【歐國論戰—法德篇】 精選

有留意世界波既讀者，都知道我地幾個主編對歐國杯冠軍都爭論不休啦!我地出動埋私伙叫人撐自己，就清楚知道我地真心大分歧!
唔信? 唔知? 無睇?不如重溫下啦...
https://www.facebook.com/hereisworldball/posts/1746243802280795
先問一句，你地有無支持我地同埋自己嘅心水隊?
見到讀者留低佢地支持嘅原因，覺得大家講得非常中肯，甚至充滿激情!!
仲有唔到三星期就到歐國杯，咁不如等世界波同你前瞻一下各隊嘅走勢。
今次，世界波同你集中講咗法國同德國先!
============================================================================
法國 - 謝利
細細聲話比大家知，法國係歷屆合計舉辦最多次的主辨國，共3次(包括1960年第一屆、1984年第7屆、2016年第15屆)，對上一次1984年主辨都係法國自己拎番冠軍! 同埋咁多年，只有上一屆既西班牙能夠衛冕冠軍。
主場優勢，只可以令今屆法國隊額外加分，絕對不能掩蓋法國強陣出擊既霸氣！近10年來球隊內部既新舊交替，慢慢為呢支強隊建立皇朝既根基！

先同各位上一上堂，心水清既球迷，1998年世界杯既冠軍係邊隊？
大聲啲...法國！法國！法國！(潮流興重要的事說3次!!)
對上一次法國拎歐洲國家杯，數數手指就要到4屆前2000年比利時及荷蘭主辦既時候..
2000年黃金陣容：
龍門：巴夫斯
後衛：利沙拉素、白蘭斯、迪西尼、杜林
中場：皮利斯、維拉、施丹、佐卡夫
前鋒：查斯古特、亨利
後備：韋托特、比堤、簡迪拿、迪甘斯、安歷卡、拿保夫、杜加利

冠軍隊法國嘅威名，其他隊聽到真係聞風喪膽，穩建的後防，創造力強的中場，加上銳利的前鋒，只有龍門巴夫斯既表現較為海鮮，都係個句「咁你都要射到波，龍門先做到野架！」正正係咁，控球力強的法國真係所向披靡！但打後時間，法國開始出現青黃不接，加上足球嘅趨勢開始慢慢向西斑牙Tiki-Taka發展，所以大大削弱法國係當代足球既重要性。(係岩岩5月公佈既世界排名，法國暫時係排緊21名，無踢歐國杯外圍賽或多或少都有影響)今屆對法國黎講，絕對係收成期。大家先睇下23人陣容..
門將︰
哥斯迪（雷恩）、洛里斯（熱刺）、文丹達（馬賽）
後衛︰
迪治尼（羅馬）、艾夫拿（祖雲達斯）、查列（里昂）、哥斯尼（阿仙奴）、文加拉（曼城）、馬菲奥（巴塞隆拿）、沙格拿（曼城）、華拉尼（皇家馬德里）
中場︰
卡比耶（水晶宮）、迪亞拉（馬賽）、簡迪（李斯特城）、馬度迪（巴黎聖日耳門）、普巴（祖雲達斯）、穆沙‧施素高（紐卡素）
前鋒︰
高文（拜仁慕尼黑）、基格納（堤格雷斯）、基奧特（阿仙奴）、基沙文（馬德里體育會）、馬斯奧（曼聯）、皮耶（韋斯咸）

同組對手後場
正選龍門洛尼斯，今屆英超雖然最佳門將擺第五，但細心睇一睇數據，佢只有一場無上陣，帶來嘅13場不失球，失球數場均不到1球，加上撲救有成87球，絕對係熱刺今屆好成績嘅功臣。後衛華拉尼加哥斯尼呢個組合，係速度同制空上都唔會輸比一級前鋒，左右閘位預計會由艾夫拿及沙格拿擔任，經驗老到既艾夫拿應該會為帶起後防線。唯一需要擔心的，係驚艾夫拿谷得太上，加上體能大不如前，令左後容易成為對手既目標，加上哥斯尼有機會出現海鮮波，令到法國失波，相信教練係呢一方面會衡量下出人方面，點樣調節應付對手進攻。
中場
鑽石級嘅陣容，包括英超攔截王簡迪，罰球王皮耶，助攻助守既馬度迪，經驗老度既卡比耶，表現出眾既迪亞拉，進攻銳利嘅普巴，呢幾個人嘅組合，認真會令教練頭痛點揀! 因為佢地今屆都各自有好表現，如何令到呢班兵加埋一齊產生化學作用，就好睇當時出咩陣容。
謝利估計會係4-5-1，中場中簡迪、中場中靠左馬度迪，中場中靠右普巴，左右側翼分別係基沙文拍馬素爾，令到中場有個穩定既屏障，另有突破的中路進攻，加上左右快放，為對手帶來威脅。

前場
眼見今屆嘅選人，絕對係為one-top，或者係1個偽9號已選，如果擺陣上one-top，如無意外一定係銀河唯一基奧特，左右快放，交比佢佢係門前補一腳或一頭，如意算盤打唔打得響，就好睇基奧特既穩定性。另一方面，基沙文或馬素爾都善長偽9號位置，自己攻門或突破分波都會為對方帶來威脅，所以用人上，真係好多選擇。
睇好法國係有好多理據支持，因為對上一次奪冠功臣迪甘斯就係今年領軍嘅主帥，經驗老到，為球員打下強心針! 分組隊手偏弱，出線一定唔會係問題。
所以大家悉目以待，睇下法國能唔能夠笑到最後!


============================================================================德國 - 洛迪高
有人辭官歸故里，有人漏夜趕科場。應屆世界盃冠軍於歐國盃前夕，有舊人退出國家隊，亦有好多新人爭坐入，不過而家效果難言滿意。不過德國今屆嘅對手，似乎係自己。

27人初選名單

同組對手

前場
論前場，德國已經屬於人材過盛，名單上嘅前線球員，似乎無論淘汰邊一個都係咁可惜，佢哋都可以立足於任何一個國家隊爭一席位。(科隆王子普多斯基似乎係除外)但偏偏，正中鋒係仍然係馬里奧高美斯。雖然佢今年係土耳其踢得唔錯，但球迷都知道去到國際大賽佢有幾多斤兩。無鋒?德國未去到西班牙玩得咁熟，亦未真係搵到適合同效果好好做假9嘅人選，或者用上屆因傷缺席世盃嘅列奧斯會好過佢好兄弟，喺拜仁無咩機會嘅葛斯。至於史浩克04新星辛尼同利華古遜翼鋒白蘭特等，入選都係等做奇兵啦。

中場
大佬小豬舒韋恩史特加而家仲同時間競賽，就算趕得切相信都要做住精神領袖先。基迪拉擺脫傷患喺祖記越踢越好，卻奧斯喺皇馬都相當穩陣，相信中場中路都可能有驚喜，事關路維已經打算叫奧斯爾打後一格變組織中場，點變法就真係佢先知。不過上屆世盃，睇得出奧斯爾都係入番中路岩佢。不過相信一向穩字當頭嘅路維，都會用番差唔多球員同套路先，危機嚟到先會轉陣，就好似08年歐國盃對葡萄牙咁。
後場
最令人擔心嘅一環，世代更替多嘅一環。上屆世盃已經要用中堅賀維迪斯串演左閘(效果又幾唔錯嘅衰鬼)。今年仲冇埋隊長拿姆添，左右閘都唔知點好。近來嘅熱身，科隆左閘赫達表現唔錯，相信會先打正選，賀維迪斯做佢後備。至於右閘，相信係安利簡同魯迪爭，不過佢哋都唔係閘出身...喺球會亦唔係以右閘做主位置...(不過路維都慣咗搵替工或者通天老倌塞位喇)
中堅位多蒙特中堅，呀係拜仁中堅曉姆斯其實跌volt甚多，拍檔
謝路美保定季尾傷愈復出，狀態都係要操操。不過佢哋後備仲有今季喺華倫西亞踢得唔錯嘅梅斯達菲。(不過佢會唔會去踢右閘...)
至於無咗梅迪薩卡，取而代之係羅馬嘅魯迪格，此子雖然夠狠勁，但太過魯莽輕出，派佢落場隨時做炸彈。當然以上咁講嘅前提係打4後衛。不過喺德國上場對意大利嘅比賽入面，路維就打3後衛，成功克服近來嘅「恐意症」。
係嘅，熱身賽不能作準，想像德國長打3後衛好似好美好，不過起碼多一個變陣空間，而且可以好好運用咁多位中堅（4個），又可以喺前場放多一個中場控制比賽。(有需要時德國仲可以派多位進攻球員搶攻。)

心態：
除咗陣容，作戰心態都好緊要。唔知係咪輕敵，定係贏左世界盃就滿足，外圍賽嗰陣，德國都燒過鬚，希望經過外圍賽，德國可以回復以往大賽心理質素超強嘅本色！

估計最後23人名單：
德國27人初選名單
門將
紐亞（拜仁慕尼黑）賓特尼奴（利華古遜）
達史特根（巴塞隆拿）
後衛
謝路美保定（拜仁慕尼黑）
安利簡恩（利物浦）
祖拿斯赫達（科隆）
賀維迪斯（史浩克04）
曉姆斯（多蒙特）
施巴斯坦魯迪（賀芬咸）
魯迪格（羅馬）
梅斯達菲（華倫西亞）
中場
馬里奧葛斯（拜仁慕尼黑）
湯馬士梅拿（拜仁慕尼黑）
馬高列奧斯（多蒙特）
祖利安韋高（多蒙特）
比拿拉比（利華古遜）達斯拿（禾夫斯堡）
舒賀爾尼（禾夫斯堡）
基迪拉（祖雲達斯）
卻奧斯（皇家馬德里）
奧斯爾（阿仙奴）
舒韋恩史迪加（曼聯）
前鋒
馬里奧高美斯（費倫天拿，今季外借比錫達斯）

估計最後陣容：

歡迎大家上黎世界波一齊講下波，風花雪月一番
你嘅LIKE係我地嘅原動力
https://www.facebook.com/hereisworldball
最新Instagram :WORLD_FOOTBALLHK

世界波最新競爭遊戲 : 歐國論戰 - 快D入黎我地個page估下邊個國家會嬴歐洲國家杯啦!!
https://www.facebook.com/hereisworldball/posts/1746243802280795
PES Club Manager 世界波聯盟 :
https://www.facebook.com/hereisworldball/posts/1747474662157709