足球係世界上最受歡迎既運動之一，隨住超過一百年既發展，足球更加以唔同既方式呈現喺大家眼前，標準十一人制足球之外，更加有五人足球、三人足球、花式足球，甚至單車足球，但不得不提既一定係香港獨有既硬地七人足球。
可能你會話，唓，而家每年都有港會搞既國際七人足球賽，都有其他英國、日本既外隊參賽，即係唔係得香港有七人足球啦。咁我可以話你知，錯啦，香港既七人足球真係世界獨有，獨有既唔係參與既人數，而係當中所發展出既一套文化。
圖為紐卡素派出隊伍並奪得2018年港會七人足球賽冠軍
關於香港硬地足球場既出現絕對係一個迷，而且都可以講得上係好奇怪，奇怪在呢啲球場尺寸可以話係冇標準，如果根據國際足協標準，七人場大小應該係長度45-50米內、闊度30-35米內。宏觀全世界，較常見到既通常都係標準十一人草場、五人硬地場、五人圍板場，就真係冇見過好似香港既所謂七人場，如果有既請話我知，我都想去下。正正因為個個場都大小不一，踢落亦好尷尬，五個又好似太多位跑死人，九個又太迫，七個就剛剛好。關於香港石地七人足球既資料同介紹唔多，我諗呢個就係七人足球既雛形，但講左咁耐，咁到底香港既七人足球有咩咁獨特咁巴閉先？
圖為香港石地足球聖地──旺角麥花臣足球場
圖為香港其中一個面積最大既石地場──荔枝角公園三期足球場 (筆者試過喺呢個場比賽，踢完差啲要入院)
圖為香港其中一個劃線最奇怪既石地場──卜公花園足球場 (拉邊啦！下？點拉邊呀？)
賽制
筆者參與七人足球聯賽前前後後都有十年時間，香港既七人足球比賽及展至今已經有一個共識既賽制，為時下各個賽會所沿用，例如唔踢越位、上下半場各25分鐘(盃賽20分鐘)，全場比賽50分鐘(盃賽40分鐘，預留時間互射點球)，中場休息5分鐘，10點開既比賽(尾場)就算超時一熄燈(晚上11點)就完場；至於換人就各有唔同，大多數限次數不限人數。而呢一套賽制可以話係因為各種因素而訂立，例如康文署硬地場預約係以一個鐘為一節，所以25+5+25，一場比賽55分鐘連埋補時就剛剛好。而國際間既七人足球，其實真係同十一人冇分別，每邊踢少四個咁解。
組織及發展
香港足球總會負責香港足球發展同管理各級認可賽事，包括港超聯、甲乙丙組、甚至五人甲乙組比賽。時至今日，香港七人足球都有唔同既組織及賽會去舉辦唔同既聯賽、盃賽(我地俗稱網League、街League或者地下聯賽)，甚至有一個九龍小型足球總會有限公司，紮根香港既足球聖地──麥花臣，每年都會舉辦唔同盃賽，例如發財盃、回歸盃、九龍盃、同每年既重頭戲──東南海盃。由於好多時候都會有石地界好波之人、現役職業球員或退役甲組參賽獻技，不得不提黑仔王景華、Football 7 Highlight版主周偉傑、大眼仔黃展鴻、BB黎洛賢、和哥李健和、偉仔譚兆偉、雞仔郭裕洪等等，星光熠熠真係數到出年都未數完，所以每逢比賽麥花臣都會人山人海，睇波既人直頭企到連邊線都唔見埋。
https://www.youtube.com/watch?v=njbfRCqxWxI&t=39s東南海盃2017 公開組 決賽 - 流浪 vs 錦興九龍城 (全場精華)
提起搞比賽既組織就梗係要提埋踢比賽既組織，唔好以為踢細波就淨係喺街場威到，有幾多踢緊超聯既球員都係踢街波大，以前有喺秀雅道屈人機既歐陽耀沖、近年都有由著名石地球隊和團之友出產、而家踢緊港超聯東方龍獅既鍾偉強、和富大埔既梁星耀同香港飛馬既蕭俊銘等等，所以千祈唔好睇小香港既石地足球。
另外都有賴Football 7 Highlight一直好有心咁推廣七人足球，令更多人了解同關注七人足球，令好多人擁有屬於自己既球星卡，唔知可唔可以又幫西波達人整番張能力99既球星卡比我地自己J下呢？
https://www.facebook.com/wotuenfc/
和團之友Facebook專頁
https://www.facebook.com/football7highlights/
Football 7 Highlight Facebook專頁
戰術及踢法
本文剛才都提及過，受限於香港地方有限，石地足球場幾乎每個場大小都唔一樣，因此亦衍生出各種踢法同戰術，以克服場地限制同發揮最大既優勢。陣式上，較傳統既2-3-1或者3-2-1，踢法上都會因個場大與細作調整。一啲比較細既場，例如石硤尾偉智街遊樂場、灣仔公園足球場，可能會打多啲搓傳、盤扭、小組配合；一啲比較大既場，例如觀塘康寧道遊樂場、大角咀晏架街遊樂場，可能會打多啲長傳、高波，盡量運用球場闊度。除左整體踢法外，亦有一啲個人戰法，例如因為冇越位，所以有「打籃底」既出現(即球員埋伏喺較接近敵方龍門架及底線位置，隨時現身作射門或二傳)。當然戰法同戰術都會睇番本身球隊習慣或者考慮埋對手既特性而有所改變，所以當中都係一個幾有趣既課題。
裝備
踢波要著波衫、波褲就大家都知，裝備上我地主要講下鞋同比賽用波。同其他地方既五人足球、硬地足球一樣，平底波Boot會係好多人既選擇，我地亦唔打算喺度講解咁多，想知多啲可以留意下《屎波裝備多》既FB或者Youtube channel，有更詳細既分析同講解，我地想講既係白飯魚。
https://www.facebook.com/hkfootballreview/
屎波裝備多Facebook專頁
https://www.youtube.com/channel/UC8xoctA4BprwmCAWdtebwmQ
屎波裝備多Youtube Channel
我諗有番咁上下年紀既人對白飯魚唔會陌生，以前一對白飯魚走天涯，打波、踢波、開工都係佢，而家有踢開足球波既波友都應該會著過，雖然白飯魚冇乜承托力，著完可能會腳痛，但佢所帶黎赤足既感覺係任何物料既波Boot都無可媲美，特別喺落雨天場地濕滑更見其超強既抓地力，未著過既波友遲啲不妨買對試下。
白飯魚運動鞋相信大家都唔陌生啦？
至於比賽用波方面，普遍都會選用珍珠皮4號波，當中最多人揀既就係韓國牌子Star既4號珍珠皮波(俗稱Star或者韓國仔)，仲有Molten Vantaggio 3000，踢落比較墜腳受力，傳控射既感覺都比其他牌子好。除此以外，近年都有好幾個本地品牌例如WE、劍瞻體育公司自家研發專為石地賽事而設既比賽用波，質素亦可圈可點，都係唔錯既選擇。
Star珍珠皮4號波
Molten Vantaggio 3000
講左咁多，希望大家對本地七人足球會有更深了解，如果你之前未接觸過既遲啲5、6月就係一年一度既石地界盛事東南海盃，有時間不妨去麥花臣感受下氣氛；如果你係資深波友，而文中有咩講錯請多多提點同指教。希望香港獨有既七人硬地足球文化得以繼續傳承同發揚光大。
https://www.facebook.com/kmfa1937/
九龍小型足總Facebook專頁
https://www.facebook.com/tcfc1994/
東南海盃Facebook專頁
西波達人 FB:https://www.facebook.com/westballmaster/
西波達人 IG: https://www.instagram.com/westball_master/
可能你會話，唓，而家每年都有港會搞既國際七人足球賽，都有其他英國、日本既外隊參賽，即係唔係得香港有七人足球啦。咁我可以話你知，錯啦，香港既七人足球真係世界獨有，獨有既唔係參與既人數，而係當中所發展出既一套文化。
圖為紐卡素派出隊伍並奪得2018年港會七人足球賽冠軍
關於香港硬地足球場既出現絕對係一個迷，而且都可以講得上係好奇怪，奇怪在呢啲球場尺寸可以話係冇標準，如果根據國際足協標準，七人場大小應該係長度45-50米內、闊度30-35米內。宏觀全世界，較常見到既通常都係標準十一人草場、五人硬地場、五人圍板場，就真係冇見過好似香港既所謂七人場，如果有既請話我知，我都想去下。正正因為個個場都大小不一，踢落亦好尷尬，五個又好似太多位跑死人，九個又太迫，七個就剛剛好。關於香港石地七人足球既資料同介紹唔多，我諗呢個就係七人足球既雛形，但講左咁耐，咁到底香港既七人足球有咩咁獨特咁巴閉先？
圖為香港石地足球聖地──旺角麥花臣足球場
圖為香港其中一個面積最大既石地場──荔枝角公園三期足球場 (筆者試過喺呢個場比賽，踢完差啲要入院)
圖為香港其中一個劃線最奇怪既石地場──卜公花園足球場 (拉邊啦！下？點拉邊呀？)
賽制
筆者參與七人足球聯賽前前後後都有十年時間，香港既七人足球比賽及展至今已經有一個共識既賽制，為時下各個賽會所沿用，例如唔踢越位、上下半場各25分鐘(盃賽20分鐘)，全場比賽50分鐘(盃賽40分鐘，預留時間互射點球)，中場休息5分鐘，10點開既比賽(尾場)就算超時一熄燈(晚上11點)就完場；至於換人就各有唔同，大多數限次數不限人數。而呢一套賽制可以話係因為各種因素而訂立，例如康文署硬地場預約係以一個鐘為一節，所以25+5+25，一場比賽55分鐘連埋補時就剛剛好。而國際間既七人足球，其實真係同十一人冇分別，每邊踢少四個咁解。
組織及發展
香港足球總會負責香港足球發展同管理各級認可賽事，包括港超聯、甲乙丙組、甚至五人甲乙組比賽。時至今日，香港七人足球都有唔同既組織及賽會去舉辦唔同既聯賽、盃賽(我地俗稱網League、街League或者地下聯賽)，甚至有一個九龍小型足球總會有限公司，紮根香港既足球聖地──麥花臣，每年都會舉辦唔同盃賽，例如發財盃、回歸盃、九龍盃、同每年既重頭戲──東南海盃。由於好多時候都會有石地界好波之人、現役職業球員或退役甲組參賽獻技，不得不提黑仔王景華、Football 7 Highlight版主周偉傑、大眼仔黃展鴻、BB黎洛賢、和哥李健和、偉仔譚兆偉、雞仔郭裕洪等等，星光熠熠真係數到出年都未數完，所以每逢比賽麥花臣都會人山人海，睇波既人直頭企到連邊線都唔見埋。
https://www.youtube.com/watch?v=njbfRCqxWxI&t=39s東南海盃2017 公開組 決賽 - 流浪 vs 錦興九龍城 (全場精華)
提起搞比賽既組織就梗係要提埋踢比賽既組織，唔好以為踢細波就淨係喺街場威到，有幾多踢緊超聯既球員都係踢街波大，以前有喺秀雅道屈人機既歐陽耀沖、近年都有由著名石地球隊和團之友出產、而家踢緊港超聯東方龍獅既鍾偉強、和富大埔既梁星耀同香港飛馬既蕭俊銘等等，所以千祈唔好睇小香港既石地足球。
另外都有賴Football 7 Highlight一直好有心咁推廣七人足球，令更多人了解同關注七人足球，令好多人擁有屬於自己既球星卡，唔知可唔可以又幫西波達人整番張能力99既球星卡比我地自己J下呢？
https://www.facebook.com/wotuenfc/
和團之友Facebook專頁
https://www.facebook.com/football7highlights/
Football 7 Highlight Facebook專頁
戰術及踢法
本文剛才都提及過，受限於香港地方有限，石地足球場幾乎每個場大小都唔一樣，因此亦衍生出各種踢法同戰術，以克服場地限制同發揮最大既優勢。陣式上，較傳統既2-3-1或者3-2-1，踢法上都會因個場大與細作調整。一啲比較細既場，例如石硤尾偉智街遊樂場、灣仔公園足球場，可能會打多啲搓傳、盤扭、小組配合；一啲比較大既場，例如觀塘康寧道遊樂場、大角咀晏架街遊樂場，可能會打多啲長傳、高波，盡量運用球場闊度。除左整體踢法外，亦有一啲個人戰法，例如因為冇越位，所以有「打籃底」既出現(即球員埋伏喺較接近敵方龍門架及底線位置，隨時現身作射門或二傳)。當然戰法同戰術都會睇番本身球隊習慣或者考慮埋對手既特性而有所改變，所以當中都係一個幾有趣既課題。
裝備
踢波要著波衫、波褲就大家都知，裝備上我地主要講下鞋同比賽用波。同其他地方既五人足球、硬地足球一樣，平底波Boot會係好多人既選擇，我地亦唔打算喺度講解咁多，想知多啲可以留意下《屎波裝備多》既FB或者Youtube channel，有更詳細既分析同講解，我地想講既係白飯魚。
https://www.facebook.com/hkfootballreview/
屎波裝備多Facebook專頁
https://www.youtube.com/channel/UC8xoctA4BprwmCAWdtebwmQ
屎波裝備多Youtube Channel
我諗有番咁上下年紀既人對白飯魚唔會陌生，以前一對白飯魚走天涯，打波、踢波、開工都係佢，而家有踢開足球波既波友都應該會著過，雖然白飯魚冇乜承托力，著完可能會腳痛，但佢所帶黎赤足既感覺係任何物料既波Boot都無可媲美，特別喺落雨天場地濕滑更見其超強既抓地力，未著過既波友遲啲不妨買對試下。
白飯魚運動鞋相信大家都唔陌生啦？
至於比賽用波方面，普遍都會選用珍珠皮4號波，當中最多人揀既就係韓國牌子Star既4號珍珠皮波(俗稱Star或者韓國仔)，仲有Molten Vantaggio 3000，踢落比較墜腳受力，傳控射既感覺都比其他牌子好。除此以外，近年都有好幾個本地品牌例如WE、劍瞻體育公司自家研發專為石地賽事而設既比賽用波，質素亦可圈可點，都係唔錯既選擇。
Star珍珠皮4號波
Molten Vantaggio 3000
講左咁多，希望大家對本地七人足球會有更深了解，如果你之前未接觸過既遲啲5、6月就係一年一度既石地界盛事東南海盃，有時間不妨去麥花臣感受下氣氛；如果你係資深波友，而文中有咩講錯請多多提點同指教。希望香港獨有既七人硬地足球文化得以繼續傳承同發揚光大。
https://www.facebook.com/kmfa1937/
九龍小型足總Facebook專頁
https://www.facebook.com/tcfc1994/
東南海盃Facebook專頁
西波達人 FB:https://www.facebook.com/westballmaster/
西波達人 IG: https://www.instagram.com/westball_master/
請按此登錄後留言。未成為會員? 立即註冊