圖片來源：香港足球總會 (https://www.hkfa.com/news_details2/19746)
港隊喺星期日晚 (3 月 28 號) 迎嚟今個國際賽期第二場友誼賽，遠赴馬來西亞作賽。雙方繼舊年 6 月後再次碰頭，當時港隊作客兩球不敵馬來西亞，今次亦以同樣比數落敗。
港隊今場繼續以 4-3-3 陣式出戰，並作出一定程度嘅輪換。門將方面由隊長葉鴻輝把守最後一關，四人防線以全新組合示人，由左至右係梁冠聰、李毅凱、勞烈斯、茹子楠；中場方面繼續有黃洋鎮守中路，夥拍胡晉銘、鞠盈智；鋒線上由於安永佳因傷退隊，潘沛軒出任正選中鋒，孫銘謙及上場先列後備嘅艾華則踢左右翼。
圖片來源：香港足球總會 Facebook (https://www.facebook.com/HKFAofficial/photos/a.246614737584520/539299828316008/)
香港正選陣容
GK1葉鴻輝 Yapp Hung Fai
LB12梁冠聰 Leung Kwun Chung (60' 由黃梓浩 Wong Tsz Ho 入替)
CB13李毅凱 Li Ngai Hoi (60' 由梁諾恆 Leung Nok Hang 入替)
CB4 勞烈斯 Vas Nuñez
RB21茹子楠 Yue Tze Nam
CM23鞠盈智 Ju Ying Zhi (71' 由顏卓彬 Ngan Cheuk Pan 入替)
CM6 黃洋 Huang Yang
CM8 胡晉銘 Wu Chun Ming (60' 由陳肇鈞 Chan Siu Kwan Philip 入替)
LW22孫銘謙 Sun Ming Him (81' 由黃浩雋 Wong Ho Chun 入替)
ST14潘沛軒 Poon Pui HinRW15艾華 Awal Mahama (60' 由羅梓駿 Law Tsz Chun 入替)
整體篇
同上場對新加坡唔同，今場港隊係受壓嘅一方，好多時都要跟住馬來西亞嘅節奏嚟踢，初段顯得有啲辛苦。由於對手速率較高、逼搶較快，港隊球員要突破逼搶有一定難度，好多時只能大腳解圍；中場亦出現同樣情況，中場球員一攞波馬來西亞球員就埋到身，難以轉身擺脫及推進，要多啲走位、現位及 one touch pass 配合先可以擺脫對方防守。
進攻篇
從呢兩場比賽都見到港隊開始適應領隊安達臣嘅逼搶戰術，中前場逼搶收到成效，能夠創造攻勢同射門；然而喺 final third 嘅決定、把握力仍然需要改進。
未來篇
早前睇足球評述員蘇肇朗 (蘇雞) 喺短片提及過友誼賽係一個好好嘅機會考驗入選球員嘅能力 (https://www.youtube.com/watch?v=Sa1Z_TE-S1U)。經過呢兩場比賽有部份球員表現搶鏡，可以話已經證明咗自己有能力喺港隊大軍之中穩佔一席位，甚至能夠奠定正選位置，筆者印象較深刻嘅球員有以下呢幾位：
勞烈斯：落腳準繩，位置感、身體質素都唔錯，即使面對馬來西亞快速、靈活嘅前鋒都跟得到；比賽中更差啲憑角球攻勢為港隊先開紀錄，可惜頂中門柱，略欠運氣。
圖片來源：香港足球總會 (https://www.hkfa.com/news_details2/19746)
茹子楠：作為右閘嘅佢硬淨、爛打亦好敢上前助攻，同右翼球員尤其是羅梓駿有相當多配合，增加進攻時嘅變化；而且佢體能好，走上走落滿場飛，甚至今場見過佢殺到到上左翼位置助攻。然而喺中場速率跟唔上對手嘅情況下，佢踢中場唔知又可唔可行呢？(註：佢曾經喺球會踢防守中場)
黃威、鞠盈智：兩者都有一定嘅護球能力，長短傳能力俱佳，亦能擺脫對手向前推進，對於港隊中場控制節奏非常重要。
圖片來源：香港足球總會 (https://www.hkfa.com/news_details2/19746)
潘沛軒：活力、侵略性十足，而且有一定速度，好適合安達臣嘅戰術，今場去到比賽尾段依然有力去逼搶，比賽中佢亦試過成功逼甩對手創造單刀機會；然而把握力需要改善，相信現時年僅 22 歲嘅佢依然有上升空間。
梁諾恆：雖然上場對新加坡狀態不足，但今場後備落場頗有大將之風，後防有佢壓陣俾到人穩定嘅感覺；而且有引球推進、長傳嘅能力，筆者記得今場比賽七十幾分鐘時佢喺後場推兩步然後長傳搵到右翼嘅羅梓駿，後者隨即發動反擊，成個過程非常流暢。
圖片來源：香港足球總會 Facebook (https://www.facebook.com/HKFAofficial/photos/539144401664884)
陳肇鈞：連續兩場後備入替嘅佢一落場猶如猛虎出山，積極嘅跑動加上護球及推進能力令佢每逢控球都能夠吸引對方多過一名球員防守；而且佢喺禁區內有敏銳嘅觸覺，捕位能力可能係港隊之中最好，今場亦有一次埋門機會，可惜射中網側。
新兵方面表現繼續有驚喜，除咗上面提到嘅潘沛軒之外，艾華及後備落場嘅黃皓雋喺進攻端都有建樹；而上場後備入替踢防中嘅顏卓彬今場改踢 box to box 表現明顯有所改善，斬波、處理死球都頗有質素。至於獲補選入隊嘅余在言、劉家喬雖然未有上陣，但相信跟隨一班大港腳操練、喺後備席感受比賽對佢哋嚟講都係一次唔錯嘅體驗。
總結今次國際賽期兩場友誼賽都贏唔到有啲可惜，但眼見港隊踢法日漸成熟，尤其今次再戰馬來西亞嘅表現亦比上年有所改善，同時亦起到練兵作用，筆者相信港隊堅持現時踢法終會取得成果。期待港隊喺嚟緊 6 月國際賽期出戰友誼賽嘅表現，希望可以盡快搵到對手，最好就再次喺主場出戰啦！
圖片來源：香港足球總會 (https://www.hkfa.com/ch/load_page/367)
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 follow 我嘅 Instagram！
https://www.facebook.com/blacksontalkball/
https://www.instagram.com/blacksontalkball/
港隊喺星期日晚 (3 月 28 號) 迎嚟今個國際賽期第二場友誼賽，遠赴馬來西亞作賽。雙方繼舊年 6 月後再次碰頭，當時港隊作客兩球不敵馬來西亞，今次亦以同樣比數落敗。
港隊今場繼續以 4-3-3 陣式出戰，並作出一定程度嘅輪換。門將方面由隊長葉鴻輝把守最後一關，四人防線以全新組合示人，由左至右係梁冠聰、李毅凱、勞烈斯、茹子楠；中場方面繼續有黃洋鎮守中路，夥拍胡晉銘、鞠盈智；鋒線上由於安永佳因傷退隊，潘沛軒出任正選中鋒，孫銘謙及上場先列後備嘅艾華則踢左右翼。
圖片來源：香港足球總會 Facebook (https://www.facebook.com/HKFAofficial/photos/a.246614737584520/539299828316008/)
香港正選陣容
GK1葉鴻輝 Yapp Hung Fai
LB12梁冠聰 Leung Kwun Chung (60' 由黃梓浩 Wong Tsz Ho 入替)
CB13李毅凱 Li Ngai Hoi (60' 由梁諾恆 Leung Nok Hang 入替)
CB4 勞烈斯 Vas Nuñez
RB21茹子楠 Yue Tze Nam
CM23鞠盈智 Ju Ying Zhi (71' 由顏卓彬 Ngan Cheuk Pan 入替)
CM6 黃洋 Huang Yang
CM8 胡晉銘 Wu Chun Ming (60' 由陳肇鈞 Chan Siu Kwan Philip 入替)
LW22孫銘謙 Sun Ming Him (81' 由黃浩雋 Wong Ho Chun 入替)
ST14潘沛軒 Poon Pui HinRW15艾華 Awal Mahama (60' 由羅梓駿 Law Tsz Chun 入替)
整體篇
同上場對新加坡唔同，今場港隊係受壓嘅一方，好多時都要跟住馬來西亞嘅節奏嚟踢，初段顯得有啲辛苦。由於對手速率較高、逼搶較快，港隊球員要突破逼搶有一定難度，好多時只能大腳解圍；中場亦出現同樣情況，中場球員一攞波馬來西亞球員就埋到身，難以轉身擺脫及推進，要多啲走位、現位及 one touch pass 配合先可以擺脫對方防守。
進攻篇
從呢兩場比賽都見到港隊開始適應領隊安達臣嘅逼搶戰術，中前場逼搶收到成效，能夠創造攻勢同射門；然而喺 final third 嘅決定、把握力仍然需要改進。
未來篇
早前睇足球評述員蘇肇朗 (蘇雞) 喺短片提及過友誼賽係一個好好嘅機會考驗入選球員嘅能力 (https://www.youtube.com/watch?v=Sa1Z_TE-S1U)。經過呢兩場比賽有部份球員表現搶鏡，可以話已經證明咗自己有能力喺港隊大軍之中穩佔一席位，甚至能夠奠定正選位置，筆者印象較深刻嘅球員有以下呢幾位：
勞烈斯：落腳準繩，位置感、身體質素都唔錯，即使面對馬來西亞快速、靈活嘅前鋒都跟得到；比賽中更差啲憑角球攻勢為港隊先開紀錄，可惜頂中門柱，略欠運氣。
圖片來源：香港足球總會 (https://www.hkfa.com/news_details2/19746)
茹子楠：作為右閘嘅佢硬淨、爛打亦好敢上前助攻，同右翼球員尤其是羅梓駿有相當多配合，增加進攻時嘅變化；而且佢體能好，走上走落滿場飛，甚至今場見過佢殺到到上左翼位置助攻。然而喺中場速率跟唔上對手嘅情況下，佢踢中場唔知又可唔可行呢？(註：佢曾經喺球會踢防守中場)
黃威、鞠盈智：兩者都有一定嘅護球能力，長短傳能力俱佳，亦能擺脫對手向前推進，對於港隊中場控制節奏非常重要。
圖片來源：香港足球總會 (https://www.hkfa.com/news_details2/19746)
潘沛軒：活力、侵略性十足，而且有一定速度，好適合安達臣嘅戰術，今場去到比賽尾段依然有力去逼搶，比賽中佢亦試過成功逼甩對手創造單刀機會；然而把握力需要改善，相信現時年僅 22 歲嘅佢依然有上升空間。
梁諾恆：雖然上場對新加坡狀態不足，但今場後備落場頗有大將之風，後防有佢壓陣俾到人穩定嘅感覺；而且有引球推進、長傳嘅能力，筆者記得今場比賽七十幾分鐘時佢喺後場推兩步然後長傳搵到右翼嘅羅梓駿，後者隨即發動反擊，成個過程非常流暢。
圖片來源：香港足球總會 Facebook (https://www.facebook.com/HKFAofficial/photos/539144401664884)
陳肇鈞：連續兩場後備入替嘅佢一落場猶如猛虎出山，積極嘅跑動加上護球及推進能力令佢每逢控球都能夠吸引對方多過一名球員防守；而且佢喺禁區內有敏銳嘅觸覺，捕位能力可能係港隊之中最好，今場亦有一次埋門機會，可惜射中網側。
新兵方面表現繼續有驚喜，除咗上面提到嘅潘沛軒之外，艾華及後備落場嘅黃皓雋喺進攻端都有建樹；而上場後備入替踢防中嘅顏卓彬今場改踢 box to box 表現明顯有所改善，斬波、處理死球都頗有質素。至於獲補選入隊嘅余在言、劉家喬雖然未有上陣，但相信跟隨一班大港腳操練、喺後備席感受比賽對佢哋嚟講都係一次唔錯嘅體驗。
總結今次國際賽期兩場友誼賽都贏唔到有啲可惜，但眼見港隊踢法日漸成熟，尤其今次再戰馬來西亞嘅表現亦比上年有所改善，同時亦起到練兵作用，筆者相信港隊堅持現時踢法終會取得成果。期待港隊喺嚟緊 6 月國際賽期出戰友誼賽嘅表現，希望可以盡快搵到對手，最好就再次喺主場出戰啦！
圖片來源：香港足球總會 (https://www.hkfa.com/ch/load_page/367)
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 follow 我嘅 Instagram！
https://www.facebook.com/blacksontalkball/
https://www.instagram.com/blacksontalkball/
請按此登錄後留言。未成為會員? 立即註冊