圖片來源：英超官方網站 (https://www.premierleague.com/match/66434)
星期六頭場立即有強隊對碰，由李斯特城喺主場迎戰阿仙奴。兩支球隊嘅近況都唔錯，各項賽事分別錄得五場及八場不敗嘅成績，但主隊防守表現不如以往穩健，近五場比賽有四場都失咗兩球，而今場亦由阿仙奴技高一籌，喺比賽早段就入咗兩球嘅情況下，最終以同樣比數取勝。
李斯特城今場沿用慣常嘅 3-4-1-2 出戰，三中堅依舊係伊雲斯、蘇恩古、阿瑪迪，列卡度皮里拉因傷缺陣下由卡斯坦尼擔任正選右閘，左閘則由湯馬仕頂上，而中前場人腳相比以往則維持不變。
李斯特城正選陣容
GK 1 卡斯柏舒米高 Kasper Schmeichel
CB 4 蘇恩古 Çağlar SöyüncüCB 6 伊雲斯 Jonny Evans
CB 18 阿瑪迪 Daniel Amartey (46’ 由班尼斯 Harvey Barnes 入替)
LWB33湯馬仕 Luke Thomas
CM 42蘇馬里 Boubakary Soumaré
CM 8 泰利文斯 Youri Tielemans
RWB27卡斯坦尼 Timothy Castagne
CAM10麥迪臣 James Maddison (71’ 由達卡 Patson Daka 入替)
FW 14伊恩拿祖 Kelechi Iheanacho (46' 由陸文 Ademola Lookman 入替)
FW 9 華迪 Jamie Vardy
阿仙奴則排出 4-4-2 陣式出戰，門將位置繼續由藍斯度把關，泰華利斯、富安健洋分別出任左右閘，中堅位置則由加比爾、賓韋特擔任；中場中方面有洛岡加、帕迪坐鎮，邊路則交由沙卡及近期狀態火熱嘅史密夫路發揮，支援雙箭頭拿卡錫迪、奧巴美揚。
阿仙奴正選陣容
GK32藍斯度 Aaron Ramsdale
LB 20泰華利斯 Nuno Tavares
CB6 加比爾 Gabriel
CB4 賓韋特 Ben White
RB18富安健洋 Takehiro Tomiyasu
LM10史密夫路 Emile Smith-Rowe (90’ 由高拿仙歷 Sead Kolašinac 入替)
CM23洛岡加 Albert Sambi Lokonga
CM5 帕迪 Thomas ParteyRM7 沙卡 Bukayo Saka (85’ 由比比 Nicolas Pépé 入替)
FW9 拿卡錫迪 Alexandre Lacazette (58’ 由奧迪加特 Martin Ødegaard 入替)
FW14奧巴美揚 Pierre-Emerick Aubameyang
今場未夠 20 分鐘阿仙奴就憑拿卡錫迪、史密夫路嘅入球取得兩球領先優勢，及後李斯特城雖然積極反撲，但都被藍斯度及阿仙奴防線一一拒諸門外，當中門將藍斯度更不乏精彩撲救，不得不讚呢位球員以一次又一次嘅穩健發揮令當初一眾稱佢為「降班龍」嘅球迷收聲。即使主隊換邊後轉陣四後衛並換入陸文、班尼斯、達卡等進攻球員，始終未能攻破阿仙奴大門，最終以 0:2 落敗。
李斯特城 – 重整期
現時英超已經踢咗四份之一，李斯特城以 4 勝 2 和 4 負嘅成績排第 11 位，相比上兩季爭取歐聯、歐霸席位嘅表現有一段明顯距離；而且入 15 球、失 17 球、1 場 clean sheet 嘅數據亦比以往下滑不少，要知道近三季李斯特城每季都至少有 10 場比賽能夠保持清白之身，而失球數字亦唔超過 50 球，但如今踢咗十場比賽只得 1 場 clean sheet，而且失球數字已經係上季嘅三份之一，狀態並唔樂觀。
圖片來源：英超官方網站 (https://www.premierleague.com/match/66434)
除咗防守之外，球隊進攻表現亦令人擔憂。李斯特城以往出色嘅反擊隨住華迪年事漸高而威脅下降，雖然呢位球隊首席射手嘅走位、射術依舊出色，但速度、把握力及穩定性的確都正在下滑，球隊亦唔能夠要求佢場場都可以擔當救世主。另一方面，球隊嘅進攻核心麥迪臣自從上季受傷後一直未能重回最佳狀態，亦係導致球隊進攻表現不佳嘅原因，雖然今季有泰利文斯挺身而出，但作為中場中嘅佢若然進攻、防守、掌控節奏統統都要佢兼顧嘅話，分分鐘顧此失彼，恐怕亦非一件好事。球隊當然亦有應對之策，從其他球會收購或從自家青訓提拔一啲年輕或當打嘅進攻球員如伊恩拿祖 (25歲)、陸文 (24歲)、達卡 (23歲)、班尼斯 (23歲) 等，但始終尚未能擔起大旗，欠缺穩定性。相信李斯特城仍然需要一段時間調整，讓球員重拾狀態同感覺，先可以重回正軌。
阿仙奴 – 曙光初現
經歷季初三場不勝零入球嘅尷尬開局，不經不覺阿仙奴已經喺聯賽保持 7 場不敗，除咗要多謝藍斯度穩定而出色嘅發揮之外，阿迪達亦似乎搵到適合現時阿仙奴發揮嘅戰術體系。
圖片來源：Sky Sports (https://www.skysports.com/football/leicester-city-vs-arsenal/446380)
阿迪達近期主要以 4-2-3-1 及 4-4-2 陣式出戰，我會理解史密夫路、沙卡為球隊進攻核心。呢兩位球員尤其是前者喺參與進攻時會擁有較高自由度，佢哋雖然位置上係打翼，但實際落場時佢哋嘅活動範圍、進攻方向唔只局限於邊路，而係隨時走入 half space 甚至中路進攻，而呢種自由發揮對球員本身嘅戰術理解、閱讀球賽能力有一定要求，但觀乎近期阿仙奴不俗嘅表現、史密夫路火熱嘅狀態，似乎暫時係阿仙奴嘅最佳安排。防守方面一對中場拍檔洛岡加、帕迪越嚟越有默契，佢哋能夠為球隊提供廣闊嘅覆蓋面及中場掃蕩嘅能力，亦係球隊發揮穩定嘅原因。
而阿迪達可以按不同需要喺 4-2-3-1 同 4-4-2 之間隨時切換，兩者嘅分別就在於前者會安排多一個進攻中場加強球隊組織能力及中場控制力，後者則以雙箭頭牽制對方防線，同時為拉空對手中場及後防之間嘅距離，令中場隊友有更多空間發揮。用 4-2-3-1 嘅話阿迪達就會派上奧迪加特，用 4-4-2 嘅話就會係拿卡錫迪、奧巴美揚雙箭頭，而今場阿仙奴喺 58 分鐘嘅調動正正就係以奧迪加特入替拿卡錫迪，由 4-4-2 變陣 4-2-3-1，因為當時李斯特城正積極反撲，掌控形勢，阿仙奴需要有多一名中場球員增強控制力與對手抗衡。
總結
李斯特城、阿仙奴呢兩支正經歷調整嘅球隊恰好下場聯賽對手都並非強隊，前者會作客今季同樣失色嘅列斯聯，後者則喺主場對升班馬屈福特，兩隊正好把握呢個時刻作最後調整，因為兩隊再下一輪聯賽分別要硬碰車路士及利物浦，若然球隊未能調整至最佳狀態，相信完全唔會係車路士及利物浦嘅對手。
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page！
https://www.facebook.com/blacksontalkball/
星期六頭場立即有強隊對碰，由李斯特城喺主場迎戰阿仙奴。兩支球隊嘅近況都唔錯，各項賽事分別錄得五場及八場不敗嘅成績，但主隊防守表現不如以往穩健，近五場比賽有四場都失咗兩球，而今場亦由阿仙奴技高一籌，喺比賽早段就入咗兩球嘅情況下，最終以同樣比數取勝。
李斯特城今場沿用慣常嘅 3-4-1-2 出戰，三中堅依舊係伊雲斯、蘇恩古、阿瑪迪，列卡度皮里拉因傷缺陣下由卡斯坦尼擔任正選右閘，左閘則由湯馬仕頂上，而中前場人腳相比以往則維持不變。
李斯特城正選陣容
GK 1 卡斯柏舒米高 Kasper Schmeichel
CB 4 蘇恩古 Çağlar SöyüncüCB 6 伊雲斯 Jonny Evans
CB 18 阿瑪迪 Daniel Amartey (46’ 由班尼斯 Harvey Barnes 入替)
LWB33湯馬仕 Luke Thomas
CM 42蘇馬里 Boubakary Soumaré
CM 8 泰利文斯 Youri Tielemans
RWB27卡斯坦尼 Timothy Castagne
CAM10麥迪臣 James Maddison (71’ 由達卡 Patson Daka 入替)
FW 14伊恩拿祖 Kelechi Iheanacho (46' 由陸文 Ademola Lookman 入替)
FW 9 華迪 Jamie Vardy
阿仙奴則排出 4-4-2 陣式出戰，門將位置繼續由藍斯度把關，泰華利斯、富安健洋分別出任左右閘，中堅位置則由加比爾、賓韋特擔任；中場中方面有洛岡加、帕迪坐鎮，邊路則交由沙卡及近期狀態火熱嘅史密夫路發揮，支援雙箭頭拿卡錫迪、奧巴美揚。
阿仙奴正選陣容
GK32藍斯度 Aaron Ramsdale
LB 20泰華利斯 Nuno Tavares
CB6 加比爾 Gabriel
CB4 賓韋特 Ben White
RB18富安健洋 Takehiro Tomiyasu
LM10史密夫路 Emile Smith-Rowe (90’ 由高拿仙歷 Sead Kolašinac 入替)
CM23洛岡加 Albert Sambi Lokonga
CM5 帕迪 Thomas ParteyRM7 沙卡 Bukayo Saka (85’ 由比比 Nicolas Pépé 入替)
FW9 拿卡錫迪 Alexandre Lacazette (58’ 由奧迪加特 Martin Ødegaard 入替)
FW14奧巴美揚 Pierre-Emerick Aubameyang
今場未夠 20 分鐘阿仙奴就憑拿卡錫迪、史密夫路嘅入球取得兩球領先優勢，及後李斯特城雖然積極反撲，但都被藍斯度及阿仙奴防線一一拒諸門外，當中門將藍斯度更不乏精彩撲救，不得不讚呢位球員以一次又一次嘅穩健發揮令當初一眾稱佢為「降班龍」嘅球迷收聲。即使主隊換邊後轉陣四後衛並換入陸文、班尼斯、達卡等進攻球員，始終未能攻破阿仙奴大門，最終以 0:2 落敗。
李斯特城 – 重整期
現時英超已經踢咗四份之一，李斯特城以 4 勝 2 和 4 負嘅成績排第 11 位，相比上兩季爭取歐聯、歐霸席位嘅表現有一段明顯距離；而且入 15 球、失 17 球、1 場 clean sheet 嘅數據亦比以往下滑不少，要知道近三季李斯特城每季都至少有 10 場比賽能夠保持清白之身，而失球數字亦唔超過 50 球，但如今踢咗十場比賽只得 1 場 clean sheet，而且失球數字已經係上季嘅三份之一，狀態並唔樂觀。
圖片來源：英超官方網站 (https://www.premierleague.com/match/66434)
除咗防守之外，球隊進攻表現亦令人擔憂。李斯特城以往出色嘅反擊隨住華迪年事漸高而威脅下降，雖然呢位球隊首席射手嘅走位、射術依舊出色，但速度、把握力及穩定性的確都正在下滑，球隊亦唔能夠要求佢場場都可以擔當救世主。另一方面，球隊嘅進攻核心麥迪臣自從上季受傷後一直未能重回最佳狀態，亦係導致球隊進攻表現不佳嘅原因，雖然今季有泰利文斯挺身而出，但作為中場中嘅佢若然進攻、防守、掌控節奏統統都要佢兼顧嘅話，分分鐘顧此失彼，恐怕亦非一件好事。球隊當然亦有應對之策，從其他球會收購或從自家青訓提拔一啲年輕或當打嘅進攻球員如伊恩拿祖 (25歲)、陸文 (24歲)、達卡 (23歲)、班尼斯 (23歲) 等，但始終尚未能擔起大旗，欠缺穩定性。相信李斯特城仍然需要一段時間調整，讓球員重拾狀態同感覺，先可以重回正軌。
阿仙奴 – 曙光初現
經歷季初三場不勝零入球嘅尷尬開局，不經不覺阿仙奴已經喺聯賽保持 7 場不敗，除咗要多謝藍斯度穩定而出色嘅發揮之外，阿迪達亦似乎搵到適合現時阿仙奴發揮嘅戰術體系。
圖片來源：Sky Sports (https://www.skysports.com/football/leicester-city-vs-arsenal/446380)
阿迪達近期主要以 4-2-3-1 及 4-4-2 陣式出戰，我會理解史密夫路、沙卡為球隊進攻核心。呢兩位球員尤其是前者喺參與進攻時會擁有較高自由度，佢哋雖然位置上係打翼，但實際落場時佢哋嘅活動範圍、進攻方向唔只局限於邊路，而係隨時走入 half space 甚至中路進攻，而呢種自由發揮對球員本身嘅戰術理解、閱讀球賽能力有一定要求，但觀乎近期阿仙奴不俗嘅表現、史密夫路火熱嘅狀態，似乎暫時係阿仙奴嘅最佳安排。防守方面一對中場拍檔洛岡加、帕迪越嚟越有默契，佢哋能夠為球隊提供廣闊嘅覆蓋面及中場掃蕩嘅能力，亦係球隊發揮穩定嘅原因。
而阿迪達可以按不同需要喺 4-2-3-1 同 4-4-2 之間隨時切換，兩者嘅分別就在於前者會安排多一個進攻中場加強球隊組織能力及中場控制力，後者則以雙箭頭牽制對方防線，同時為拉空對手中場及後防之間嘅距離，令中場隊友有更多空間發揮。用 4-2-3-1 嘅話阿迪達就會派上奧迪加特，用 4-4-2 嘅話就會係拿卡錫迪、奧巴美揚雙箭頭，而今場阿仙奴喺 58 分鐘嘅調動正正就係以奧迪加特入替拿卡錫迪，由 4-4-2 變陣 4-2-3-1，因為當時李斯特城正積極反撲，掌控形勢，阿仙奴需要有多一名中場球員增強控制力與對手抗衡。
總結
李斯特城、阿仙奴呢兩支正經歷調整嘅球隊恰好下場聯賽對手都並非強隊，前者會作客今季同樣失色嘅列斯聯，後者則喺主場對升班馬屈福特，兩隊正好把握呢個時刻作最後調整，因為兩隊再下一輪聯賽分別要硬碰車路士及利物浦，若然球隊未能調整至最佳狀態，相信完全唔會係車路士及利物浦嘅對手。
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page！
https://www.facebook.com/blacksontalkball/
請按此登錄後留言。未成為會員? 立即註冊