現役紅魔香港威水史!佢哋細細個我就睇佢踢

黃足坑 於 12/08/2020 發表 收藏文章
如果要將紅魔鬼曼聯同香港足球連上關係,大家可能會諗到畢特同科蘭分別為南華同傑志短暫效力,或者係香港歌手李克勤對呢隊歐洲強隊嘅愛戴。唔知你哋又記唔記得呢幾位曼聯現役球員喺香港入過波呢?

1.美臣格連活 (Mason Greenwood)

原來呢位未來新星喺2017年代表曼聯U16到香港友賽,其中一場就對住香港U17。當中“綠木”就為客隊射入第一個入波,罰球笠死香港門將黃梓豪。最後曼聯嬴3比2。
三年之後,美臣格連活已經成係曼聯正選,入球數字甚至同朗尼同佐治貝斯等人,同齡時入球數量並列,潛能無限。至於黃梓豪上季效力元朗,時有上陣機會。早前有參加全民造星節目,成功吸引幾位女粉絲入場睇波。

2.連加特 (Jesse Lingard)
2013年曼聨來港友賽傑志,呢類比賽曼聯當然派年輕球員上陣為主。七年後呢班小將就到大熟大勇之時。場波紅魔贏5比2,埋齋一球就係由後備入替嘅連加特,以一球世界波完成。
當年被譽為曼聯希望,今年連加特已經27歲,即使有球迷戲稱佢仍係年輕球員,實際中佢今季表現大家都知咩事。38場聯賽只入一球,來季大機會不再披上曼聯戰衣。

3.史摩寧 (Chris Smalling)
2013年“細緊”都在陣。同連加特唔同,佢喺嗰日有正選踢,司職中堅嘅佢上半場為曼聯頂入第二球。
30歲嘅佢雖然仲係曼聯球員,但佢已經唔喺球會計劃入面,上季被外借至意甲羅馬,表現不俗,綜合球會同球員本人意願,嚟緊有機會被買斷。

雖然對住輕鬆應戰嘅曼聯,傑志都叫入到兩粒,青年軍比賽港隊更只係一球僅負,其實香港足破絕對唔係垃圾,希望大家多多關注,疫情後試下入場撐本地波!

如果喜歡我們的文章,請即分享到︰

標籤: 曼聯  香港  格連活  連加特  史摩寧  紅魔  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→