圖片來源：英超官方網站 (https://www.premierleague.com/match/66416)
國際賽期完結後英超立即上演強隊對碰，今輪就有李斯特城喺主場迎戰曼聯。
李斯特城以 3-4-1-2 出戰，後衛方面有伊雲斯傷癒復出，與蘇恩古、阿瑪迪組成三中堅，左右翼衛則由卡斯坦尼、列卡度佩雷拉擔任；中場有蘇馬里、泰利文斯掌控節奏，配合進攻中場麥迪臣支援一對前鋒華迪、伊恩拿祖。
李斯特城正選陣容
GK 1 卡斯柏舒米高 Kasper Schmeichel
CB 4 蘇恩古 Çağlar Söyüncü
CB 6 伊雲斯 Jonny Evans (88’ 由維斯達哥 Jannik Vestergaard 入替)
CB 18阿瑪迪 Daniel AmarteyLWB27卡斯坦尼 Timothy Castagne
CM 42蘇馬里 Boubakary Soumaré
CM 8 泰利文斯 Youri Tielemans
RWB21列卡度佩雷拉 Ricardo Pereira
CAM10麥迪臣 James Maddison (73’ 由艾約斯佩雷斯 Ayoze Pérez 入替)
FW 9 華迪 Jamie Vardy
FW 14伊恩拿祖 Kelechi Iheanacho (77’ 由達卡 Patson Daka 入替)
曼聯則以 4-2-3-1 出戰，雙防中由普巴拍住馬迪，左翼有辛祖出任正選，而進攻中場、右翼及前鋒則係大家見慣嘅般奴費蘭迪斯、格連活特同 C 朗。
曼聯正選陣容
GK 1 迪基亞 David de Gea
LB 23梳爾 Luke ShawCB 5 麥佳亞 Harry Maguire
CB 2 連迪洛夫 Victor Lindelöf
RB 29雲比沙卡 Aaron Wan-Bissaka
CDM6普巴 Paul Pogba
CDM31馬迪 Nemanja Matić (80’ 由麥湯文尼 Scott McTominay 入替)
LM 25辛祖 Jadon Sancho (65’ 由拉舒福特 Marcus Rashford 入替)
CAM18般奴費蘭迪斯 Bruno Fernandes
RM 11格連活特 Mason Greenwood (80’ 由連加特 Jesse Lingard入替)
FW 7 C 朗拿度 Cristiano Ronaldo
曼聯組織攻勢時會投入相當多兵力，除咗 C 朗會回後駁腳試圖拉空李斯特城防線外，雙閘及雙防中亦會壓得好前，尤其是馬迪今場比以往比賽進攻性更強、上前助攻次數更多。李斯特城踢法則較直接，攻勢多以反擊為主，翼衛、中場都擅於自己推進，並會經常嘗試直接放長傳或直線到曼聯後防嘅空位俾華迪或伊恩拿祖，佢哋兩個有速度之餘一個走位靈活、一個硬淨，為曼聯後防帶嚟好多麻煩。
圖片來源：英超官方網站 (https://www.premierleague.com/match/66416)
兩隊上半場互有攻守，打成均勢。先開紀錄嘅係曼聯，由格連活特喺右路射入「世界波」領先，及後李斯特城把握曼聯一次後防失誤，泰利文斯一記妙射「笠死」迪基亞，雙方打成 1:1 完上半場。換邊後雙方依然拳來腳往，但李斯特城嘅攻勢更具威脅性，喺 78 分鐘就由蘇恩古頂入反超前一球。雖然後備入替嘅拉舒福特好快就為曼聯扳平 2:2，但相隔只有 1 分鐘華迪就為李城再次取得優勢。到補時階段李斯特城再次把握曼聯防守失誤由達卡射入，最終喺主場以 4:2 擊敗曼聯，全取三分。
李斯特城 – 直接了當嘅反擊
圖片來源：英超官方網站 (https://www.premierleague.com/match/66416)
李斯特城今場嘅反擊對曼聯非常有效，一方面係因為佢哋踢法直接，同時亦得益於曼聯嘅防守漏洞。反擊時李城通常會交波俾中場或翼衛策動，佢哋除咗有能力護球及對抗逼搶外，亦能夠透過個人技術或小範圍與隊友嘅配合擺脫防守向前推進。正如上文提到，曼聯組織攻勢時會投入相當多兵力，包括一對防中普巴、馬迪，變相曼聯喺失去控球權時中場線與後防線之間會有大量空位，因此反擊時李城球員多數都會喺曼聯中場身後現位等待傳送，若然成功轉身佢哋就已經可以直接面對曼聯後防線，而普巴、馬迪速度都唔快，即使要回身追都未必追到，故此今場李城嘅反擊都好有威脅。
除咗係因為曼聯中場壓得太前之外，李城喺中場嘅人數優勢亦係令佢哋反擊咁有威脅嘅原因。李城 3-4-1-2 陣式中中場位置除咗有蘇馬里、泰利文斯外，進攻中場麥迪臣亦會不時回後到中場協助組織，從而 overload 曼聯一對中場；而曼聯嘅進攻中場般奴費蘭迪斯亦非每次防守都會回到咁深協防，因此今場比賽李城中場 overload 曼聯中場嘅畫面經常出現。
曼聯 – 「慢」聯
第一個「慢」係決定慢：雖然曼聯進攻時投入相當多球員，但當去到 final third 時往往未能成功作出 killer pass 創造威脅，令形勢頓時變成陣地戰，有種老鼠拉龜嘅感覺。睇翻曼聯兩個入球，一球係格連活特禁區外嘅「世界波」，另一球係拉舒福特突破越位接應連迪洛夫嘅長傳單刀射入。雖然入到波先係重點，但總唔能夠每次進攻都盼望有神來之筆嘅射門或長傳，曼聯擁有般奴費蘭迪斯、普巴呢啲具創造力嘅球員理應可以喺組織進攻上有更好表現，球員應該有更多嘅走位、現位、配合，從而增加進攻嘅流暢度及威脅性。
第二個「慢」係速度慢：正如筆者喺前文講到，曼聯嘅一對防中會因為進攻時壓得太前進攻而導致身後有大量空位俾對手打反擊，想回身追時亦會因速度上嘅差距而追唔切。對住李斯特城嘅三中場，曼聯只得一對防中防守時顯然會感到吃力，更莫講喺進攻失去控球權後被對手打反擊時中場位置只得一個防中甚至冇防中。喺呢種情況，踢雙防中進攻時最基本係一個上前一個逗後，最少輸反擊時中場位置仍然有人可以拖時間等隊友回防，而唔係好似放題咁俾對方直接攻擊後防線。筆者甚至認為對住李城呢類效率高、速度快嘅球隊唔應該出馬迪，因為佢速度上好大機會跟唔上，麥湯文尼或者會係一個更好嘅選擇。
第三個「慢」係麥佳亞：從佢今場嘅表現睇得出佢狀態實在差，導致佢反應慢之餘亦影響佢嘅判斷力，遺憾地今場曼聯四個失球都同佢有一定關係，而且當中三球佢最少要負上一半責任。第一個失球面對迪基亞嘅傳球佢冇留意身後伊恩拿祖逼搶嘅意圖而被逼甩，後者助攻泰利文斯射入扳平一球；第三個失球防守華迪時麥佳亞一時想埋身防守但下一秒又後退咁，最後華迪把握空位射入；最後一個失球佢喺同李城後備入替嘅前鋒達卡有身體接觸嘅情況下依然被對方擺脫從身後射入。
總結
李斯特城以一場強強對碰嘅勝利一洗近四場聯賽不勝嘅頹風，迎接周中嘅歐霸盃小組賽；而曼聯嘅地獄賽程只係啱啱開始，除咗嚟緊要喺歐聯分組賽對阿特蘭大爭出線之外，聯賽亦先後要面對利物浦、熱刺及曼城，若然曼聯未能及時調整防守表現，對住上述四支球隊都好難全身而退。
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page！
https://www.facebook.com/blacksontalkball/
國際賽期完結後英超立即上演強隊對碰，今輪就有李斯特城喺主場迎戰曼聯。
李斯特城以 3-4-1-2 出戰，後衛方面有伊雲斯傷癒復出，與蘇恩古、阿瑪迪組成三中堅，左右翼衛則由卡斯坦尼、列卡度佩雷拉擔任；中場有蘇馬里、泰利文斯掌控節奏，配合進攻中場麥迪臣支援一對前鋒華迪、伊恩拿祖。
李斯特城正選陣容
GK 1 卡斯柏舒米高 Kasper Schmeichel
CB 4 蘇恩古 Çağlar Söyüncü
CB 6 伊雲斯 Jonny Evans (88’ 由維斯達哥 Jannik Vestergaard 入替)
CB 18阿瑪迪 Daniel AmarteyLWB27卡斯坦尼 Timothy Castagne
CM 42蘇馬里 Boubakary Soumaré
CM 8 泰利文斯 Youri Tielemans
RWB21列卡度佩雷拉 Ricardo Pereira
CAM10麥迪臣 James Maddison (73’ 由艾約斯佩雷斯 Ayoze Pérez 入替)
FW 9 華迪 Jamie Vardy
FW 14伊恩拿祖 Kelechi Iheanacho (77’ 由達卡 Patson Daka 入替)
曼聯則以 4-2-3-1 出戰，雙防中由普巴拍住馬迪，左翼有辛祖出任正選，而進攻中場、右翼及前鋒則係大家見慣嘅般奴費蘭迪斯、格連活特同 C 朗。
曼聯正選陣容
GK 1 迪基亞 David de Gea
LB 23梳爾 Luke ShawCB 5 麥佳亞 Harry Maguire
CB 2 連迪洛夫 Victor Lindelöf
RB 29雲比沙卡 Aaron Wan-Bissaka
CDM6普巴 Paul Pogba
CDM31馬迪 Nemanja Matić (80’ 由麥湯文尼 Scott McTominay 入替)
LM 25辛祖 Jadon Sancho (65’ 由拉舒福特 Marcus Rashford 入替)
CAM18般奴費蘭迪斯 Bruno Fernandes
RM 11格連活特 Mason Greenwood (80’ 由連加特 Jesse Lingard入替)
FW 7 C 朗拿度 Cristiano Ronaldo
曼聯組織攻勢時會投入相當多兵力，除咗 C 朗會回後駁腳試圖拉空李斯特城防線外，雙閘及雙防中亦會壓得好前，尤其是馬迪今場比以往比賽進攻性更強、上前助攻次數更多。李斯特城踢法則較直接，攻勢多以反擊為主，翼衛、中場都擅於自己推進，並會經常嘗試直接放長傳或直線到曼聯後防嘅空位俾華迪或伊恩拿祖，佢哋兩個有速度之餘一個走位靈活、一個硬淨，為曼聯後防帶嚟好多麻煩。
圖片來源：英超官方網站 (https://www.premierleague.com/match/66416)
兩隊上半場互有攻守，打成均勢。先開紀錄嘅係曼聯，由格連活特喺右路射入「世界波」領先，及後李斯特城把握曼聯一次後防失誤，泰利文斯一記妙射「笠死」迪基亞，雙方打成 1:1 完上半場。換邊後雙方依然拳來腳往，但李斯特城嘅攻勢更具威脅性，喺 78 分鐘就由蘇恩古頂入反超前一球。雖然後備入替嘅拉舒福特好快就為曼聯扳平 2:2，但相隔只有 1 分鐘華迪就為李城再次取得優勢。到補時階段李斯特城再次把握曼聯防守失誤由達卡射入，最終喺主場以 4:2 擊敗曼聯，全取三分。
李斯特城 – 直接了當嘅反擊
圖片來源：英超官方網站 (https://www.premierleague.com/match/66416)
李斯特城今場嘅反擊對曼聯非常有效，一方面係因為佢哋踢法直接，同時亦得益於曼聯嘅防守漏洞。反擊時李城通常會交波俾中場或翼衛策動，佢哋除咗有能力護球及對抗逼搶外，亦能夠透過個人技術或小範圍與隊友嘅配合擺脫防守向前推進。正如上文提到，曼聯組織攻勢時會投入相當多兵力，包括一對防中普巴、馬迪，變相曼聯喺失去控球權時中場線與後防線之間會有大量空位，因此反擊時李城球員多數都會喺曼聯中場身後現位等待傳送，若然成功轉身佢哋就已經可以直接面對曼聯後防線，而普巴、馬迪速度都唔快，即使要回身追都未必追到，故此今場李城嘅反擊都好有威脅。
除咗係因為曼聯中場壓得太前之外，李城喺中場嘅人數優勢亦係令佢哋反擊咁有威脅嘅原因。李城 3-4-1-2 陣式中中場位置除咗有蘇馬里、泰利文斯外，進攻中場麥迪臣亦會不時回後到中場協助組織，從而 overload 曼聯一對中場；而曼聯嘅進攻中場般奴費蘭迪斯亦非每次防守都會回到咁深協防，因此今場比賽李城中場 overload 曼聯中場嘅畫面經常出現。
曼聯 – 「慢」聯
第一個「慢」係決定慢：雖然曼聯進攻時投入相當多球員，但當去到 final third 時往往未能成功作出 killer pass 創造威脅，令形勢頓時變成陣地戰，有種老鼠拉龜嘅感覺。睇翻曼聯兩個入球，一球係格連活特禁區外嘅「世界波」，另一球係拉舒福特突破越位接應連迪洛夫嘅長傳單刀射入。雖然入到波先係重點，但總唔能夠每次進攻都盼望有神來之筆嘅射門或長傳，曼聯擁有般奴費蘭迪斯、普巴呢啲具創造力嘅球員理應可以喺組織進攻上有更好表現，球員應該有更多嘅走位、現位、配合，從而增加進攻嘅流暢度及威脅性。
第二個「慢」係速度慢：正如筆者喺前文講到，曼聯嘅一對防中會因為進攻時壓得太前進攻而導致身後有大量空位俾對手打反擊，想回身追時亦會因速度上嘅差距而追唔切。對住李斯特城嘅三中場，曼聯只得一對防中防守時顯然會感到吃力，更莫講喺進攻失去控球權後被對手打反擊時中場位置只得一個防中甚至冇防中。喺呢種情況，踢雙防中進攻時最基本係一個上前一個逗後，最少輸反擊時中場位置仍然有人可以拖時間等隊友回防，而唔係好似放題咁俾對方直接攻擊後防線。筆者甚至認為對住李城呢類效率高、速度快嘅球隊唔應該出馬迪，因為佢速度上好大機會跟唔上，麥湯文尼或者會係一個更好嘅選擇。
第三個「慢」係麥佳亞：從佢今場嘅表現睇得出佢狀態實在差，導致佢反應慢之餘亦影響佢嘅判斷力，遺憾地今場曼聯四個失球都同佢有一定關係，而且當中三球佢最少要負上一半責任。第一個失球面對迪基亞嘅傳球佢冇留意身後伊恩拿祖逼搶嘅意圖而被逼甩，後者助攻泰利文斯射入扳平一球；第三個失球防守華迪時麥佳亞一時想埋身防守但下一秒又後退咁，最後華迪把握空位射入；最後一個失球佢喺同李城後備入替嘅前鋒達卡有身體接觸嘅情況下依然被對方擺脫從身後射入。
總結
李斯特城以一場強強對碰嘅勝利一洗近四場聯賽不勝嘅頹風，迎接周中嘅歐霸盃小組賽；而曼聯嘅地獄賽程只係啱啱開始，除咗嚟緊要喺歐聯分組賽對阿特蘭大爭出線之外，聯賽亦先後要面對利物浦、熱刺及曼城，若然曼聯未能及時調整防守表現，對住上述四支球隊都好難全身而退。
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page！
https://www.facebook.com/blacksontalkball/
請按此登錄後留言。未成為會員? 立即註冊