圖片來源：香港足球總會 Facebook (https://www.facebook.com/photo.php?fbid=643017534612241&set=pb.100067120005493.-2207520000&type=3)
港隊歷史性打入亞運四強！亞運會八強賽事，港隊憑潘沛軒喺下半場一箭定江山以 1:0 小勝伊朗，成功殺入四強，創下香港歷嚟喺亞運足球嘅最好成績。
以 23 歲以下球員為骨幹、加上三名超齡球員李毅凱、胡晉銘、安永佳嘅港隊今場排出 4-3-3 陣式。對上幾場都有精彩撲救嘅門將謝家榮繼續擔任正選，四人後防沿用上場組合，左右閘係孫銘謙、亞歷斯祖，李毅凱、曾以行鎮守中路；中場三人組由胡晉銘出任防守中場，張憙延、余在言踢左右中場連接進攻；前線方面有安永佳出任中鋒，黃浩雋、潘沛軒出任左右翼。
香港正選陣容GK19謝家榮 Tse Ka Wing
LB10孫銘謙 Sun Ming Him
CB4 李毅凱 Li Ngai Hoi
CB22曾以行 Tsang Yi Hang Ellison
RB3 亞歷斯祖 Alexander Jojo
CM17張憙延 Chang Hei Yin (90' 由周子謙 Timothy Stephen Chow 入替)
CM6 胡晉銘 Wu Chun Ming
CM14余在言 Yu Jesse Joy Yin (90' 由葉卓文 Yip Cheuk Man 入替)
LW8 黃浩雋 Wong Ho Chun Anson (62' 由林樂勤 Lam Jordan Lok Kan 入替)
ST 9 安永佳 Orr Matthew Elliot Wing Kai
RW11潘沛軒 Poon Pui Hin (75' 由劉家喬 Lau Ka Kiu 入替)
圖片來源：香港足球總會 Facebook (https://www.facebook.com/photo.php?fbid=643017334612261&set=pb.100067120005493.-2207520000&type=3)
港隊今場嘅中場組合胡晉銘、張憙延、余在言跑動頻繁、活力十足，喺攻守兩端都貢獻良多。由於「Fat 哥」林衍廷受傷，領隊安達臣今場再次安排張憙延客串中場嘅左邊「8 號位」。雖然佢同另外兩位拍檔胡晉銘、余在言係第一次夾，但佢哋嘅配合、默契都唔錯，三位中場球員積極嘅跑動、逼搶對球隊嘅攻守兩端都有好大幫助。
除此之外，從呢幾場比賽可以見到球員有良好嘅戰術執行能力，亦已經適應安達臣嘅戰術。港隊今場比賽主要運用前場壓逼及低位防守兩種戰術，球隊喺呢兩套 form 之間嘅轉換恰到好處，成功打出部署。喺熟習戰術、清楚唔同崗位有咩唔同工作嘅情況下，球員之間即使換位亦唔會破壞球隊陣形，例如喺比賽中會見到張憙延、黃浩雋不時換位，發揮兩位球員既可以踢翼又可以踢中路嘅特性；而從港隊嘅入球亦可以見到中鋒安永佳向右拉邊，並用頭鎚 set 翻個波俾入楔中路嘅潘沛軒射入。
總結
擊敗伊朗後成功躋身四強嘅港隊將會喺聽晚 (10 月 4 號) 6 點同日本爭奪決賽席位。面對技術更好、速度更快並擅於組織嘅日本必定係一場惡戰，各位球迷記得準時收睇直播，為香港運動員打氣，支持港隊！
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 follow 我嘅 Instagram！
https://www.facebook.com/blacksontalkball/
https://www.instagram.com/blacksontalkball/
港隊歷史性打入亞運四強！亞運會八強賽事，港隊憑潘沛軒喺下半場一箭定江山以 1:0 小勝伊朗，成功殺入四強，創下香港歷嚟喺亞運足球嘅最好成績。
以 23 歲以下球員為骨幹、加上三名超齡球員李毅凱、胡晉銘、安永佳嘅港隊今場排出 4-3-3 陣式。對上幾場都有精彩撲救嘅門將謝家榮繼續擔任正選，四人後防沿用上場組合，左右閘係孫銘謙、亞歷斯祖，李毅凱、曾以行鎮守中路；中場三人組由胡晉銘出任防守中場，張憙延、余在言踢左右中場連接進攻；前線方面有安永佳出任中鋒，黃浩雋、潘沛軒出任左右翼。
香港正選陣容GK19謝家榮 Tse Ka Wing
LB10孫銘謙 Sun Ming Him
CB4 李毅凱 Li Ngai Hoi
CB22曾以行 Tsang Yi Hang Ellison
RB3 亞歷斯祖 Alexander Jojo
CM17張憙延 Chang Hei Yin (90' 由周子謙 Timothy Stephen Chow 入替)
CM6 胡晉銘 Wu Chun Ming
CM14余在言 Yu Jesse Joy Yin (90' 由葉卓文 Yip Cheuk Man 入替)
LW8 黃浩雋 Wong Ho Chun Anson (62' 由林樂勤 Lam Jordan Lok Kan 入替)
ST 9 安永佳 Orr Matthew Elliot Wing Kai
RW11潘沛軒 Poon Pui Hin (75' 由劉家喬 Lau Ka Kiu 入替)
圖片來源：香港足球總會 Facebook (https://www.facebook.com/photo.php?fbid=643017334612261&set=pb.100067120005493.-2207520000&type=3)
港隊今場嘅中場組合胡晉銘、張憙延、余在言跑動頻繁、活力十足，喺攻守兩端都貢獻良多。由於「Fat 哥」林衍廷受傷，領隊安達臣今場再次安排張憙延客串中場嘅左邊「8 號位」。雖然佢同另外兩位拍檔胡晉銘、余在言係第一次夾，但佢哋嘅配合、默契都唔錯，三位中場球員積極嘅跑動、逼搶對球隊嘅攻守兩端都有好大幫助。
除此之外，從呢幾場比賽可以見到球員有良好嘅戰術執行能力，亦已經適應安達臣嘅戰術。港隊今場比賽主要運用前場壓逼及低位防守兩種戰術，球隊喺呢兩套 form 之間嘅轉換恰到好處，成功打出部署。喺熟習戰術、清楚唔同崗位有咩唔同工作嘅情況下，球員之間即使換位亦唔會破壞球隊陣形，例如喺比賽中會見到張憙延、黃浩雋不時換位，發揮兩位球員既可以踢翼又可以踢中路嘅特性；而從港隊嘅入球亦可以見到中鋒安永佳向右拉邊，並用頭鎚 set 翻個波俾入楔中路嘅潘沛軒射入。
總結
擊敗伊朗後成功躋身四強嘅港隊將會喺聽晚 (10 月 4 號) 6 點同日本爭奪決賽席位。面對技術更好、速度更快並擅於組織嘅日本必定係一場惡戰，各位球迷記得準時收睇直播，為香港運動員打氣，支持港隊！
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 follow 我嘅 Instagram！
https://www.facebook.com/blacksontalkball/
https://www.instagram.com/blacksontalkball/
請按此登錄後留言。未成為會員? 立即註冊