文：中堅賓 編：蘭斯貝利
終於來到第三回，為左可以替中堅賓的世盃之旅有一個文字記錄，
縱使文章乏人欣賞(笑)，我地都會繼續貼身追踪佢的所見所聞。
相信大家都知，英格蘭在星期日大炒同組對手巴拿馬6-1，
身在俄羅斯的室友中堅賓亦成為這場賽事的現場見證者。
不過佢感覺就話...
中堅賓：
終於睇左人生第一場現場嘅世界杯比賽喇！但係坦白講同期望係有啲落差。
英軍大炒巴拿馬六個一皮，本屆暫時最大比數嘅賽事，理應要心滿意足，不過正正就係強弱太懸殊，變成好似每年暑假外隊訪港嘅表演賽咁，巴拿馬真係毫無還擊之力，英軍下半場仲放軟埋手腳，睇得我呵欠連連，好彩球場氣氛夠熱烈，咁樣先撐住小弟嘅眼皮。
賽前，我同兩位朋友都決定撐巴拿馬，所以特登網購左三件巴拿馬作客波衫 (亲，腥港正貨未能夠買，無辦法唷），做一日嘅巴拿馬球迷。巴拿馬大家除左最熟悉嘅總統同運河之外，我仲諗到彼此嘅一個共通點，原來我地都係幫李嘉誠打工，巴拿馬運河嘅港口設施，係誠哥旗下嘅，唔知佢地又有無力場呢？
當然，巴拿馬人都好清楚現實係咩一回事，所以佢地對於參加世界杯當成係一場Party，由賽前下諾夫哥羅德市內，已經隨處可見笑容滿面嘅一眾巴拿馬fans，見你著住巴拿馬波衫，就會對你講Viva Panama, 教你唱打氣歌，之後一定要同你high five, 又有啲朋友會捉住你合照，仲送巴拿馬旗俾我地添，咁熱情好客，呢樣已經「大勝」英格蘭啦。
當然英格蘭並唔係高傲睇唔起人，只係佢地感覺好典型，同大家平時Twitter見到的英超球隊參與歐戰作客咁，霸住幾間露天pub，掛哂啲有各個球會嘅十字旗，賽前一日已經响到唱chants 唱到黑，仲有勁飲酒，但係整體都好有禮同算有秩序，不過只係比較自成一角姐，當然可能因為我著左巴拿馬波衫，所以費事搞我都唔出奇。(編按：你又唔係英人波衫，好合理。)
比併完球迷，講下比賽日嘅安排先，首先比賽當日，憑FAN ID 就可以免費坐市內交通，好方便，開波前，好多球迷都行下市內名勝，好似當地克里姆林宮同啲東正教堂，名勝附近都會有接駁巴士送你去球場。大約12點，紅白兩色軍團就浩浩蕩蕩進軍位於伏爾加河畔嘅球場喇。
球場外，氣氛比我想像中無咁熾熱，氣氛主要由Fans 自發帶動，周邊娛樂設施亦唔算多，有小量同足球相關嘅小遊戲，除此之外，最吸引嘅就係畫臉服務喇，係免費嘅，不過畫得好唔好，就要睇你遇到邊個師傅喇，好撞手神下。
入場過程就真係要讚下，全場四萬三千幾人，分成4個Gate 入場，有秩序又有效率，入場步驟唔繁複，做埋安檢，入場都唔洗用你五分鐘，香港足總學下野好無？
坐定就等開波，開波前一個鐘，兩軍會出球場熱身，球迷都會陸續入場，大電視會播番呢幾日比賽嘅精華，宣佈完出場名單之後，會分別播兩隊球隊嘅打氣歌，英格蘭首Football is coming home 幾好聽，識唱嘅跟住一齊唱，氣氛一流，而首歌係會响入完波同之後完場時再播一次，所以比賽當日最後播左八次，我開始可以口噏噏唱幾句喇。
正如一開始話齋，場波太似表演賽，英格蘭球迷表現好輕鬆，坐我前面條英國仔話要入夠十粒，唔知係咪半場先入得五粒，佢覺得失望啦，所以半場開始就唔見左人，而其他英格蘭Fans，我覺得佢地越慶祝就越hea；反觀巴拿馬Fans頭十分鐘球隊有小小攻勢時，Fans 好肉緊，可能憧憬有得偷雞，所以好鬼落力打氣，但當第一個十二碼出現，兵敗如山倒，巴拿馬球迷都難掩失落之情，即刻頹哂，之後場波就真係好似放左入雪櫃咁，直到巴拿馬破蛋，全場氣氛先熱鬧番。所以話呢d 大比數交易，睇電視就好睇，去到現場就會覺得唔緊湊嫁喇。
散場時，英格蘭fans 唱住chant 咁樣行出球場，入16強的確值得開心，而巴拿馬球迷呢，一樣咁hyper，球隊入到史上第一球，兼唔洗做三零部隊喎，當然要唱住o le o le o le o le Panama, panama 咁樣，開開心心蒲吧去啦，衷心祝福巴拿馬尾場對突尼西亞，能夠拎到史上第一分啦。
另外，俄妹非常熱情，我同佢地影左好多相，仲拎左幾個佢地的ig添。蘭斯貝利你唔恨得咁多。
想繼續睇中堅賓分享的俄羅斯睇波遊
除了訂閱我們的專欄，
仲可以在Facebook Like我們的專頁 - 足字室https://www.facebook.com/wearesalarymen/?ref=bookmarks
你們的每一個Like，也是對我們一個莫大的支持及鼓勵！
終於來到第三回，為左可以替中堅賓的世盃之旅有一個文字記錄，
縱使文章乏人欣賞(笑)，我地都會繼續貼身追踪佢的所見所聞。
相信大家都知，英格蘭在星期日大炒同組對手巴拿馬6-1，
身在俄羅斯的室友中堅賓亦成為這場賽事的現場見證者。
不過佢感覺就話...
中堅賓：
終於睇左人生第一場現場嘅世界杯比賽喇！但係坦白講同期望係有啲落差。
英軍大炒巴拿馬六個一皮，本屆暫時最大比數嘅賽事，理應要心滿意足，不過正正就係強弱太懸殊，變成好似每年暑假外隊訪港嘅表演賽咁，巴拿馬真係毫無還擊之力，英軍下半場仲放軟埋手腳，睇得我呵欠連連，好彩球場氣氛夠熱烈，咁樣先撐住小弟嘅眼皮。
賽前，我同兩位朋友都決定撐巴拿馬，所以特登網購左三件巴拿馬作客波衫 (亲，腥港正貨未能夠買，無辦法唷），做一日嘅巴拿馬球迷。巴拿馬大家除左最熟悉嘅總統同運河之外，我仲諗到彼此嘅一個共通點，原來我地都係幫李嘉誠打工，巴拿馬運河嘅港口設施，係誠哥旗下嘅，唔知佢地又有無力場呢？
當然，巴拿馬人都好清楚現實係咩一回事，所以佢地對於參加世界杯當成係一場Party，由賽前下諾夫哥羅德市內，已經隨處可見笑容滿面嘅一眾巴拿馬fans，見你著住巴拿馬波衫，就會對你講Viva Panama, 教你唱打氣歌，之後一定要同你high five, 又有啲朋友會捉住你合照，仲送巴拿馬旗俾我地添，咁熱情好客，呢樣已經「大勝」英格蘭啦。
當然英格蘭並唔係高傲睇唔起人，只係佢地感覺好典型，同大家平時Twitter見到的英超球隊參與歐戰作客咁，霸住幾間露天pub，掛哂啲有各個球會嘅十字旗，賽前一日已經响到唱chants 唱到黑，仲有勁飲酒，但係整體都好有禮同算有秩序，不過只係比較自成一角姐，當然可能因為我著左巴拿馬波衫，所以費事搞我都唔出奇。(編按：你又唔係英人波衫，好合理。)
比併完球迷，講下比賽日嘅安排先，首先比賽當日，憑FAN ID 就可以免費坐市內交通，好方便，開波前，好多球迷都行下市內名勝，好似當地克里姆林宮同啲東正教堂，名勝附近都會有接駁巴士送你去球場。大約12點，紅白兩色軍團就浩浩蕩蕩進軍位於伏爾加河畔嘅球場喇。
球場外，氣氛比我想像中無咁熾熱，氣氛主要由Fans 自發帶動，周邊娛樂設施亦唔算多，有小量同足球相關嘅小遊戲，除此之外，最吸引嘅就係畫臉服務喇，係免費嘅，不過畫得好唔好，就要睇你遇到邊個師傅喇，好撞手神下。
入場過程就真係要讚下，全場四萬三千幾人，分成4個Gate 入場，有秩序又有效率，入場步驟唔繁複，做埋安檢，入場都唔洗用你五分鐘，香港足總學下野好無？
坐定就等開波，開波前一個鐘，兩軍會出球場熱身，球迷都會陸續入場，大電視會播番呢幾日比賽嘅精華，宣佈完出場名單之後，會分別播兩隊球隊嘅打氣歌，英格蘭首Football is coming home 幾好聽，識唱嘅跟住一齊唱，氣氛一流，而首歌係會响入完波同之後完場時再播一次，所以比賽當日最後播左八次，我開始可以口噏噏唱幾句喇。
正如一開始話齋，場波太似表演賽，英格蘭球迷表現好輕鬆，坐我前面條英國仔話要入夠十粒，唔知係咪半場先入得五粒，佢覺得失望啦，所以半場開始就唔見左人，而其他英格蘭Fans，我覺得佢地越慶祝就越hea；反觀巴拿馬Fans頭十分鐘球隊有小小攻勢時，Fans 好肉緊，可能憧憬有得偷雞，所以好鬼落力打氣，但當第一個十二碼出現，兵敗如山倒，巴拿馬球迷都難掩失落之情，即刻頹哂，之後場波就真係好似放左入雪櫃咁，直到巴拿馬破蛋，全場氣氛先熱鬧番。所以話呢d 大比數交易，睇電視就好睇，去到現場就會覺得唔緊湊嫁喇。
散場時，英格蘭fans 唱住chant 咁樣行出球場，入16強的確值得開心，而巴拿馬球迷呢，一樣咁hyper，球隊入到史上第一球，兼唔洗做三零部隊喎，當然要唱住o le o le o le o le Panama, panama 咁樣，開開心心蒲吧去啦，衷心祝福巴拿馬尾場對突尼西亞，能夠拎到史上第一分啦。
另外，俄妹非常熱情，我同佢地影左好多相，仲拎左幾個佢地的ig添。蘭斯貝利你唔恨得咁多。
想繼續睇中堅賓分享的俄羅斯睇波遊
除了訂閱我們的專欄，
仲可以在Facebook Like我們的專頁 - 足字室https://www.facebook.com/wearesalarymen/?ref=bookmarks
你們的每一個Like，也是對我們一個莫大的支持及鼓勵！
請按此登錄後留言。未成為會員? 立即註冊