巴塞是迪比嘅合適下家?

黃足坑 於 05/09/2020 發表 收藏文章
正當巴塞羅那同美斯關係變得越嚟越差之際,巴塞一方面要設法留住美斯,另一方面都要身物色定Plan B。已經多次有消息傳出指,新上任嘅朗奴高文有意搵荷蘭幫協助巴塞重建,要講到善荷蘭藉前場球員,除咗歐霸MVP盧克迪莊外,就非里昂前鋒迪比莫屬。迪比亦打定開合牌,指自然已經喺呢隊法甲球隊四年,做埋隊長,但睇唔到將來自己可以奪得啲咩獎項。離隊之心不少。迪比去到巴塞又係唔係一個好選擇呢?

迪比喺里昂擔當住一個極重要角色,尤其費基亞喺19年1月離隊他投後,迪比係里昂前場較擅扭嘅球員,對打開防線缺口十分重要。近幾場比賽,里昂都以3-5-2或3-4-1-2出賽,迪比分別出任前鋒同攻中。喺兩個陣式下,迪比附近都有大隻前鋒開路,分別係伊甘比同迪比利。可見迪比較似輔鋒。問題嚟喇,美斯離隊下,相信基沙文會移返入中路,擔當佢喺馬體會時代嘅角色。踢法上同迪比相近。未知朗奴高文有咩打算,將其中一個打後一格係可行方法,基沙文喺法國都唔係擔任正前鋒,所以相信對佢影響唔會太大。但朗奴高文亦有可能將迪比列作後備,出場機會降低。
迪比(11號)迪近對迪安一戰嘅平均位置

另外,迪比喺里昂感覺稍為獨食,雖然唔係全部攻勢都會死去,但可以選擇下,迪比還是會選擇扭過對手多於交俾隊友,從歐聯數據睇,迪比場均只係交出2.12個關鍵傳送,同其他前鋒,例如賓施馬同捷西斯等人少。要留意迪比有時會出任攻中位置,關鍵傳送理應比前鋒更多。整個歐聯賽事亦未有交出一個助攻。巴塞戰術比里昂更加著重整體,尤其是自己唔似美斯咁好波時,球隊戰術更加唔會圍住佢轉,不過,我都偏向相信迪比可以同巴塞隊友配合,上場法甲對迪安嘅比賽入面,佢有8次制造射門機會。要打整體佢都可以嘅。

加盟巴塞嘅必然好處,當然係人工較高同贏得各項比賽嘅機會較大。後者亦係迪比想離開里昂嘅原因之一。加上,朗奴高文如果想招攬荷蘭幫,迪比亦應該會有更大出場機會。只係朗奴高文嚟到冇耐,巴塞就變天,加上朗奴高文嘅執教能力唔太好,教愛華頓同華倫西亞戰績都唔理想。如果迪比加盟巴塞,可以預計朗奴高文會比佢更快走人,下任主帥會點用迪比又係未知之數。

最後就係傷患問題,據「轉會市場」網站指,迪比上季有三次受傷,其中一次係十字韌帶破裂。三次受傷令佢缺陣33場比賽。巴塞如果簽佢就需考慮呢個問題。不過相信傷患史唔會影響迪比加盟巴塞嘅意欲。但係後者作風心急。如果有球員受傷,佢哋會盡快簽下球員替補。丹比利就係例子。迪比加盟係,如果傷患情況同去季相似,佢喺巴塞嘅地位可能隨住代替品加盟而減低。

迪比今年已經26歲,開始步入球員生涯嘅黃金階段,喺留隊做忠臣同加盟大球會,尋找高峰下,相信佢已經選擇咗後者。唔知大家記唔記得迪比曾經係曼聯一員?佢喺16年夏天加盟後,由於表現不似預期,一年後就被賣到里昂。有啲球員踢中型班表現標青,踢大球會卻略遜一籌,早幾年巴塞嘅馬琴就係一個例子,迪比又會唔會重蹈覆轍?上次踢傳統強隊表現唔合格,唔知大熟大勇之時,再次挑戰,又會有咩結果呢?


補充:最新消息係指美斯會留隊,如果係咁,巴塞來季前場中路有已經有美斯,古天奴同基沙文。未睇得出迪比可以係佢哋當中突出嘅一個。如此一來,迪比要面對嘅選擇更加簡單:要留喺里昂做大佬,定係去巴塞證挑戰自己?

如果喜歡我們的文章,請即分享到︰

標籤: 迪比  朗奴高文  巴塞  里昂  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→