『阿根廷』再次成為一哥

經過前兩星期嘅南美區世界盃資格賽，阿根廷接連擊敗智利同玻利維亞，另一邊廂，『前一哥』比利時則在較早前輸咗俾葡萄牙同對西班牙嘅友賽因巴黎恐怖襲擊取消，令到阿根廷以1532分繼15年7月後再次重奪『世界第一』之位，結束比利時長達5個月嘅榜首位置。
前兩屆世界盃得主德國同西班牙都分別下跌至5，6位。而香港人甚為關注嘅巴西同英格蘭亦下跌至7同10位。頭20隊升幅最大嘅係土耳其，佢藉住擊敗奧地利同瑞典後，由20升至13，連升7位。嚟緊6月歐洲國家盃嘅主辦國 法國則由24位微升21位。
亞洲區方面，頭4位分別係伊朗(42位)，澳洲(50位)，韓國(56位)，日本(57位)。最可惜嘅係，香港隊喺輸俾卡塔爾之後下跌3位，跌至142位。