不專業足球筆記（六十四）︰ 亞洲盃出局雖然不忿失望 但仍感謝港隊球員們120%付出 惟對教練韋斯活真係不吐不快
1. 港隊出局之後沉澱咗一日，依然係好唔開心、好唔忿氣。
2. 雖然我尋日篇賽後篇係有批評過部份球員既心態或者係係提到佢啲既失誤，但事實上我依然係好感激佢哋，而我都相信只要係代表香港出到場，佢哋一定係會比盡120%既拼勁去踢呢場波。由我懂事以黎，我哋只係亞洲既一支弱隊，能力不足、狀態唔夠、球場上發生失誤時有發生，但我哋清楚知道，我哋睇緊香港隊，唔係英超西甲，我哋都唔係皇馬巴塞，有失誤、技術唔好係正常，我哋想睇既係球員比足120%拼勁去比賽，只要出盡全力，輸波都會欣賞。
3. 所以我尋日有鬧過巴西三寶有時太獨食令球隊錯失機會、阿鵬兩球都有失誤、第二球防線孫銘太易比人起腳、艾華頓射失比人打反擊、一仔第一球追唔切…係，我會指出呢啲嘢，但我睇到球員喺場上面既表現，我絕對唔會怪罪佢哋，反而我好感謝佢哋帶到呢場波比我哋，仲有機會爭出線，甚至乎雙鵬/彭喺網上比人鬧得最多，我都覺得佢哋真係出晒力，到最後永不言棄既精神值得欣賞。茹子同一仔都一樣踢得好好（係好好好好好！），但失第一球佢哋一樣可以做得更好，唔通我哋就要怪罪佢哋、瀨晒佢哋咩？唔係架嘛。
4. 坦白講，雖然今次抽到好簽，但我最初依然認為係出唔到線既機會多啲。多謝球員，戰鬥至尾二果輪。
5. 但我想屌下教練。
6. 如果一直有睇開我之前有關香港隊既文，有兩樣嘢我係強調過唔止一次既︰首先，我個人黎講唔鍾意西木，因為球圈朋友爆過料比我知，至少喺上任初期，西木既工作態度真係好唔專業同埋唔做足功課，後期我冇再問，我當係有改善，但西木留咗個好差既first impression比我都係事實；不過第二點，就係我冇westwood out，我反而係不斷提到既然西木係主教練，我哋同坐一條船，應該支持佢，希望佢帶隊入到亞洲盃決賽周。
7. 西木好搶口得罪球迷、西木成日亂開地圖炮得罪晒球圈所有人、西木選人偏愛年紀大老鬼、西木啲戰術唔適合港隊、西木淨係識搵弱隊刷數據…要屌西木可以有好多理由，而我其實都好認同部份既批評，但足球世界成王敗寇，其實佢只要贏到尋日一場，基本上就可以封晒所有人把口之餘仲可以封埋神。
8. 講新加坡既表現好咩？睇你點定義，其實佢哋有威脅既時間，都係50至70分鐘呢段時間咁上下，而呢段時間，正正就係港隊兩老冇晒體力中場單靠一個陳俊樂苦苦支撐既時候。其餘時間，我又唔覺得佢哋特別好，而我哋係應該可以贏到既。
9. 上半場球員失機，唔怪得教練，但係下半場既部署直接犧牲咗全隊波所有球員既努力。肥彭上半場咁既表現，半場可以收起喇？費蘭度好搏命，但佢真係冇氣，失波前幾分鐘佢走漏人喺後面眼神防守時Leon飛身救駕已經係一個警號，點解叫做顏卓彬熱足20分鐘身，到落後先出佢？余在言咁有活力、黃威上場入完波，完全冇諗過要一早換佢哋入黎取代一無事處既肥彭？仲有祖連奴，佢有啲腳軟，上半場都仲可以協到下防，下半場佢冇體力可以做到既嘢攻守都已經唔多，我明想要入波留多個前喺度，但佢咁既狀態，真係有用咩？
10. 友賽拎黎練兵，唔係拎黎比你出完啲人又唔用，黃威、勞烈斯、米高、余在言、杜度等等，好多球員可以用，點解要到91分鐘先換米高同杜度入黎？我係睇RTHK直播，好認同陳7、和叔、舜文佢哋三個既評論，係人都睇到啲人冇乜體力、係人都睇到新加坡高空波冇咁好，點解死都唔換人？91分鐘前我哋有幾多死球攻勢啊？
11. 西木選人就不嬲都有爭議，今次用人一樣，知你迷信入藉兵，佢哋技術係真係好啲，但佢哋好多都老喇，唔可以喺咁高強度既比賽踢足90分鐘架，點解唔早啲部署要換人？係咪真係想踢死佢哋？阿鵬方面，我係欣賞佢仲有承擔企出黎，唔似保羅、謝家榮咁，一個話老、一個話壓力大。但係家榮果part我有少少保留，就算西木講既係真（我係話如果），作為教練你都唔應該擺佢上枱周圍講，你咁樣係背叛球員信任。至於一仔、茹子位置爭議，係唔係自由人，有人話佢哋係中超最勁果兩隻閘收入中堅浪費晒，算數，我冇識波牌唔講戰術。
12. 講咗咁耐，係搵戰犯架喇，咪西木囉，反正佢都應該冇得撈，我都唔再consider自己係咪同你同一條船，唔再呼籲大家繼續支持佢，自由發揮喇，想撐就撐，想屌就屌，而我係屬於後者的。當一仔、茹子等等球員都有同球迷致歉既時候，你作為主帥憑乜嘢仲嘴硬企硬唔肯道歉？今次咁好簽，我哋人腳咁好都出唔到線，睇怕艾華頓、祖連奴、費蘭度，甚至乎隊長阿輝都未必再有機會可以再入亞洲盃決賽周架喇…
13. 最後喇，黎緊至少一年唔會有正賽，最快應該都要等世界盃完咗之後再黎世界盃外圍賽，希望各位球迷之後可以繼續支持球隊，呢次比賽吸引咗好多生客入場，希望你哋都會變成長期fans，友賽都支持。我明大約7500人睇friendly，同我細個讀書時世界盃外圍賽對中國喺小西灣得幾百人入場已經爭好遠，但都希望只要係港隊既賽事，無論係乜嘢性質，大家都會頂力支持。有人話驚未來幾年會退到去冰河時期，我覺得至少港隊賽事，應該都唔駛咁擔心住，我初中時就真係冰河時期，同個friend入場睇晨曦亞協四強都係得百幾人，仲要聽住陳豪文食完紅牌之後同職員發晦氣講︰「早啲收咧唔好咩？」而家球員、球迷心態都進步咗好多，佢哋職業態度好咗、球迷組織打氣團又pro咗，唔好擔心，諗下點樣將生客變成熟客喇。
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
個人網站︰ https://www.leafopenleafopen.com/
#不專業足球筆記 #專欄 #足球專欄 #足球 #香港足球
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 港隊出局之後沉澱咗一日，依然係好唔開心、好唔忿氣。
2. 雖然我尋日篇賽後篇係有批評過部份球員既心態或者係係提到佢啲既失誤，但事實上我依然係好感激佢哋，而我都相信只要係代表香港出到場，佢哋一定係會比盡120%既拼勁去踢呢場波。由我懂事以黎，我哋只係亞洲既一支弱隊，能力不足、狀態唔夠、球場上發生失誤時有發生，但我哋清楚知道，我哋睇緊香港隊，唔係英超西甲，我哋都唔係皇馬巴塞，有失誤、技術唔好係正常，我哋想睇既係球員比足120%拼勁去比賽，只要出盡全力，輸波都會欣賞。
3. 所以我尋日有鬧過巴西三寶有時太獨食令球隊錯失機會、阿鵬兩球都有失誤、第二球防線孫銘太易比人起腳、艾華頓射失比人打反擊、一仔第一球追唔切…係，我會指出呢啲嘢，但我睇到球員喺場上面既表現，我絕對唔會怪罪佢哋，反而我好感謝佢哋帶到呢場波比我哋，仲有機會爭出線，甚至乎雙鵬/彭喺網上比人鬧得最多，我都覺得佢哋真係出晒力，到最後永不言棄既精神值得欣賞。茹子同一仔都一樣踢得好好（係好好好好好！），但失第一球佢哋一樣可以做得更好，唔通我哋就要怪罪佢哋、瀨晒佢哋咩？唔係架嘛。
4. 坦白講，雖然今次抽到好簽，但我最初依然認為係出唔到線既機會多啲。多謝球員，戰鬥至尾二果輪。
5. 但我想屌下教練。
6. 如果一直有睇開我之前有關香港隊既文，有兩樣嘢我係強調過唔止一次既︰首先，我個人黎講唔鍾意西木，因為球圈朋友爆過料比我知，至少喺上任初期，西木既工作態度真係好唔專業同埋唔做足功課，後期我冇再問，我當係有改善，但西木留咗個好差既first impression比我都係事實；不過第二點，就係我冇westwood out，我反而係不斷提到既然西木係主教練，我哋同坐一條船，應該支持佢，希望佢帶隊入到亞洲盃決賽周。
7. 西木好搶口得罪球迷、西木成日亂開地圖炮得罪晒球圈所有人、西木選人偏愛年紀大老鬼、西木啲戰術唔適合港隊、西木淨係識搵弱隊刷數據…要屌西木可以有好多理由，而我其實都好認同部份既批評，但足球世界成王敗寇，其實佢只要贏到尋日一場，基本上就可以封晒所有人把口之餘仲可以封埋神。
8. 講新加坡既表現好咩？睇你點定義，其實佢哋有威脅既時間，都係50至70分鐘呢段時間咁上下，而呢段時間，正正就係港隊兩老冇晒體力中場單靠一個陳俊樂苦苦支撐既時候。其餘時間，我又唔覺得佢哋特別好，而我哋係應該可以贏到既。
9. 上半場球員失機，唔怪得教練，但係下半場既部署直接犧牲咗全隊波所有球員既努力。肥彭上半場咁既表現，半場可以收起喇？費蘭度好搏命，但佢真係冇氣，失波前幾分鐘佢走漏人喺後面眼神防守時Leon飛身救駕已經係一個警號，點解叫做顏卓彬熱足20分鐘身，到落後先出佢？余在言咁有活力、黃威上場入完波，完全冇諗過要一早換佢哋入黎取代一無事處既肥彭？仲有祖連奴，佢有啲腳軟，上半場都仲可以協到下防，下半場佢冇體力可以做到既嘢攻守都已經唔多，我明想要入波留多個前喺度，但佢咁既狀態，真係有用咩？
10. 友賽拎黎練兵，唔係拎黎比你出完啲人又唔用，黃威、勞烈斯、米高、余在言、杜度等等，好多球員可以用，點解要到91分鐘先換米高同杜度入黎？我係睇RTHK直播，好認同陳7、和叔、舜文佢哋三個既評論，係人都睇到啲人冇乜體力、係人都睇到新加坡高空波冇咁好，點解死都唔換人？91分鐘前我哋有幾多死球攻勢啊？
11. 西木選人就不嬲都有爭議，今次用人一樣，知你迷信入藉兵，佢哋技術係真係好啲，但佢哋好多都老喇，唔可以喺咁高強度既比賽踢足90分鐘架，點解唔早啲部署要換人？係咪真係想踢死佢哋？阿鵬方面，我係欣賞佢仲有承擔企出黎，唔似保羅、謝家榮咁，一個話老、一個話壓力大。但係家榮果part我有少少保留，就算西木講既係真（我係話如果），作為教練你都唔應該擺佢上枱周圍講，你咁樣係背叛球員信任。至於一仔、茹子位置爭議，係唔係自由人，有人話佢哋係中超最勁果兩隻閘收入中堅浪費晒，算數，我冇識波牌唔講戰術。
12. 講咗咁耐，係搵戰犯架喇，咪西木囉，反正佢都應該冇得撈，我都唔再consider自己係咪同你同一條船，唔再呼籲大家繼續支持佢，自由發揮喇，想撐就撐，想屌就屌，而我係屬於後者的。當一仔、茹子等等球員都有同球迷致歉既時候，你作為主帥憑乜嘢仲嘴硬企硬唔肯道歉？今次咁好簽，我哋人腳咁好都出唔到線，睇怕艾華頓、祖連奴、費蘭度，甚至乎隊長阿輝都未必再有機會可以再入亞洲盃決賽周架喇…
13. 最後喇，黎緊至少一年唔會有正賽，最快應該都要等世界盃完咗之後再黎世界盃外圍賽，希望各位球迷之後可以繼續支持球隊，呢次比賽吸引咗好多生客入場，希望你哋都會變成長期fans，友賽都支持。我明大約7500人睇friendly，同我細個讀書時世界盃外圍賽對中國喺小西灣得幾百人入場已經爭好遠，但都希望只要係港隊既賽事，無論係乜嘢性質，大家都會頂力支持。有人話驚未來幾年會退到去冰河時期，我覺得至少港隊賽事，應該都唔駛咁擔心住，我初中時就真係冰河時期，同個friend入場睇晨曦亞協四強都係得百幾人，仲要聽住陳豪文食完紅牌之後同職員發晦氣講︰「早啲收咧唔好咩？」而家球員、球迷心態都進步咗好多，佢哋職業態度好咗、球迷組織打氣團又pro咗，唔好擔心，諗下點樣將生客變成熟客喇。
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
個人網站︰ https://www.leafopenleafopen.com/
#不專業足球筆記 #專欄 #足球專欄 #足球 #香港足球
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊