圖片來源：香港足球總會 Facebook (https://www.facebook.com/HKFAofficial/photos/538661775046480/)
魚尾獅盃決賽，淘汰咗東道主新加坡嘅香港 U22 同馬來西亞 U22 爭奪呢項殊榮。上半場成功守和嘅港隊換邊後被馬來西亞兩度攻破大門，雖然其後有劉家喬扳回一城，最終仍以 1:2 落敗，屈居亞軍。
圖片來源：香港足球總會 Facebook (https://www.facebook.com/HKFAofficial/photos/a.114495090796486/538294965083161/)
今場港隊以 5-3-2 出戰，務求先做好防守，再尋找反擊機會。把守最後一關嘅係冠忠南區正選門將伍瑋謙，防線由左至右為羅焯熙、湯翹哲、周子謙、梁祐維、陳潤潼；中場方面繼續有劉君正擔任防守中場，夥拍隊長余在言、趙聡悟；雙箭頭則有劉家喬、張廣然伺機而動。
香港 U22 正選陣容
GK1 伍瑋謙 Ng Wai Him
LB 2 羅焯熙 Law Cheuk Hei (76’ 由陳傲軒 Chen Ngo Hin 入替)
CB15湯翹哲 Tong Qiao Zhe George (46‘ 由宋紘毅 Sung Wang Ngai Kohki 入替)
CB13周子謙 Tim Chow
CB4 梁祐維 Leung Yau WaiRB5 陳潤潼 Chan Yun Tung
CM14余在言 Yu Joy Yin Jesse
CM7 劉君正 Lau Kwan Ching (81‘ 由李俊諺 Lee Chun Yin Ryan 入替)
CM10趙聡悟 Sohgo Ichigawa (81‘ 由林樂賢 Lam Lok Yin Jerry 入替)
ST 9 劉家喬 Lau Ka Kiu
ST23張廣然 Chang Kwong Yin (46’ 由江展民 Maddox Kong 入替)
整體篇
面對體能、實力都佔優嘅馬來西亞 U22，港隊以防守為先非常合理。馬來西亞一如所料採取主動，透過前場逼搶、兩翼側擊不斷威脅港隊，但高空攻勢對一眾「小港腳」嚟講威脅不大。港隊企穩陣腳後開始有翻攻勢，但受制於對方貼身防守始終未能考驗對方門將；反而馬來西亞快速嘅長傳反擊差啲攻破港隊大門，更有一球「詐糊」，雖然被判越位在先，但港隊後防顯然響起警號。結果到下半場馬來西亞憑後備入替、走位靈活嘅艾克姆 (Najmiddin Akmal) 打開紀錄，再喺 5 分鐘後憑一球省中人嘅遠射拉開至兩球優勢。落後之下港隊未有放棄，劉家喬成功把握對方門將失誤射入追成 1:2，可惜未能再增添入球，最終以 1:2 落敗。
圖片來源：香港足球總會 Facebook (https://www.facebook.com/HKFAofficial/photos/538661681713156/)
進攻篇
受制於對方嘅前場緊逼，港隊初段難以從後場組織攻勢，即使能夠運波上前場，馬來西亞 U22 球員都好快上前施壓，香港 U22 初段明顯唔習慣對方硬淨嘅防守，處於下風。
當適應對抗後港隊始能成功組織攻勢，奈何部份球員傳控功力不足，導致攻勢經常斷纜；而且持球時決定可以做得更好，應該更放膽控球、用波。筆者最深印象嘅係港隊喺失第一球前嘅反擊：當時港隊喺後場中路成功攔截，幾下短傳後趙聡悟喺中圈附近開始引球推進，再傳俾後上助攻嘅右閘陳潤潼，喺身邊頗多空位嘅情況下佢竟然選擇第一時間傳中斬入禁區，要知道當時禁區內一個港隊球員都冇，變相白白將球權拱手相讓，浪費咗一個反擊機會，轉個頭馬來西亞就從右路反擊入波。
態度篇
另一個令筆者印象深刻嘅場面係臨完場時余在言、江展民為隊友出頭，非常有火。當時陳傲軒喺左路俾對手「收山腳」粗野攔截，隊長余在言立即衝過去為隊友出頭，激動抗議，江展民亦從遠處趕過嚟助拳。然而後者同另一位馬來西亞球員都因為出手推撞而直接領紅牌出場，反而侵犯陳傲軒嘅球員卻僥倖逃過一劫。
或者有球迷會覺得球員過於激動，我卻認為球員有火絕對係好事，代表佢哋對賽事嘅重視，為隊友挺身而出亦係團隊精神嘅體現。不過點樣喺尺度容許之下作出抗議亦係一門學問，畢竟被逐離場會對比賽局勢有重大影響，球員自己亦要被罰停賽。
圖片來源：香港足球總會 Facebook (https://www.facebook.com/HKFAofficial/photos/538697511709573/)
總結
香港 U22 力戰之下雖然落敗，但表現絕對值得球迷掌聲。希望佢哋可以繼續進步，將來再喺其他賽場上表現自己。除此之外，更要恭喜余在言、劉家喬憑藉比賽中嘅出色表現獲補選入香港隊作客馬來西亞大軍名單，係對佢哋實力嘅認可，亦係對年青球員好好嘅鼓勵。最後，今晚港隊會作客馬來西亞踢一場友誼賽，請大家今晚 10 點一齊支持港隊！
圖片來源：香港足球總會 (https://www.hkfa.com/ch/load_page/367)
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 follow 我嘅 Instagram！
https://www.facebook.com/blacksontalkball/
https://www.instagram.com/blacksontalkball/
魚尾獅盃決賽，淘汰咗東道主新加坡嘅香港 U22 同馬來西亞 U22 爭奪呢項殊榮。上半場成功守和嘅港隊換邊後被馬來西亞兩度攻破大門，雖然其後有劉家喬扳回一城，最終仍以 1:2 落敗，屈居亞軍。
圖片來源：香港足球總會 Facebook (https://www.facebook.com/HKFAofficial/photos/a.114495090796486/538294965083161/)
今場港隊以 5-3-2 出戰，務求先做好防守，再尋找反擊機會。把守最後一關嘅係冠忠南區正選門將伍瑋謙，防線由左至右為羅焯熙、湯翹哲、周子謙、梁祐維、陳潤潼；中場方面繼續有劉君正擔任防守中場，夥拍隊長余在言、趙聡悟；雙箭頭則有劉家喬、張廣然伺機而動。
香港 U22 正選陣容
GK1 伍瑋謙 Ng Wai Him
LB 2 羅焯熙 Law Cheuk Hei (76’ 由陳傲軒 Chen Ngo Hin 入替)
CB15湯翹哲 Tong Qiao Zhe George (46‘ 由宋紘毅 Sung Wang Ngai Kohki 入替)
CB13周子謙 Tim Chow
CB4 梁祐維 Leung Yau WaiRB5 陳潤潼 Chan Yun Tung
CM14余在言 Yu Joy Yin Jesse
CM7 劉君正 Lau Kwan Ching (81‘ 由李俊諺 Lee Chun Yin Ryan 入替)
CM10趙聡悟 Sohgo Ichigawa (81‘ 由林樂賢 Lam Lok Yin Jerry 入替)
ST 9 劉家喬 Lau Ka Kiu
ST23張廣然 Chang Kwong Yin (46’ 由江展民 Maddox Kong 入替)
整體篇
面對體能、實力都佔優嘅馬來西亞 U22，港隊以防守為先非常合理。馬來西亞一如所料採取主動，透過前場逼搶、兩翼側擊不斷威脅港隊，但高空攻勢對一眾「小港腳」嚟講威脅不大。港隊企穩陣腳後開始有翻攻勢，但受制於對方貼身防守始終未能考驗對方門將；反而馬來西亞快速嘅長傳反擊差啲攻破港隊大門，更有一球「詐糊」，雖然被判越位在先，但港隊後防顯然響起警號。結果到下半場馬來西亞憑後備入替、走位靈活嘅艾克姆 (Najmiddin Akmal) 打開紀錄，再喺 5 分鐘後憑一球省中人嘅遠射拉開至兩球優勢。落後之下港隊未有放棄，劉家喬成功把握對方門將失誤射入追成 1:2，可惜未能再增添入球，最終以 1:2 落敗。
圖片來源：香港足球總會 Facebook (https://www.facebook.com/HKFAofficial/photos/538661681713156/)
進攻篇
受制於對方嘅前場緊逼，港隊初段難以從後場組織攻勢，即使能夠運波上前場，馬來西亞 U22 球員都好快上前施壓，香港 U22 初段明顯唔習慣對方硬淨嘅防守，處於下風。
當適應對抗後港隊始能成功組織攻勢，奈何部份球員傳控功力不足，導致攻勢經常斷纜；而且持球時決定可以做得更好，應該更放膽控球、用波。筆者最深印象嘅係港隊喺失第一球前嘅反擊：當時港隊喺後場中路成功攔截，幾下短傳後趙聡悟喺中圈附近開始引球推進，再傳俾後上助攻嘅右閘陳潤潼，喺身邊頗多空位嘅情況下佢竟然選擇第一時間傳中斬入禁區，要知道當時禁區內一個港隊球員都冇，變相白白將球權拱手相讓，浪費咗一個反擊機會，轉個頭馬來西亞就從右路反擊入波。
態度篇
另一個令筆者印象深刻嘅場面係臨完場時余在言、江展民為隊友出頭，非常有火。當時陳傲軒喺左路俾對手「收山腳」粗野攔截，隊長余在言立即衝過去為隊友出頭，激動抗議，江展民亦從遠處趕過嚟助拳。然而後者同另一位馬來西亞球員都因為出手推撞而直接領紅牌出場，反而侵犯陳傲軒嘅球員卻僥倖逃過一劫。
或者有球迷會覺得球員過於激動，我卻認為球員有火絕對係好事，代表佢哋對賽事嘅重視，為隊友挺身而出亦係團隊精神嘅體現。不過點樣喺尺度容許之下作出抗議亦係一門學問，畢竟被逐離場會對比賽局勢有重大影響，球員自己亦要被罰停賽。
圖片來源：香港足球總會 Facebook (https://www.facebook.com/HKFAofficial/photos/538697511709573/)
總結
香港 U22 力戰之下雖然落敗，但表現絕對值得球迷掌聲。希望佢哋可以繼續進步，將來再喺其他賽場上表現自己。除此之外，更要恭喜余在言、劉家喬憑藉比賽中嘅出色表現獲補選入香港隊作客馬來西亞大軍名單，係對佢哋實力嘅認可，亦係對年青球員好好嘅鼓勵。最後，今晚港隊會作客馬來西亞踢一場友誼賽，請大家今晚 10 點一齊支持港隊！
圖片來源：香港足球總會 (https://www.hkfa.com/ch/load_page/367)
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 follow 我嘅 Instagram！
https://www.facebook.com/blacksontalkball/
https://www.instagram.com/blacksontalkball/
請按此登錄後留言。未成為會員? 立即註冊