《不吐不快》百X成材?還是比雞肋更不如? - 韋利安

藍獅 於 01/10/2017 發表 收藏文章
-請支持藍獅 Facebook專頁-
《原創文章 歡迎轉載 請列明出處 謝謝》

如日中天既曼城作客史丹福橋以1-0小勝車路士,可以話令哥迪奧拿報了上季被干地聯賽雙殺之仇,其中哩場藍軍輸波可分成大慨三個主因,先為上場作客馬體會時現消耗球員過多體力,舟居勞頓之下再連續兩場強強大戰導致全隊體力不繼,再者球隊板凳深度不足,除左後場之外中前場球員未有輪換,最後為比賽早段莫拉達傷出,引致早以埋下敗仗伏線。
.圖片來源 The Sun

要不是後場輪換既魯迪加、基斯甸臣表現出色,加上卡希爾發揮穩定以及古圖爾斯高水準表現,令防線三番四次力阻曼城來襲,否則失球數字絕對唔止咁少。而其中最受關注既係莫拉達受傷離場後,干地選擇換入既竟然係韋利安,此舉可以話令不少車路士球迷不解,意大利人在賽後記者會表示哩個係戰術決定,但究竟韋利安有啲咩特質係佢睇到而球迷睇唔到既呢?
.圖片來源 : Evening Standard

其實巴西人喺近哩幾季表現一直向下沉,前季在球隊整體發揮得唔好既時候,練得一腳好罰球,為當時藍軍拎番唔少「救命分」。到上季,母親不幸離開左佢,而番到球隊後正選位置亦被柏度取代,不過後備上陣亦能交出表現。反而去到今季季初,夏薩特缺席下成為正選,評價都係壞多過好,上腳時間過多同時多次弄失控球權,交波準繩度過低更有不少「醫院波」,好似上場對馬體會後備上場就助攻基沙文直入心臟地帶。
.圖片來源 :

就連自己最拿手既左路罰球,都可以連命中目標都不能,好似沉晚對曼城場波人地只放一位球員作人牆,都可以選擇中牆唔中框,而且推波好多時推向後場,整失左個波之後擺出一副黑面連追都唔追。其實說實話,就算比你係夏薩特,都唔係可以下下失波都唔追下嘛?唔知大家仲記唔記得當初既韋利安係點,唔係話要佢做番薩克達時期能傳善射既巴西快翼,只係話可唔可以唔好咁花巧,做番當初務實啲直接用速度硬爆對手既韋利安。
.圖片來源 : Le Buzz - Eurosport

依加下下用「時間停頓」依一招,其實唔單止減慢左球隊進軍速度,係就連隊友都根本唔知你想幾時交番個波出黎。如此嘔心瀝血既表現,真係諗唔明點解仲會有出場既機會。韋利安自己想改變,但球迷想見到既係以前覆蓋範圍廣闊,下下有波都追既韋利安,而唔係依加變成模仿夏薩特,但無論能力同球商下遠遠都不及得上既韋利安。

文章最後更新時間 : 1/10/2017 14:15

《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/

如果喜歡我們的文章,請即分享到︰

標籤: 韋利安  車路士  干地  曼城  

留言

會員
我要評論
請按此登錄後留言。未成為會員? 立即註冊
  • 聖卡西
    聖卡西 於 01/10/2017 評論 NO. 1

    車迷唔鍾意佢 唔緊要 佢大把人要

  • somewhere
    somewhere 於 01/10/2017 評論 NO. 2

    車仔咁多季從來都算唔上能傳善射,一直以黎都係靠勤力跑上跑落黎保住個位

  • WAKE
    WAKE 於 03/10/2017 評論 NO. 3

    終於有人講出心聲,馬後炮都要講,開季前趁好價應該賣走佢,買類似Insigne番黎,韋利安場場睇佢都要xyz,佢真係吾適合現今嘅車仔,藍獅,好鐘意你用「時間停頓」黎形容,好到位,如果係贏住波出黎放右翼打反擊,俾佢係右邊任舞又可以番黎拹防就好洗好用,如果要靠佢贏波,真係sorry la,睇吾到,冇人同佢做到連攜,
    one two, 單對單還可以,多個埋黎拍就失,次次推入中場就係咁失波仲要差d輸埋,真係滴晒汗,罰球依家都吾洗佢,Alonso勁過佢la,最慘係Pedro開季跌晒watt,Batshuayi又吾信得過,所以只有出佢,開季輸俾曼城其實係好事,俾高層睇下冇左Morata點算,你估得一個夏神可以打晒咩,不過今仗有好事就係條後防值得讚,中場差飲水哥作輪換,今場失球主因中場番吾切,周中打完馬體會,Bakayoko同Fàbregas莫晒啦,Kanté就真係超鐡人,haha...開始離題潻...仲知Willian確實係雞肋,如果仲有價咪又40M賣埋俾魔佬,OK WOR...

快捷鍵:←
快捷鍵:→