-請支持藍獅 Facebook專頁-
《原創文章 歡迎轉載 請列明出處 謝謝》
大衛雷斯，對於車路士球迷黎講可以話係一個令人又愛又恨既名字，即使受盡千夫所指也繼續成為藍軍寵兒，反觀與韋利安及卡希爾擁有不同的待遇。與此同時，大衛雷斯又究竟係咪一名世界級後衛？定繼續因為間唔中「炸彈」既表現導致佢唔能夠成為世界級？一齊分析一下。
．圖片來源 : Goal.com
上季季初轉會窗結束前，車路士因為求購巴黎聖日門既馬昆奴斯不果，結果退而求其次選擇再次將大衛雷斯第二次帶回史丹福橋，哩單交易當時並唔被外界睇好，始終年紀大左而且去左法甲既哩幾季都無乜實質進步表現到出黎，番到黎繼續伙拍泰利、卡希爾就只會比起離開前組成一條更老更慢既防線。開季後，得出黎既效果的確係意料之內，兩名中堅速度唔夠而且合作性唔高，引致失球出現同埋輸波收場。
．圖片來源 : Skysports.com
干地喺連續輸左比利物浦同阿仙奴兩場強強對碰既賽事後立即轉陣，安排大衛雷斯為中中堅，伙拍卡希爾及艾斯派古達組成三後衛防線，巴西人除左負責協調後兩者以及互相補位外，最重要既就係擁有用波能力，大衛雷斯既加盟正正彌補到車路士缺乏用波型中堅(ball-playing centre backs)，而干地所用既三後衛陣式當中必需至少有一人擁有此能力，利用佢成為進攻既第一點將個波有效地運用，負責控制、協調中後場傳送及直接將皮球透過長傳快速送到前線作攻勢。
．圖片來源 : Daily Express
基本上哩類型既中堅喺現今既足球體系特別吃香，就連曼城領隊哥迪奧拿亦特別鍾情哩種中堅，前季都有同車路士想從老婦人手上搶走邦路斯，最終失敗後藍月亮選擇高價向愛華頓收購擁有同樣潛力既史東斯，而邦路斯亦因為唔想離開意大利，即使離開都靈亦未有與干地再續前緣選擇加盟AC米蘭。以上季成績黎講，能夠奪得英超冠軍，大衛雷斯既功勞絕對唔低，無論係協防又或者策動進攻方面佢都佔左好大既影響力喺度。
．圖片來源 : Sportskeeda.com
同時間巴西人亦係天使與魔鬼既混合體，由於鐘意持球同偏好進攻，好多時佢都會控球在腳走上前場，但一失波後由於速度所限，好多時都需要運用到「超技術」進行攔截。除此之外，大衛雷斯總係喺每一場波都會有一啲「大腦短路」既表現，間接啲黎講可以話佢打左八十九分鐘好波，唯獨果一分鐘出現左一個非常觸目既錯誤，哩個錯誤無論直接定間接都有機會為球隊帶黎一個嚴重既影響喺度。
．圖片來源 : Daily Express
．圖片來源 : The Sun
上次聯賽對陣阿仙奴，因為一下持球向前場推進後弄失而侵犯高拉仙歷被判罰一張紅牌，到歐聯對陣馬德里體育會時，在己方禁區防守角球時因拉扯動作而被判罰球隊輸十二碼，哩兩個錯誤可以話係連續地影響到車路士喺賽事上場面，更會導致失球出現。其實大部份車路士既球迷都對大衛雷斯以哩種方式上場已經「習以為常」，只係每次都因功大於過而避開怪責佢，與此同時巴西人經已步入三十之年，要佢改變本身固有既踢法幾乎已經不成可能。．圖片來源 : Chelsea FC
「炸彈」同「世界級」無論對於大衛雷斯以及球迷黎講，可能只係一線之差。
文章最後更新時間 : 4/10/2017 14:20
《原創文章 歡迎轉載 請列明出處 謝謝》藍獅 每週出文 用心寫每篇文章 給我們一個Like作支持 : https://www.facebook.com/bluexlion/
《原創文章 歡迎轉載 請列明出處 謝謝》
大衛雷斯，對於車路士球迷黎講可以話係一個令人又愛又恨既名字，即使受盡千夫所指也繼續成為藍軍寵兒，反觀與韋利安及卡希爾擁有不同的待遇。與此同時，大衛雷斯又究竟係咪一名世界級後衛？定繼續因為間唔中「炸彈」既表現導致佢唔能夠成為世界級？一齊分析一下。
．圖片來源 : Goal.com
上季季初轉會窗結束前，車路士因為求購巴黎聖日門既馬昆奴斯不果，結果退而求其次選擇再次將大衛雷斯第二次帶回史丹福橋，哩單交易當時並唔被外界睇好，始終年紀大左而且去左法甲既哩幾季都無乜實質進步表現到出黎，番到黎繼續伙拍泰利、卡希爾就只會比起離開前組成一條更老更慢既防線。開季後，得出黎既效果的確係意料之內，兩名中堅速度唔夠而且合作性唔高，引致失球出現同埋輸波收場。
．圖片來源 : Skysports.com
干地喺連續輸左比利物浦同阿仙奴兩場強強對碰既賽事後立即轉陣，安排大衛雷斯為中中堅，伙拍卡希爾及艾斯派古達組成三後衛防線，巴西人除左負責協調後兩者以及互相補位外，最重要既就係擁有用波能力，大衛雷斯既加盟正正彌補到車路士缺乏用波型中堅(ball-playing centre backs)，而干地所用既三後衛陣式當中必需至少有一人擁有此能力，利用佢成為進攻既第一點將個波有效地運用，負責控制、協調中後場傳送及直接將皮球透過長傳快速送到前線作攻勢。
．圖片來源 : Daily Express
基本上哩類型既中堅喺現今既足球體系特別吃香，就連曼城領隊哥迪奧拿亦特別鍾情哩種中堅，前季都有同車路士想從老婦人手上搶走邦路斯，最終失敗後藍月亮選擇高價向愛華頓收購擁有同樣潛力既史東斯，而邦路斯亦因為唔想離開意大利，即使離開都靈亦未有與干地再續前緣選擇加盟AC米蘭。以上季成績黎講，能夠奪得英超冠軍，大衛雷斯既功勞絕對唔低，無論係協防又或者策動進攻方面佢都佔左好大既影響力喺度。
．圖片來源 : Sportskeeda.com
同時間巴西人亦係天使與魔鬼既混合體，由於鐘意持球同偏好進攻，好多時佢都會控球在腳走上前場，但一失波後由於速度所限，好多時都需要運用到「超技術」進行攔截。除此之外，大衛雷斯總係喺每一場波都會有一啲「大腦短路」既表現，間接啲黎講可以話佢打左八十九分鐘好波，唯獨果一分鐘出現左一個非常觸目既錯誤，哩個錯誤無論直接定間接都有機會為球隊帶黎一個嚴重既影響喺度。
．圖片來源 : Daily Express
．圖片來源 : The Sun
上次聯賽對陣阿仙奴，因為一下持球向前場推進後弄失而侵犯高拉仙歷被判罰一張紅牌，到歐聯對陣馬德里體育會時，在己方禁區防守角球時因拉扯動作而被判罰球隊輸十二碼，哩兩個錯誤可以話係連續地影響到車路士喺賽事上場面，更會導致失球出現。其實大部份車路士既球迷都對大衛雷斯以哩種方式上場已經「習以為常」，只係每次都因功大於過而避開怪責佢，與此同時巴西人經已步入三十之年，要佢改變本身固有既踢法幾乎已經不成可能。．圖片來源 : Chelsea FC
「炸彈」同「世界級」無論對於大衛雷斯以及球迷黎講，可能只係一線之差。
文章最後更新時間 : 4/10/2017 14:20
《原創文章 歡迎轉載 請列明出處 謝謝》藍獅 每週出文 用心寫每篇文章 給我們一個Like作支持 : https://www.facebook.com/bluexlion/
請按此登錄後留言。未成為會員? 立即註冊