回想起皇馬六條A嘅年代，原來眨眼已經十幾年。重記得果陣時皇馬陣容粒粒皆星，施丹、費高、朗拿度、卡路士、魯爾、碧咸……2003年黎香港表演全場爆滿，個個球星味十足。
重整期
轉眼間，當年嘅球皇變左今日既領隊。呢十幾年皇馬嘅戰績有如坐上過山車一樣忽高忽低：「施丹+柏雲」政策不管用，結果長年歐聯四強不入；然後經歷盧森保高、拉莫斯、甘馬曹、卡比路、蘇斯達、柏歷連尼等人執教既動盪時期，偶爾碰上聯賽對手重整連嬴兩次西甲冠軍，可是歐聯仍然係四強不入。當時既皇馬似係積弱多年既戰士，球星唔係頂級、戰術唔係一流、青訓唔係好掂。
注入鐵血
去到2009年佩雷斯又再重返皇馬，順道帶來C朗、加卡、賓斯馬，結果依然四大皆空，歐聯四強不入、聯賽冠軍被最強版嘅巴塞隆拿奪走。然後2010年5月摩連奴喺班拿盃球場為國米嬴得三冠王後，高調宣佈加盟皇馬，以紀律戰術加強球隊硬度、韌度，並喺呢個夏天簽入迪馬利亞、奧斯爾，歐戰終於打入四強，本土嬴左國皇盃，但西甲仍然輸比巴塞。呢段時間嘅皇馬仍被視為比巴塞隆拿低一個層次嘅球球隊，係俗語說嘅underdog。所以當皇馬喺2011/2012年以破入球紀錄嬴得西甲後，皇馬球迷終於有點抬起頭嘅感覺。
La Decima
不過好景不常，2012/2013年皇馬又再四大皆空，防反戰術未能奏效，隊內開始傳出不和消息（由其係隊長卡西）；去到2013/2014球季初段，內訌消息令摩連奴中途辭退，安察洛堤走馬上任，扶正摩迪、激法迪馬利亞打正中場的能力，令皇馬的攻守調度更見平衡。結果憑藉巴利傳給三秒後的自己嘅入球，擊敗巴塞隆拿嬴得國皇盃；同時，喺里斯本對陣馬體會嘅歐聯決賽，有拉莫斯喺94:00入球追平，加上迪馬利亞以蛇型盤球打開缺口，造就巴利頂入反超一球，然後馬些路如入無人之境射入第三球，終於終於，為皇馬嬴得La Decima！
La Undecima
撫平多年傷痛嘅Madridista，對2014/2015球季加注更多期待，點知換來嘅係傷患和失望，結果又再四大皆空，並且炒左近年皇馬最佳領隊安察洛堤，原以為佢可以帶為球隊帶來安穩，點知佩雷斯依然顧我。2015/2016球季，佩雷斯請左「皇馬人」賓尼迪斯，當時全球皇馬球迷其實已半放棄球季，並暗中冀盼肥賓唔好亂黎。好在皇天不負有心人，肥賓為佩雷斯送上對巴塞嘅慘敗，提前領取解約金離開，加速扶正施丹。所有人都左顧右盼，然而施丹一如以往，為球隊帶來耐性同自信，讓卡斯米路打防中解決攻守平衡，讓球隊重歸傳控戰術，讓球員齊心合力；加上歐聯抽得上上籤打入決賽，力克馬體會嬴得歐聯，以La Undecima扭轉球季魘運。
原來不經不覺就十幾年，見證拉莫斯由輕出右閘變成強力中堅；馬些路由迪倫希之流變成左閘典範；中堅由柏雲變成比比；防中由加維臣（笑）、柏保路加西亞（笑）變成基迪拉，再變卡斯米路；希古恩由敗家變成致勝英雄再離開；奧斯爾由後備中場變成助攻機器再離開；賓施馬由膽怯嘅賓施貓變成世界級前鋒；施丹由球皇變成領隊；安素由小朋友變成皇馬一隊球員。原來十幾年變化如此大，如此多！作為皇馬球迷，又失落過又興奮過。支持一隊球隊，即使佢曾經幾咁墜落，佢始終都係果隊皇馬。新的球季，非常期待！
下篇文章會同各位傾傾我前新球季嘅小小睇法，歡迎各位球迷一齊暢所欲言！
重整期
轉眼間，當年嘅球皇變左今日既領隊。呢十幾年皇馬嘅戰績有如坐上過山車一樣忽高忽低：「施丹+柏雲」政策不管用，結果長年歐聯四強不入；然後經歷盧森保高、拉莫斯、甘馬曹、卡比路、蘇斯達、柏歷連尼等人執教既動盪時期，偶爾碰上聯賽對手重整連嬴兩次西甲冠軍，可是歐聯仍然係四強不入。當時既皇馬似係積弱多年既戰士，球星唔係頂級、戰術唔係一流、青訓唔係好掂。
注入鐵血
去到2009年佩雷斯又再重返皇馬，順道帶來C朗、加卡、賓斯馬，結果依然四大皆空，歐聯四強不入、聯賽冠軍被最強版嘅巴塞隆拿奪走。然後2010年5月摩連奴喺班拿盃球場為國米嬴得三冠王後，高調宣佈加盟皇馬，以紀律戰術加強球隊硬度、韌度，並喺呢個夏天簽入迪馬利亞、奧斯爾，歐戰終於打入四強，本土嬴左國皇盃，但西甲仍然輸比巴塞。呢段時間嘅皇馬仍被視為比巴塞隆拿低一個層次嘅球球隊，係俗語說嘅underdog。所以當皇馬喺2011/2012年以破入球紀錄嬴得西甲後，皇馬球迷終於有點抬起頭嘅感覺。
La Decima
不過好景不常，2012/2013年皇馬又再四大皆空，防反戰術未能奏效，隊內開始傳出不和消息（由其係隊長卡西）；去到2013/2014球季初段，內訌消息令摩連奴中途辭退，安察洛堤走馬上任，扶正摩迪、激法迪馬利亞打正中場的能力，令皇馬的攻守調度更見平衡。結果憑藉巴利傳給三秒後的自己嘅入球，擊敗巴塞隆拿嬴得國皇盃；同時，喺里斯本對陣馬體會嘅歐聯決賽，有拉莫斯喺94:00入球追平，加上迪馬利亞以蛇型盤球打開缺口，造就巴利頂入反超一球，然後馬些路如入無人之境射入第三球，終於終於，為皇馬嬴得La Decima！
La Undecima
撫平多年傷痛嘅Madridista，對2014/2015球季加注更多期待，點知換來嘅係傷患和失望，結果又再四大皆空，並且炒左近年皇馬最佳領隊安察洛堤，原以為佢可以帶為球隊帶來安穩，點知佩雷斯依然顧我。2015/2016球季，佩雷斯請左「皇馬人」賓尼迪斯，當時全球皇馬球迷其實已半放棄球季，並暗中冀盼肥賓唔好亂黎。好在皇天不負有心人，肥賓為佩雷斯送上對巴塞嘅慘敗，提前領取解約金離開，加速扶正施丹。所有人都左顧右盼，然而施丹一如以往，為球隊帶來耐性同自信，讓卡斯米路打防中解決攻守平衡，讓球隊重歸傳控戰術，讓球員齊心合力；加上歐聯抽得上上籤打入決賽，力克馬體會嬴得歐聯，以La Undecima扭轉球季魘運。
原來不經不覺就十幾年，見證拉莫斯由輕出右閘變成強力中堅；馬些路由迪倫希之流變成左閘典範；中堅由柏雲變成比比；防中由加維臣（笑）、柏保路加西亞（笑）變成基迪拉，再變卡斯米路；希古恩由敗家變成致勝英雄再離開；奧斯爾由後備中場變成助攻機器再離開；賓施馬由膽怯嘅賓施貓變成世界級前鋒；施丹由球皇變成領隊；安素由小朋友變成皇馬一隊球員。原來十幾年變化如此大，如此多！作為皇馬球迷，又失落過又興奮過。支持一隊球隊，即使佢曾經幾咁墜落，佢始終都係果隊皇馬。新的球季，非常期待！
下篇文章會同各位傾傾我前新球季嘅小小睇法，歡迎各位球迷一齊暢所欲言！
請按此登錄後留言。未成為會員? 立即註冊