【球星講台】高美斯 • 找對的人

香港足球 於 09/07/2017 發表 收藏文章
【球星講台】高美斯 • 找對的人

高美斯,上季加盟南華,佢入波嘅能力同鬥心一直都為球迷所讚嘆,因此被譽為南華嘅Mr. Right。可惜今季尾,南華會就因為班主張廣勇嘅退出,加上內部重組而決定暫停征戰港超聯,而一班同南華有死約嘅球員,包括高美斯,又點睇呢? 而佢又點睇上季加盟南華嘅決定呢?

瞬間融入香港球壇

高美斯上季由巴統戴拿模加盟南華,佢高超嘅左腳射術令佢瞬間取得入球,更喺亞協盃八強為南華 包辦對柔佛DT兩回合 嘅 兩個入波,而佢亦指喺香港嘅首回合比賽,係佢喺香港最難忘嘅經歷,「除咗因為自己射入一球世界波,亦因為自己獲得MVP嘅美譽。」

高美斯以一己之力協助南華扳平1-1

塞爾維亞人喺聯賽亦有上佳表現,開季連續五場入波令佢三奪港超最有價值球員,再加上不時為球隊射入世界波,令佢被球迷冠以Mr. Right 嘅名譽。被問到點睇呢個名,高美斯就話「我當然非常鐘意呢個名,Mr. Right呢個名 令我感覺到不單止南華嘅球迷,而係港超球迷、媒體同球會對我嘅尊重!」

高美斯開季三奪港超最有價值球員

球隊再次經歷失意球季

可惜嘅係,無論高美斯射入幾多世界波,爭勝心有幾強,都無阻南華步入深淵,球隊先後喺聯賽、盃賽敗於南區、大埔之下,雖然晉身足總盃決賽,但又以1-2輸比聯賽冠軍傑志,連續三年四大皆空。

球隊連續三年四大皆空

講到球隊今季嘅成績未如理想,亦令球迷失望,高美斯認為『球迷唔好以只怪責球員,南華有非常高質素嘅球員同教練,有問題同困難嘅並唔係我地,我亦同球隊每一分子相處得非常開心。」

意外失落獎項

而全季表現非常出色嘅高美斯,更喺季尾舉行嘅香港足球明星選舉爆冷空手而回,佢亦坦言係意料之外『當然我對結果失望,全季我都付出100%,希望為球隊爭取好成績,而且亦有唔錯嘅入球數字,所以我認為自己值得更多,不過我亦知道球迷非常支持同欣賞我嘅表現,所以我一定會繼續努力,做得更好!』

高美斯爆冷未能獲獎

面臨合約問題,仍無悔加盟

球隊四大皆空、高美斯失落獎項,對球迷黎講,都遠遠不及南華自降甲組嘅震驚同痛心,一支歷史悠久,香港足球嘅代表竟然因為財政問題而自降甲組,球迷傷心,球員亦要面臨合約、埋班等問題,而有死約在身嘅高美斯亦係其中一位,佢慨嘆『當我知道南華自降嘅消息,相信同大部分球迷一樣,我都非常驚訝,我認為,擁南躉不論成績好壞都經常入場支持球隊,佢地並唔值得被會方咁樣對待。』 至於自己嘅合約問題,佢透露『作為一個職業球員,南華必須尊重我,尊重合約精神!我明白球會面臨巨變,但我亦有我嘅家庭,唔好以無了期同南華繼續糾纏,所以如果會方真係唔需要我,就必須按合約同我解約,唔可以求其賠少少錢了事。』
高美斯希望南華尊重合約

受到南華咁樣對待,高美斯又有冇後悔加盟南華?『我並冇後悔,能夠加盟南華呢支傳統班霸係我嘅榮幸,而我亦喺香港盡力踢好每一場波,加上我深深感受到球迷對我嘅支持,喺香港嘅生活亦過得非常開心,所以我並冇因為季尾嘅問題而後悔加盟,只望可以盡快解決問題!』

小結

南華經歷多個失敗收購後,終於搵到表現符合球會同球迷期望嘅高美斯,「是對的 終於會碰到;是錯的 不管再美好」無奈高美斯未能繼續穿上南華嘅波衫上陣,更可能要離開香港球壇,只望高美斯能夠儘快解決合約問題,保持對爭勝嘅決心,成為下一間效力球會嘅Mr Right ,繼續自己嘅足球夢!


希望高美斯能喺下間球會,繼續為球迷帶來好波!

圖片來源: apple daily, oncc

~~~~~~~~~~
本專欄會從不同角度,與球迷分享有關香港足球的所見所想。同時亦希望能吸引更多球迷入場欣賞本地波嘅賽事,為香港足球加油!

本專欄每月會出4-5篇文章,當中會有分析,講解或其他唔同類型嘅文章。

facebook page :香港足球
標籤: 南華  香港足球  港超  本地波  高美斯  

留言


請按此登錄後留言。未成為會員? 立即註冊
  • 香港地 於 09/07/2017 評論 NO. 1

    南華的山齊士

  • 香港地 於 09/07/2017 評論 NO. 2

    南華的山齊士

快捷鍵:←
快捷鍵:→