【實況二十年】- 經典回憶之最

勁好波 於 26/04/2016 發表 收藏文章
【實況二十年】- 經典回憶之最

實況系列,即係大家叫嘅Winning系列踏入二十年,相信佢帶畀機迷同球迷唔少回憶!世界波幾位主編會同大家數下實況之「最」,有啲咩?去文!

謝利之實況最搞笑
「Hang 機呀!」「有無save呀?」「你_ _!無呀」當呢個情況發生既時候,讀者們,你地會有咩反應?筆者平時知自己無咩運,所以係個打一步save一步既煩膠,呢d咁既場面絕對考我唔到,但我會做一樣野,比較特別,唔係唔怕黑,而係會留意個Hang機畫面,因為有時中Bug,都幾好笑,所以而家等我帶大家睇下不同搞笑畫面!

傳中用高空波好正常,你有個識用頭槌勁既前鋒,老虎蟹都頂啦,但係如果個後衛騎你膊馬,邊到有得頂?球證,十二碼呀...

或者你早過電腦起跳,諗住贏硬個陣,對方使出千年殺,可以點拆?

「媽,我踢波個陣急尿點算呀?」「欖尿片咪掂lo!」「係喎,點解我諗唔到既?」

我鞋底好唔好味?試下咪知啦!

師兄,你都攰喇,不如幫你出一出...

鐘意睇片既,睇下啦!
https://www.youtube.com/watch?v=fojLqAEnnpohttps://www.youtube.com/watch?v=idZfvrr9G5Q

洛迪高之實況最受歡迎球員
玩實況,點少得玩Master League,洛迪高唔止會睇Game書學野,仲要同朋友仔同學仔偷下師,有咩人抵買,有咩人好用,我就各有心水喇,你又有咩鍾情嘅球員?

中田英壽及中村俊輔
Master League開game得二十蚊,想增強球隊實力,基本上只能夠你買一個球員。相信唔少人都會揀岩岩好20蚊嘅壽仔!作為中場指揮官,有傳送有射門,實力不俗,就算去到之後都可以keep住用!不過數集後壽仔變左做22蚊,就輪到同胞中村俊輔接班,都係20蚊既佢整體實力不及壽仔,不過開頭都可以用住先既。

巴班基達
洛迪高夠膽講,就算佢咩價錢都抵買!速度去到99既佢,洛迪高會用佢同原創前鋒玩撞牆基本上都係遇神殺神,全部食塵!

之後都係咁平均…
盧斯奧
呢位中堅球員以進攻力強見稱,洛迪高記得有一集佢幾乎樣樣數值都係17 (當時個集最高能力值為20),真係打咩位都得…

係呀,FW呀…
卡路士
另一位萬能巴西球員,相信大家最常放佢既位置,係343既左翼鋒,配合朗拿度同李華度,一場波入456都唔係難度…

而家不再神…
雲達保利
喺較後呢位比利時神童真係右路打晒架!年輕,當打又有身材!

真高拿真係好高架…
真高拿或查列斯迪斯
雖然實況系列之後往後已經調整左既頭鎚既屈機度,但有個高人係隊入面,總有著數!真高拿成兩米唔洗講,當年幫希臘拎歐國盃既查列斯迪斯都有米九,淨係用黎頂頭鎚都抵啦!(實不相暪,當年我用C朗出波畀佢頂…)

戰神就算起晒格都霸氣側漏
巴迪斯圖達或麥保巴
兩個都有共同點,就係重炮!如果你有錢,緊係買成套package齊晒既戰神喇,都差唔多要50蚊!無咁多既,平平地整個麥保馬顏射對面都唔錯架!

大家打咗咁耐實況,相信大家都有唔少經典經典畫面、球員同記憶,不妨留言同我哋分享下!

歡迎大家上黎世界波一齊講下波,風花雪月一番
你嘅LIKE係我地嘅原動力
https://www.facebook.com/hereisworldball

留言


請按此登錄後留言。未成為會員? 立即註冊
    快捷鍵:←
    快捷鍵:→