斯（Declan Rice）感到興趣，但以林伯特既用人準則黎講暫時都未睇到喺陣容上有哩位韋斯咸防中既需要，可參考早前《車路士中場人才濟濟 為何林伯特還要響起歸家的訊號召喚迪格蘭賴斯？》既文章篇幅，反而喺前鋒、中堅以及左閘位置上需要補充會比起中場會更重要。
文章發表時間 : 12/05/2019 13:55
文章最後更新時間 : 12/05/2019 13:55
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
-請支持藍獅 Facebook專頁-
如果唔講比你聽你都未必知，依加車路士既一隊中場線有成八名球員，講緊仲要未計埋今季外借左出去既數目，喺過去體育總監艾文拿路（Michael Emenalo）離職前幾季偏向重量不重質既收購作風，令藍軍囤積左好幾名用唔著球員，而喺依加既轉會市場上亦較難以求售甩手，今集將會集中討論車路士既中場線喺黎緊應如何重組以及未來大方向。
歷史亦唔講咁遠，就由干地教果季講起，喺哩位意大利主帥上任前球會經已從李斯特城收購簡迪，以當時既價錢收購到哩位世界級球員當然係一單相當優質既交易，而喺戰術同人腳配合下亦令干地喺登陸英格蘭既第一季就奪得英超冠軍，但去到第二季球會喺中場既收購上就實在真係不堪入目，買入真禾特、巴卡約高再加上巴克利，前兩者既買入價比起收購簡迪時更貴，而依加哩兩位球員亦都唔符合藍軍既戰術體系近兩季都被外借到其他球會，只係淨番巴克利叫做仲可以保留喺一隊之中。
由尼恩高蘭（Radja Nainggolan）變成巴卡約高，再由張伯倫（Oxlade-Chamberlain）變成真禾特，干地首選既目標變成球會求期搵人頂替既唔知第幾次選既目標，艾文拿路亦選擇離開車路士轉投摩納哥，而喺種種因素底下亦埋下左干地離職既伏線，轉手就由另一意大利主帥沙利上任，上季季初球會亦滿足新任主帥既要求收購佢既拿玻里舊部佐真奴，再加上喺皇馬外借到高華錫，哩兩名相當具技術含量既球員無疑提升左藍軍中場質素同實力。
即使沙利選擇離開，接任既林伯特亦非常依賴佐真奴同高華錫兩者之間既配合，以佢既用人作風之下，除左前面兩位之外，簡迪、蒙特、巴克利、路夫斯捷克以及新上位既基爾摩亞都會係佢較為著手運用既中場球員，反觀真禾特、巴卡約高以及長期養傷曾被譽為林伯特接班人既雲真高（Van Ginkel）亦應及早甩手，蝕就一定蝕，只係將收返黎既錢投放喺其實更需要用到既位置更好。
反而要留意既係簡迪既運用，林伯特一直未能夠喺哩位法國中場既使用同組合上適合既位置，而個人認為喺路夫斯捷克傷癒復出後，將簡迪負責開推進既工作交比佢，而後者選擇上可以因應對手退後一格打番防中位置，變相令林伯特喺用人同臨場調動上可以得到更多變化，以現有既人腳配置，其實都經已擁有不同類型特質既球員喺度，只係喺組合上點樣可以發揮得最好，哩一點林伯特仲要繼續自我發掘落去。
而喺新收購既球員方面，近日有傳車路士對回購舊將迪格蘭賴斯（Declan Rice）感到興趣，但以林伯特既用人準則黎講暫時都未睇到喺陣容上有哩位韋斯咸防中既需要，可參考早前《車路士中場人才濟濟 為何林伯特還要響起歸家的訊號召喚迪格蘭賴斯？》既文章篇幅，反而喺前鋒、中堅以及左閘位置上需要補充會比起中場會更重要。
文章發表時間 : 12/05/2019 13:55
文章最後更新時間 : 12/05/2019 13:55
《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊