【歐國論戰】

勁好波 於 11/05/2016 發表 收藏文章

歐洲國家盃越嚟越近,你哋又撐邊隊﹖世界波一班編輯各有各心水!

獨樂樂不如眾樂樂!而家世界波同大家玩個遊戲,只要大家話我哋知你撐邊位主編,同點解,就有機會贏到嗰位主編準備嘅特色禮物!嗱,千奇唔好睇禮物黎選隊啦,忠於自己嘅心意呀!如果我哋講嘅4隊都唔啱心水,你哋都可以自tip自己心水隊同原因,答得最好嘅會有神秘禮物1份!

想參加遊戲就 Click 入 https://goo.gl/YXHtBR 用Facebook Reaction玩啦!你亦可以喺Fanpiece呢篇文入面參加遊戲,大家只要喺下面留言講低撐邊個國家同原因就代表參加咗!只要玩其中一邊都會被視作已參加遊戲!

睇下編輯點揀!
謝利:法國-主辦國,強陣出擊,睇高一線
作為主辦國直接晉級的法國,被外界睇高一線,除左有主場之利,仲有抽籤運,同組隊手實力較弱,其中較為強勁的瑞士,上一次2014世界杯兩隊對陣,法國大炒5:2,所以法國看似容易出線分組賽。另外,出線16強後,兵源充足以及狀態十足的法國隊,理論上搵唔到輸既理由,所有位置都出現人滿之患,就算替補球員都屬一線球隊球員。希望法國隊產生化學作用,為國家再立奇功。
支持謝利嘅球迷們,我會抽出1位幸運兒,並送出法國著名品牌Laduree Macaroon 禮盒及法國巴黎鐵塔模型

洛迪高:德國 - 實力一流,大賽打高一班
外圍賽成績唔好、國腳跌volt、無小豬、隊波無血性etc。係嘅明嘅,不過去到大賽,德國隊硬係精神面貌唔同晒。何況上場熱身賽對意大利,路維為咗應付當時中場傷患問題(基迪拉及根度簡受傷,後者更有可能),改打三後衛仲用奧斯爾打後一格做6號位,效果出奇咁好,所以變陣空間加埋大賽命,隨時拎埋歐國盃!
支持洛迪高嘅球迷們,我會抽出一位幸運兒,並送出德國啤酒1pack,同大家今朝有酒今朝醉!


李威廉:比利時-越趨成熟,黑馬之選
經歷世界盃洗禮,「歐洲紅魔」默契經驗更佳,前中後三線都有“揹飛”人物,相信今屆歐國杯正係「比利成熟時」。唯一隱憂 : 重點球星夏薩特狀態低沉,可否及時回勇勢成關鍵。
支持李威廉嘅球迷們,我會抽出1位幸運兒,並送出比利時朱古力!


列奧C:英格蘭-後生彈起,輕裝上陣
前線人材輩出,無論三箭齊發定雙鬼拍門都各有特色;中場新舊融合,活力經驗俱佳;後防史摩寧大熟大勇,一柱擎天。最重要,一各自HIGH成癮嘅英媒終於都減少發功,可望係少壓力下做出佳績。唯二隱憂:「學神」仲未畢業,功力成疑;肥仔隊長是否甘心做吉祥物到此一遊?支持列奧C既球迷們,我會抽出1位幸運兒,並送出英國茶包!


歡迎大家上黎世界波一齊講下波,風花雪月一番
你嘅LIKE係我地嘅原動力
https://www.facebook.com/hereisworldball
最新Instagram :WORLD_FOOTBALLHK

留言


請按此登錄後留言。未成為會員? 立即註冊
  • Won 於 11/05/2016 評論 NO. 1

    有學神帶隊乜都唔使講

  • mic佬 於 11/05/2016 評論 NO. 2

    法國啦

快捷鍵:←
快捷鍵:→