【新聞簡報】中超富力球員沙希域被補

黃足坑 於 12/09/2020 發表 收藏文章
以色列新聞報導,富力球員沙希域(Eran Zahavi)喺以色列住所舉行派對中被捕。由於沙希域嘅派對聲浪過大,被鄰居投訴。警察於是到場勸籲沙希域降低音量,但係沙希域冇同警方合作之餘,喺佢哋面前大力關上家門,大鬧警察,又拒絕出示身份證明,最終被捕。

loading
從片段所見,以色列警方即使拘捕沙希域,亦都唔會一開始強行移動或者拖行佢,本來都希望佢自行坐上警車,只係沙希域仍然大吵大鬧,先至有一名警員捉佢上車。但即使係咁,沙希域嘅律師仍然指警方對佢使用暴力。至於道理喺邊個度,留返俾大家判斷。

沙希域近期亦同富力會方存有分歧。前者希望可以為以色列出戰歐國聯,但後者指,沙希域出征後,要先隔離,先可以喺中超上陣,所以唔想放人。最終沙希域為祖國披甲,亦對蘇格蘭射入一球,但傳出沙希域已經同富力解約,日內同土超費倫巴治傾談轉會事宜。然而,中超官網仍然將佢列為富力球員,意味雙方未有解約。喺呢件事後,沙希域嘅去留可能又增添變數。

相關英文報導連結:https://www.timesofisrael.com/israeli-soccer-star-eran-zahavi-arrested-handcuffed-after-cops-raid-party/#gs.fvjpgt
標籤: 沙希域  中超  廣州富力  

留言


請按此登錄後留言。未成為會員? 立即註冊
    快捷鍵:←
    快捷鍵:→