圖片來源：Sky Sports
今輪英超頭場已經有場精彩大戰，由車路士喺主場迎戰曼城。喺筆者眼中，呢兩支球隊同利物浦絕對係今季英超頭三大熱 (排名不分先後)，因為佢哋無論喺球員質素、戰術運用及執行力、陣容深度以致穩定性都係屬於高水平，呢三隊之間嘅對賽成績可能就直接影響今季英超冠軍誰屬。
睇翻場波，杜曹帶領嘅車路士今場繼續排出三中堅陣式，不過就由常見嘅 3-4-2-1 變成 3-5-2，隊中三防中高華錫、佐真奴、簡迪悉數正選，相信係希望透過增加中場人手去阻止曼城從中路進攻；前線則收起蒙特 (Mason Mount)、夏維斯 (Kai Havertz)，改以添姆雲拿擔任盧卡古嘅前鋒拍檔。
車路士正選陣容
GK16文迪 Edouard Mendy
CB2 魯迪加 Antonio Rüdiger
CB4 基斯甸臣 Andreas Christensen
CB28艾斯比列古達 Cesar Azpilicueta
LWB3馬高斯阿朗素 Marcos Alonso
CM8 高華錫 Mateo KovacicCM5 佐真奴 Jorginho (76' 由路夫斯捷克 Ruben Loftus-Cheek 入替)
CM7 簡迪 N’Golo Kanté (60' 由夏維斯 Kai Havertz 入替)
RWB24列斯占士 Reece James (29' 由泰亞高施華 Thiago Silva 入替)
FW11 添姆雲拿 Timo Werner
FW9 盧卡古 Romelu Lukaku
曼城亦同樣以熟悉嘅陣容出戰，牌面上係 4-3-3 而實際上係無鋒陣，人腳上亦只有兩個調動，分別係由迪布尼取代受傷嘅根度簡 (Ilkay Gündogan) 出任正選中場同埋以科頓取代費蘭托利斯 (Ferran Torres) 嘅前鋒位置。
曼城正選陣容
GK31艾達臣 Ederson
LB27簡些路 João Cancelo
CB14拿樸迪 Aymeric LaporteCB3 戴亞斯 Rúben Dias
RB2 卡爾獲加 Kyle Walker
CM20貝拿度施華 Bernardo Silva
CM16洛迪 Rodri
CM17迪布尼 Kevin De Bruyne (81' 由馬列斯 Riyad Mahrez 入替)
FW10基利殊 Jack Grealish (87' 由史達寧 Raheem Sterling 入替)
FW47科頓 Phil Foden (87' 由費蘭甸奴 Fernandinho 入替)
FW9 加比爾捷西斯 Gabriel Jesus
資料來源：Sky Sports
今場兩隊都打出部署，車路士以防守反擊為主，讓出控球，曼城亦理所當然地成為主導球賽嘅一方，大踢自己最熟悉嘅傳控足球。但曼城即使擁有大約 6 成控球率，要攻破車路士大門都唔係一件易事，不論從邊路、half space 甚至中路發起嘅連番攻勢都被車路士嚴密、有紀律嘅防守一一化解。戰至 53 分鐘，曼城左閘簡些路禁區外起腳，皮球落喺加比爾捷西斯腳下，佢喺人群之中搵到條「私家路」起腳省中佐真奴後入網。及後車路士積極反撲，先後換入夏維斯、路夫斯捷克加強攻力，可惜始終未能破蛋。最終曼城憑一個帶有幸運成份嘅入球小勝車路士。
車路士 – 人算不如天算
從車路士今場嘅正選陣容就知道杜曹決意打防守反擊。三中場用上高華錫、佐真奴、簡迪防守性較強嘅組合；而前線抽起蒙特、夏維斯轉用速度型嘅添姆雲拿，亦顯示進攻方面會更集中由中後場大腳斬去空位俾兩位前鋒甚至翼衛追，減少過往常見嘅短傳組織。
車路士三防中嘅遮線十分有效率，可以有效防止曼城從中路發動嘅攻勢；即使曼城轉由邊路進攻，覆蓋範圍大嘅高華錫、簡迪都能夠跟上，不過車路士呢個 3-5-2 三防中佈陣比起踢開嘅 3-4-2-1 就變相犠牲咗攻力。車路士踢 3-4-2-1 時會排出雙防中、雙攻中，進攻中場位置嘅蒙特、夏維斯就係中場線與前鋒之間嘅連接，可以負責組織之餘亦可以接應盧卡古回傳；相比之下，雖然 3-5-2 嘅三防中同 3-4-2-1 嘅雙防中位置一樣，但因為缺少咗進攻中場連接中場線同前鋒，因此反擊時會選擇由中後場大腳斬上前俾兩位前鋒自由發揮，但要等到中場或翼衛 follow up 就需要一段時間。然而喺呢場咁高強度嘅比賽，即使三防中體力再好都冇可能保持到全場高效率而走上走落嘅踢法，導致反擊時只有盧卡古、添姆雲拿單打獨鬥，進攻 follow up 上欠缺人手。比賽中亦的確經常見到盧卡古、添姆雲拿成功單對單，但對手防守球員比自己隊友更快趕到，最後導致進攻斷纜。
而筆者認為列斯占士 (Reece James) 傷出係車路士今場落敗嘅其中一個主要因素。喺三中堅陣式之中，一對翼衛可以話係當中嘅靈魂人物，佢哋除咗需要有良好嘅助攻同防守能力，亦要能夠閱讀球賽適時出現喺適當嘅地方，同時要具備速度應付對手反擊之餘幫助自己隊友打反擊。列斯占士速度快、體格強壯，防守唔錯之餘同時具備傳中、射門及處理死球嘅能力，佢同馬高斯阿朗素雙閘齊飛係車路士進攻嘅一大板斧。可惜佢早段傷出，杜曹改以較著重防守嘅艾斯比列古達踢右翼衛，換入泰亞高施華打中堅，變相令反擊力度減弱。不過筆者不禁忽發奇想：如果入替嘅係赫臣奧度爾 (Callum Hudson-Odoi) 而唔係泰亞高施華，由前者踢右翼衛、艾斯比列古達照踢中堅，保持球隊嘅攻力，個結局又會唔會唔同呢？
曼城 – 控制型足球
曼城嘅踢法相信唔需要太多解釋，大家都十分熟悉，都係透過中前場不斷走位、換位去攻擊對手中堅同閘之間嘅 half space，不過琴晚嘅比賽當中，曼城球員就多咗盤球向對方球員，直至對方球員就快想出腳攔截先作出傳球。筆者估計呢個係哥迪奧拿嘅指示，因為佢預計對方會採用比較保守、被動嘅防守方式為主，較少主動出腳，所以就叫自己嘅球員放心盤扭，吸引對方其他防守球員嘅注意力，令自己隊友有更多空位。
中前場防守方面，由於車路士組織進攻時大多數都會從後場開始，當車路士嘅防守球員控球時，曼城嘅中前場球員就會對佢哋作出人盯人式逼搶，逼使佢哋要喺短時間內做決定作出傳球，雖然車路士透過三防中嘅佈陣增加後場接應點，但曼城中場亦好快跟上並作出逼搶，只要逼到佢哋轉唔到身大腳向前傳，曼城就會利用人數優勢回收控球權，再次發動進攻。雖然盧卡古擅長頭鎚而且步大力雄，而添姆雲拿又非常靈活，喺單對單嘅情況下好難守得住，但喺對方缺少瞬速嘅進攻 follow up 下，曼城可以動用兩個甚至三個防守球員夾擊，就能夠輕鬆搶回球權。
總結
憑住加比爾捷西斯一箭定江山，哥迪奧拿帶領嘅曼城成功報上屆歐聯決賽一箭之仇。雖然曼城掌控球賽，但把握力仍然有待改善，畢竟今場比賽尾段車路士反撲時後防空虛，曼城有幾次反擊嘅黃金機會都未能把握射入「燕梭球」；對於車路士嚟講傷兵將會係佢哋多線作戰嘅一個挑戰，慶幸嘅係經過一輪硬仗例如對阿仙奴、利物浦、熱刺同今場嘅曼城後，嚟緊 10 月佢哋嘅對手實力都比較弱，可以作出適度嘅輪換避免主力受傷或疲勞過度。
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page！(https://www.facebook.com/blacksontalkball/)
今輪英超頭場已經有場精彩大戰，由車路士喺主場迎戰曼城。喺筆者眼中，呢兩支球隊同利物浦絕對係今季英超頭三大熱 (排名不分先後)，因為佢哋無論喺球員質素、戰術運用及執行力、陣容深度以致穩定性都係屬於高水平，呢三隊之間嘅對賽成績可能就直接影響今季英超冠軍誰屬。
睇翻場波，杜曹帶領嘅車路士今場繼續排出三中堅陣式，不過就由常見嘅 3-4-2-1 變成 3-5-2，隊中三防中高華錫、佐真奴、簡迪悉數正選，相信係希望透過增加中場人手去阻止曼城從中路進攻；前線則收起蒙特 (Mason Mount)、夏維斯 (Kai Havertz)，改以添姆雲拿擔任盧卡古嘅前鋒拍檔。
車路士正選陣容
GK16文迪 Edouard Mendy
CB2 魯迪加 Antonio Rüdiger
CB4 基斯甸臣 Andreas Christensen
CB28艾斯比列古達 Cesar Azpilicueta
LWB3馬高斯阿朗素 Marcos Alonso
CM8 高華錫 Mateo KovacicCM5 佐真奴 Jorginho (76' 由路夫斯捷克 Ruben Loftus-Cheek 入替)
CM7 簡迪 N’Golo Kanté (60' 由夏維斯 Kai Havertz 入替)
RWB24列斯占士 Reece James (29' 由泰亞高施華 Thiago Silva 入替)
FW11 添姆雲拿 Timo Werner
FW9 盧卡古 Romelu Lukaku
曼城亦同樣以熟悉嘅陣容出戰，牌面上係 4-3-3 而實際上係無鋒陣，人腳上亦只有兩個調動，分別係由迪布尼取代受傷嘅根度簡 (Ilkay Gündogan) 出任正選中場同埋以科頓取代費蘭托利斯 (Ferran Torres) 嘅前鋒位置。
曼城正選陣容
GK31艾達臣 Ederson
LB27簡些路 João Cancelo
CB14拿樸迪 Aymeric LaporteCB3 戴亞斯 Rúben Dias
RB2 卡爾獲加 Kyle Walker
CM20貝拿度施華 Bernardo Silva
CM16洛迪 Rodri
CM17迪布尼 Kevin De Bruyne (81' 由馬列斯 Riyad Mahrez 入替)
FW10基利殊 Jack Grealish (87' 由史達寧 Raheem Sterling 入替)
FW47科頓 Phil Foden (87' 由費蘭甸奴 Fernandinho 入替)
FW9 加比爾捷西斯 Gabriel Jesus
資料來源：Sky Sports
今場兩隊都打出部署，車路士以防守反擊為主，讓出控球，曼城亦理所當然地成為主導球賽嘅一方，大踢自己最熟悉嘅傳控足球。但曼城即使擁有大約 6 成控球率，要攻破車路士大門都唔係一件易事，不論從邊路、half space 甚至中路發起嘅連番攻勢都被車路士嚴密、有紀律嘅防守一一化解。戰至 53 分鐘，曼城左閘簡些路禁區外起腳，皮球落喺加比爾捷西斯腳下，佢喺人群之中搵到條「私家路」起腳省中佐真奴後入網。及後車路士積極反撲，先後換入夏維斯、路夫斯捷克加強攻力，可惜始終未能破蛋。最終曼城憑一個帶有幸運成份嘅入球小勝車路士。
車路士 – 人算不如天算
從車路士今場嘅正選陣容就知道杜曹決意打防守反擊。三中場用上高華錫、佐真奴、簡迪防守性較強嘅組合；而前線抽起蒙特、夏維斯轉用速度型嘅添姆雲拿，亦顯示進攻方面會更集中由中後場大腳斬去空位俾兩位前鋒甚至翼衛追，減少過往常見嘅短傳組織。
車路士三防中嘅遮線十分有效率，可以有效防止曼城從中路發動嘅攻勢；即使曼城轉由邊路進攻，覆蓋範圍大嘅高華錫、簡迪都能夠跟上，不過車路士呢個 3-5-2 三防中佈陣比起踢開嘅 3-4-2-1 就變相犠牲咗攻力。車路士踢 3-4-2-1 時會排出雙防中、雙攻中，進攻中場位置嘅蒙特、夏維斯就係中場線與前鋒之間嘅連接，可以負責組織之餘亦可以接應盧卡古回傳；相比之下，雖然 3-5-2 嘅三防中同 3-4-2-1 嘅雙防中位置一樣，但因為缺少咗進攻中場連接中場線同前鋒，因此反擊時會選擇由中後場大腳斬上前俾兩位前鋒自由發揮，但要等到中場或翼衛 follow up 就需要一段時間。然而喺呢場咁高強度嘅比賽，即使三防中體力再好都冇可能保持到全場高效率而走上走落嘅踢法，導致反擊時只有盧卡古、添姆雲拿單打獨鬥，進攻 follow up 上欠缺人手。比賽中亦的確經常見到盧卡古、添姆雲拿成功單對單，但對手防守球員比自己隊友更快趕到，最後導致進攻斷纜。
而筆者認為列斯占士 (Reece James) 傷出係車路士今場落敗嘅其中一個主要因素。喺三中堅陣式之中，一對翼衛可以話係當中嘅靈魂人物，佢哋除咗需要有良好嘅助攻同防守能力，亦要能夠閱讀球賽適時出現喺適當嘅地方，同時要具備速度應付對手反擊之餘幫助自己隊友打反擊。列斯占士速度快、體格強壯，防守唔錯之餘同時具備傳中、射門及處理死球嘅能力，佢同馬高斯阿朗素雙閘齊飛係車路士進攻嘅一大板斧。可惜佢早段傷出，杜曹改以較著重防守嘅艾斯比列古達踢右翼衛，換入泰亞高施華打中堅，變相令反擊力度減弱。不過筆者不禁忽發奇想：如果入替嘅係赫臣奧度爾 (Callum Hudson-Odoi) 而唔係泰亞高施華，由前者踢右翼衛、艾斯比列古達照踢中堅，保持球隊嘅攻力，個結局又會唔會唔同呢？
曼城 – 控制型足球
曼城嘅踢法相信唔需要太多解釋，大家都十分熟悉，都係透過中前場不斷走位、換位去攻擊對手中堅同閘之間嘅 half space，不過琴晚嘅比賽當中，曼城球員就多咗盤球向對方球員，直至對方球員就快想出腳攔截先作出傳球。筆者估計呢個係哥迪奧拿嘅指示，因為佢預計對方會採用比較保守、被動嘅防守方式為主，較少主動出腳，所以就叫自己嘅球員放心盤扭，吸引對方其他防守球員嘅注意力，令自己隊友有更多空位。
中前場防守方面，由於車路士組織進攻時大多數都會從後場開始，當車路士嘅防守球員控球時，曼城嘅中前場球員就會對佢哋作出人盯人式逼搶，逼使佢哋要喺短時間內做決定作出傳球，雖然車路士透過三防中嘅佈陣增加後場接應點，但曼城中場亦好快跟上並作出逼搶，只要逼到佢哋轉唔到身大腳向前傳，曼城就會利用人數優勢回收控球權，再次發動進攻。雖然盧卡古擅長頭鎚而且步大力雄，而添姆雲拿又非常靈活，喺單對單嘅情況下好難守得住，但喺對方缺少瞬速嘅進攻 follow up 下，曼城可以動用兩個甚至三個防守球員夾擊，就能夠輕鬆搶回球權。
總結
憑住加比爾捷西斯一箭定江山，哥迪奧拿帶領嘅曼城成功報上屆歐聯決賽一箭之仇。雖然曼城掌控球賽，但把握力仍然有待改善，畢竟今場比賽尾段車路士反撲時後防空虛，曼城有幾次反擊嘅黃金機會都未能把握射入「燕梭球」；對於車路士嚟講傷兵將會係佢哋多線作戰嘅一個挑戰，慶幸嘅係經過一輪硬仗例如對阿仙奴、利物浦、熱刺同今場嘅曼城後，嚟緊 10 月佢哋嘅對手實力都比較弱，可以作出適度嘅輪換避免主力受傷或疲勞過度。
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page！(https://www.facebook.com/blacksontalkball/)
請按此登錄後留言。未成為會員? 立即註冊