圖片來源：英超官方網站 (https://www.premierleague.com/match/66635)
英超周中上演雙紅會，由近況大熱大勇嘅利物浦喺晏菲路迎戰狀態反覆嘅曼聯。主隊已經喺各項賽事保持 8 場比賽不敗，上星期六更淘汰曼城殺入足總盃決賽，氣勢如虹；反觀曼聯經歷 3 場不勝後上場終於喺一番驚濤駭浪下險勝護級份子諾域治，然而上場大演帽子戲法嘅 C 朗拿度 (Cristiano Ronaldo) 不幸經歷喪子之痛，缺席今場比賽。在此首先祝願 C 朗及家人一切安好。
圖片來源：Sky Sports (https://www.skysports.com/football/liverpool-vs-manchester-united/446581)
利物浦今場繼續以 4-3-3 陣式出戰，陣容與淘汰曼城一仗大致相同，中堅馬迪普復任正選，與羅拔臣、雲迪克、亞歷山大阿諾組成四人防線；三中場繼續有法賓奴、泰亞高出任正選，佐敦軒達臣則取代上場拿比基達嘅正選位置；三箭頭則沿用路爾斯戴亞斯、文尼、沙拿。
利物浦正選陣容
GK1 艾利臣 Alisson Becker
LB 26羅拔臣 Andrew Robertson
CB4 雲迪克 Virgil van Dijk
CB32馬迪普 Joël Matip
RB66亞歷山大阿諾 Trent Alexander-Arnold
CM6 泰亞高 Thiago Alcántara (80' 由拿比基達 Naby Keïta 入替)CM3 法賓奴 Fabinho (86' 由占士米拿 James Milner 入替)
CM14佐敦軒達臣 Jordan Henderson
FW23路爾斯戴亞斯 Luis Díaz (70' 由迪奧高祖達 Diogo Jota 入替)
FW10文尼 Sadio Mané
FW11沙拿 Mohamed Salah
曼聯今場作出變動，改以 3-4-2-1 出戰，三中堅為麥佳亞、連迪洛夫及今季鮮有上陣機會嘅菲爾鍾斯；達洛特客串左翼衛，估計係蘭歷克想針對沙拿經常 cut in 嘅部署，右翼衛則由雲比沙卡出任，馬迪、普巴雙中場；伊蘭加、般奴費蘭迪斯擔任進攻中場嘅角色，支援正前鋒拉舒福特。
曼聯正選陣容
GK1 迪基亞 David de Gea
CB5 麥佳亞 Harry MaguireCB4 菲爾鍾斯 Phil Jones (46' 由辛祖 Jadon Sancho 入替)
CB2 連迪洛夫 Victor Lindelöf
LWB 20達洛特 Diogo Dalot
CM31馬迪 Nemanja Matić
CM6普巴 Paul Pogba (10’ 由連加特 Jesse Lingard 入替)
RWB29雲比沙卡 Aaron Wan-Bissaka
CAM36伊蘭加 Anthony Elanga (84’ 由馬積比 Hannibal Mejbri 入替)
CAM18般奴費蘭迪斯 Bruno Fernandes
FW10拉舒福特 Marcus Rashford
利物浦篇
數據來源：英超官方網站 (https://www.premierleague.com/match/66635)
雖然啱啱經歷完對曼城嘅大戰，但似乎紅軍嘅狀態、體力等已經回復，今場繼續保持一貫機動、壓逼嘅踢法。進攻方面，三箭頭路爾斯戴亞斯、文尼、沙拿都係快馬之餘亦有出色嘅個人能力，為曼聯後防帶嚟極大麻煩，加上兩閘壓上助攻，曼聯邊路防守難以招架；防守方面利物浦球員中前場嘅逼搶防守十分有效，曼聯根本難以突破包圍網，要保持控球已經係難事，更遑論係組織攻勢，今場比賽利物浦有超過 7 成控球率，傳球次數係對手嘅 2 倍有多，可謂完全主宰比賽。
截圖來源：利物浦官方 YouTube (https://www.youtube.com/watch?v=3PHhl2pa3jo)
今場利物浦早喺 5 分鐘就成功把握對手一次失誤先開紀錄，當中亦足見利物浦反擊之快。當時一輪中場混戰後，皮球輾轉落到文尼腳下，文尼一腳直線就打穿曼聯防線，沙拿落底傳中，路爾斯戴亞斯輕鬆接應撞入，統統都係彈指之間嘅事。但呢球除咗要讚利物浦把握機會嘅能力之外，仔細一睇，原來今次又係曼聯中堅麥佳亞嘅失誤。當時曼聯喺中場失去控球權，身為三中堅之一嘅麥佳亞應該同其餘兩名中堅平排一致退後，等待隊友回防支援，而唔係自己上前試圖搶波，破壞防線陣型，令左路暴露大量空位；而且，從菲爾鍾斯、連迪洛夫嘅企位明顯睇得出係三中堅嘅企位，代表麥佳亞好大機會係喺冇溝通之下自行上前搶波，導致完全失位，被對方有機可乘。
圖片來源：Sky Sports (https://www.skysports.com/football/news/32461/12593374/liverpool-4-0-man-utd-player-ratings-mohamed-salah-back-to-his-best-but-harry-maguire-has-wretched-night)
今場贏波功臣除咗有各自取得入球、表現亮眼嘅三箭頭之外，三中場泰亞高、法賓奴、佐敦軒達臣亦功不可沒，皆因佢哋不論係進攻抑或防守上都有好表現，令球隊得以運行得咁流暢。佢哋緊密嘅企位遮線形成防線前嘅屏障，控球時出色嘅護球、傳球能力，加上適時嘅現位，令曼聯球員難以搶去佢哋嘅腳下球；即使曼聯動用幾個球員去搶，但利物浦積極助攻嘅兩閘、回後協助組織嘅前鋒往往都能夠為佢哋提供傳球選擇，令紅軍得以保持控球，轉守為攻。
曼聯篇
喺 C 朗、卡雲尼都未能上陣嘅情況下，攻力大打折扣，只好先求穩守，再以反擊尋找機會，因此蘭歷克祭出三中堅陣式，卻變得攻不銳、守不穩。眾所周知，般奴費蘭迪斯、普巴係曼聯嘅進攻泉源，只要封鎖佢哋就能夠大大降低曼聯嘅威脅，今場利物浦亦冇俾太多機會佢哋；兩位中場被嚴密防守後曼聯卻無人能夠挺身而出，一對翼衛本應係三中堅陣式嘅進攻點，要攻守兼備並識得把握上前助攻嘅時機，然而達洛特、雲比沙卡表現平平，後者嘅助攻能力更係慘不忍睹；雪上加霜嘅係普巴踢咗 10 分鐘就傷出，曼聯儼如失去一臂，後備入替嘅連加特喺組織能力上始終與普巴有一段距離，伊蘭加、此前上陣機會唔多嘅拉舒福特亦難擔進攻大旗，導致今場曼聯只有 2 射 1 中嘅尷尬數據。防守方面，曼聯嘅一班中堅似乎唔太習慣踢三中堅，今場比賽屢次見到中堅失位嘅情形，當中就包括上文提及過利物浦先開紀錄嘅一球。
曼聯要等到下半場先見翻少少起色。換邊後蘭歷克以辛祖入替菲爾鍾斯，由 4-3-3 轉為踢慣嘅 4-2-3-1，防守有所改善，辛祖落場亦為曼聯前線注入活力，起碼進攻上有多一個突破點，但始終都未能收窄雙方實力差距，最終下半場再失兩球，以 0:4 敗走晏菲路。
總結
今場利物浦喺冇受太大考驗嘅情況下以四球淨勝曼聯，踢多一場之下以兩分反壓曼城升上榜首，繼續保持爭冠希望，相信要鬥到最後一輪先能夠決定冠軍誰屬；曼聯輸波後則繼續排喺第 6，同第 5 位嘅阿仙奴同分但踢多兩場，同時亦比起第 4 位嘅熱刺少 3 分但踢多一場，爭四形勢陷入被動。
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 Instagram！https://www.facebook.com/blacksontalkball/
https://www.instagram.com/blacksontalkball/
英超周中上演雙紅會，由近況大熱大勇嘅利物浦喺晏菲路迎戰狀態反覆嘅曼聯。主隊已經喺各項賽事保持 8 場比賽不敗，上星期六更淘汰曼城殺入足總盃決賽，氣勢如虹；反觀曼聯經歷 3 場不勝後上場終於喺一番驚濤駭浪下險勝護級份子諾域治，然而上場大演帽子戲法嘅 C 朗拿度 (Cristiano Ronaldo) 不幸經歷喪子之痛，缺席今場比賽。在此首先祝願 C 朗及家人一切安好。
圖片來源：Sky Sports (https://www.skysports.com/football/liverpool-vs-manchester-united/446581)
利物浦今場繼續以 4-3-3 陣式出戰，陣容與淘汰曼城一仗大致相同，中堅馬迪普復任正選，與羅拔臣、雲迪克、亞歷山大阿諾組成四人防線；三中場繼續有法賓奴、泰亞高出任正選，佐敦軒達臣則取代上場拿比基達嘅正選位置；三箭頭則沿用路爾斯戴亞斯、文尼、沙拿。
利物浦正選陣容
GK1 艾利臣 Alisson Becker
LB 26羅拔臣 Andrew Robertson
CB4 雲迪克 Virgil van Dijk
CB32馬迪普 Joël Matip
RB66亞歷山大阿諾 Trent Alexander-Arnold
CM6 泰亞高 Thiago Alcántara (80' 由拿比基達 Naby Keïta 入替)CM3 法賓奴 Fabinho (86' 由占士米拿 James Milner 入替)
CM14佐敦軒達臣 Jordan Henderson
FW23路爾斯戴亞斯 Luis Díaz (70' 由迪奧高祖達 Diogo Jota 入替)
FW10文尼 Sadio Mané
FW11沙拿 Mohamed Salah
曼聯今場作出變動，改以 3-4-2-1 出戰，三中堅為麥佳亞、連迪洛夫及今季鮮有上陣機會嘅菲爾鍾斯；達洛特客串左翼衛，估計係蘭歷克想針對沙拿經常 cut in 嘅部署，右翼衛則由雲比沙卡出任，馬迪、普巴雙中場；伊蘭加、般奴費蘭迪斯擔任進攻中場嘅角色，支援正前鋒拉舒福特。
曼聯正選陣容
GK1 迪基亞 David de Gea
CB5 麥佳亞 Harry MaguireCB4 菲爾鍾斯 Phil Jones (46' 由辛祖 Jadon Sancho 入替)
CB2 連迪洛夫 Victor Lindelöf
LWB 20達洛特 Diogo Dalot
CM31馬迪 Nemanja Matić
CM6普巴 Paul Pogba (10’ 由連加特 Jesse Lingard 入替)
RWB29雲比沙卡 Aaron Wan-Bissaka
CAM36伊蘭加 Anthony Elanga (84’ 由馬積比 Hannibal Mejbri 入替)
CAM18般奴費蘭迪斯 Bruno Fernandes
FW10拉舒福特 Marcus Rashford
利物浦篇
數據來源：英超官方網站 (https://www.premierleague.com/match/66635)
雖然啱啱經歷完對曼城嘅大戰，但似乎紅軍嘅狀態、體力等已經回復，今場繼續保持一貫機動、壓逼嘅踢法。進攻方面，三箭頭路爾斯戴亞斯、文尼、沙拿都係快馬之餘亦有出色嘅個人能力，為曼聯後防帶嚟極大麻煩，加上兩閘壓上助攻，曼聯邊路防守難以招架；防守方面利物浦球員中前場嘅逼搶防守十分有效，曼聯根本難以突破包圍網，要保持控球已經係難事，更遑論係組織攻勢，今場比賽利物浦有超過 7 成控球率，傳球次數係對手嘅 2 倍有多，可謂完全主宰比賽。
截圖來源：利物浦官方 YouTube (https://www.youtube.com/watch?v=3PHhl2pa3jo)
今場利物浦早喺 5 分鐘就成功把握對手一次失誤先開紀錄，當中亦足見利物浦反擊之快。當時一輪中場混戰後，皮球輾轉落到文尼腳下，文尼一腳直線就打穿曼聯防線，沙拿落底傳中，路爾斯戴亞斯輕鬆接應撞入，統統都係彈指之間嘅事。但呢球除咗要讚利物浦把握機會嘅能力之外，仔細一睇，原來今次又係曼聯中堅麥佳亞嘅失誤。當時曼聯喺中場失去控球權，身為三中堅之一嘅麥佳亞應該同其餘兩名中堅平排一致退後，等待隊友回防支援，而唔係自己上前試圖搶波，破壞防線陣型，令左路暴露大量空位；而且，從菲爾鍾斯、連迪洛夫嘅企位明顯睇得出係三中堅嘅企位，代表麥佳亞好大機會係喺冇溝通之下自行上前搶波，導致完全失位，被對方有機可乘。
圖片來源：Sky Sports (https://www.skysports.com/football/news/32461/12593374/liverpool-4-0-man-utd-player-ratings-mohamed-salah-back-to-his-best-but-harry-maguire-has-wretched-night)
今場贏波功臣除咗有各自取得入球、表現亮眼嘅三箭頭之外，三中場泰亞高、法賓奴、佐敦軒達臣亦功不可沒，皆因佢哋不論係進攻抑或防守上都有好表現，令球隊得以運行得咁流暢。佢哋緊密嘅企位遮線形成防線前嘅屏障，控球時出色嘅護球、傳球能力，加上適時嘅現位，令曼聯球員難以搶去佢哋嘅腳下球；即使曼聯動用幾個球員去搶，但利物浦積極助攻嘅兩閘、回後協助組織嘅前鋒往往都能夠為佢哋提供傳球選擇，令紅軍得以保持控球，轉守為攻。
曼聯篇
喺 C 朗、卡雲尼都未能上陣嘅情況下，攻力大打折扣，只好先求穩守，再以反擊尋找機會，因此蘭歷克祭出三中堅陣式，卻變得攻不銳、守不穩。眾所周知，般奴費蘭迪斯、普巴係曼聯嘅進攻泉源，只要封鎖佢哋就能夠大大降低曼聯嘅威脅，今場利物浦亦冇俾太多機會佢哋；兩位中場被嚴密防守後曼聯卻無人能夠挺身而出，一對翼衛本應係三中堅陣式嘅進攻點，要攻守兼備並識得把握上前助攻嘅時機，然而達洛特、雲比沙卡表現平平，後者嘅助攻能力更係慘不忍睹；雪上加霜嘅係普巴踢咗 10 分鐘就傷出，曼聯儼如失去一臂，後備入替嘅連加特喺組織能力上始終與普巴有一段距離，伊蘭加、此前上陣機會唔多嘅拉舒福特亦難擔進攻大旗，導致今場曼聯只有 2 射 1 中嘅尷尬數據。防守方面，曼聯嘅一班中堅似乎唔太習慣踢三中堅，今場比賽屢次見到中堅失位嘅情形，當中就包括上文提及過利物浦先開紀錄嘅一球。
曼聯要等到下半場先見翻少少起色。換邊後蘭歷克以辛祖入替菲爾鍾斯，由 4-3-3 轉為踢慣嘅 4-2-3-1，防守有所改善，辛祖落場亦為曼聯前線注入活力，起碼進攻上有多一個突破點，但始終都未能收窄雙方實力差距，最終下半場再失兩球，以 0:4 敗走晏菲路。
總結
今場利物浦喺冇受太大考驗嘅情況下以四球淨勝曼聯，踢多一場之下以兩分反壓曼城升上榜首，繼續保持爭冠希望，相信要鬥到最後一輪先能夠決定冠軍誰屬；曼聯輸波後則繼續排喺第 6，同第 5 位嘅阿仙奴同分但踢多兩場，同時亦比起第 4 位嘅熱刺少 3 分但踢多一場，爭四形勢陷入被動。
大家嘅支持就係對我嘅鼓勵，如果大家想支持下我或者一齊講下波嘅，歡迎 like 我嘅 Facebook Page 同 Instagram！https://www.facebook.com/blacksontalkball/
https://www.instagram.com/blacksontalkball/
請按此登錄後留言。未成為會員? 立即註冊