最近睇到泰利個訪問，佢回憶返當年油王（Roman Abramovich）剛剛入主嗰陣，見到我哋舊訓練基地 Harlington 嘅第一反應，佢話油王一入嚟第一句就係：「No，我哋唔會再喺度練波。」，甚至泰利自己都形容最早嘅訓練場係「Shithole」。
聽完泰利咁講，我自己都「誒」咗一聲。作為車迷，我日日都講葛咸訓練營點點點，又成日都睇班U21嘅小朋友同一隊係果度訓練，但其實我又有幾了解呢個地方？究竟以前個場有幾「垃圾」？油王當年究竟做咗啲咩魔法，將一個爛地變成今日嘅兵工廠？
抱住呢份好奇心，我做咗少少資料搜集，同大家一齊穿越時空，睇下呢個當年油王用 £2,000 萬打造出嚟嘅基石，係點樣煉成嘅。
前世：大學生專用的「Shithole」
要理解泰利口中嘅 「Shithole」，我哋就要睇返轉頭。早在 70 年代之前，車路士其實係有自己嘅訓練場，位於南倫敦嘅 Mitcham。但因為 70 年代尾球會遇上財政危機，被迫將塊地賣咗俾水晶宮套現救命，車仔由果時開始淪為無殼蝸牛。所以由 1979 年開始，我哋就租用倫敦帝國學院 (Imperial College) 位於 Harlington 嘅運動場，足足做咗廿幾年租客。
(以前嘅相)
至於Harlington嘅環境有幾Shithole？首先係噪音。個場正正位於希斯路機場 (Heathrow) 嘅航道正下方，每幾分鐘就有飛機喺頭頂低飛過，十足當年嘅九龍城一樣，嘈到連教練講戰術都要停低等飛機過，根本專心唔到。
其次係寒酸。更衣室漏水、沖涼水忽冷忽熱、有老鼠呢啲基本嘢唔在講 (曼迷：嗯？)。最慘係作為租客嘅尊嚴問題。堂堂英超職業球員，間中就要同大學生爭場用，甚至要等學生踢完先有得練，差在無康民署幫手搞Book場架咋…當時嘅車路士，雖然係英超隊伍，但硬件配套上，完全仲係一支業餘球隊。
今生：油王的 £2,000 萬神級投資
所以油王入主後，第一件事就要搵新屋企。有個趣聞話，佢原本野心大到想買倫敦市中心嘅攝政公園 (Regent's Park) 做訓練場(如果對英國唔熟識嘅話，你想像為想買起香港成個維園就啱)，直到有人話佢知嗰度係屬於英女皇嘅，有錢都買唔到，佢先至作罷。
最後，球會揀咗薩里郡 (Surrey) 嘅葛咸 (Cobham)。嗰度原本係一塊 140 英畝嘅荒廢農地。油王大約用咗 £2,000萬去買地同起設施。以今時今日嘅眼光睇，£2,000萬連半個梅迪歷都買唔到，但呢筆錢，就起咗30個足球場（包括6個英超標準場、3個地暖場、1個室內場），仲有頂級嘅水療康復中心。
(下圖就係車路士嘅葛咸訓練場：)
但 葛咸 最值錢嘅除咗硬件，仲有佢嘅設計哲學。佢將所有梯隊（由U9到一隊）集中喺同一個園區，而青年軍大樓同一隊大樓，只係隔住一條馬路。
呢個設計創造咗著名嘅 "Crossing the Road" 文化。只要你表現好（好似曼治,占士,加拉加,細查咁），你就有機會被叫去「對面馬路」同一隊練波。呢種「看得見的目標」，成為咗激勵無數青訓嘅最大動力。而回報就大家都知啦，過去十年，車仔單靠賣青訓產品就賺咗超過 5億歐元。當年嗰 £2,000萬，變成咗一部真正嘅印銀紙機，甚至世界球壇唔同角落都有車仔青訓嘅足跡。
(圖中呢條就係傳說中嘅馬路：)
來世：BlueCo 的擴建與財技
嚟到 BlueCo 時代，雖然班主唔同咗，但佢哋似乎都好清楚 葛咸 嘅價值。據報導，BlueCo 已經買咗葛咸訓練場入口對面嘅一塊地皮準備擴建。計劃包括翻新健身房、康復中心，甚至起一個「豪華休息室」（luxury chillout room）。佢哋仲構思緊起一座新的中央樞紐大樓，將男足、女足、青訓更加緊密咁連繫埋一齊 (順便提供空間俾車仔老闆買果500個球員做Gym)。
當然，新班主亦都帶嚟咗新嘅玩法。上年 BlueCo 將訓練場賣返俾自己旗下嘅公司，用嚟應對英超嘅 PSR 財務規則。呢點亦都反映咗，喺新時代之下，葛咸 唔單止係訓練場，仲係一件重要嘅金融工具。
總結：最偉大的遺產
講到尾，葛咸 絕對係油王留俾我哋最重要嘅遺產。佢令車路士由一支租場練波嘅球隊，變成擁有全球最強青訓系統嘅豪門。
以前泰利喺Shithole練出嚟做鐵血隊長；而家嘅占士同高維爾，係喺五星級酒店練出嚟。環境變好咗係好事，但希望嗰種由逆境練出嚟嘅鬥心，唔會因為環境太舒服而消失。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
聽完泰利咁講，我自己都「誒」咗一聲。作為車迷，我日日都講葛咸訓練營點點點，又成日都睇班U21嘅小朋友同一隊係果度訓練，但其實我又有幾了解呢個地方？究竟以前個場有幾「垃圾」？油王當年究竟做咗啲咩魔法，將一個爛地變成今日嘅兵工廠？
抱住呢份好奇心，我做咗少少資料搜集，同大家一齊穿越時空，睇下呢個當年油王用 £2,000 萬打造出嚟嘅基石，係點樣煉成嘅。
前世：大學生專用的「Shithole」
要理解泰利口中嘅 「Shithole」，我哋就要睇返轉頭。早在 70 年代之前，車路士其實係有自己嘅訓練場，位於南倫敦嘅 Mitcham。但因為 70 年代尾球會遇上財政危機，被迫將塊地賣咗俾水晶宮套現救命，車仔由果時開始淪為無殼蝸牛。所以由 1979 年開始，我哋就租用倫敦帝國學院 (Imperial College) 位於 Harlington 嘅運動場，足足做咗廿幾年租客。
(以前嘅相)
至於Harlington嘅環境有幾Shithole？首先係噪音。個場正正位於希斯路機場 (Heathrow) 嘅航道正下方，每幾分鐘就有飛機喺頭頂低飛過，十足當年嘅九龍城一樣，嘈到連教練講戰術都要停低等飛機過，根本專心唔到。
其次係寒酸。更衣室漏水、沖涼水忽冷忽熱、有老鼠呢啲基本嘢唔在講 (曼迷：嗯？)。最慘係作為租客嘅尊嚴問題。堂堂英超職業球員，間中就要同大學生爭場用，甚至要等學生踢完先有得練，差在無康民署幫手搞Book場架咋…當時嘅車路士，雖然係英超隊伍，但硬件配套上，完全仲係一支業餘球隊。
今生：油王的 £2,000 萬神級投資
所以油王入主後，第一件事就要搵新屋企。有個趣聞話，佢原本野心大到想買倫敦市中心嘅攝政公園 (Regent's Park) 做訓練場(如果對英國唔熟識嘅話，你想像為想買起香港成個維園就啱)，直到有人話佢知嗰度係屬於英女皇嘅，有錢都買唔到，佢先至作罷。
最後，球會揀咗薩里郡 (Surrey) 嘅葛咸 (Cobham)。嗰度原本係一塊 140 英畝嘅荒廢農地。油王大約用咗 £2,000萬去買地同起設施。以今時今日嘅眼光睇，£2,000萬連半個梅迪歷都買唔到，但呢筆錢，就起咗30個足球場（包括6個英超標準場、3個地暖場、1個室內場），仲有頂級嘅水療康復中心。
(下圖就係車路士嘅葛咸訓練場：)
但 葛咸 最值錢嘅除咗硬件，仲有佢嘅設計哲學。佢將所有梯隊（由U9到一隊）集中喺同一個園區，而青年軍大樓同一隊大樓，只係隔住一條馬路。
呢個設計創造咗著名嘅 "Crossing the Road" 文化。只要你表現好（好似曼治,占士,加拉加,細查咁），你就有機會被叫去「對面馬路」同一隊練波。呢種「看得見的目標」，成為咗激勵無數青訓嘅最大動力。而回報就大家都知啦，過去十年，車仔單靠賣青訓產品就賺咗超過 5億歐元。當年嗰 £2,000萬，變成咗一部真正嘅印銀紙機，甚至世界球壇唔同角落都有車仔青訓嘅足跡。
(圖中呢條就係傳說中嘅馬路：)
來世：BlueCo 的擴建與財技
嚟到 BlueCo 時代，雖然班主唔同咗，但佢哋似乎都好清楚 葛咸 嘅價值。據報導，BlueCo 已經買咗葛咸訓練場入口對面嘅一塊地皮準備擴建。計劃包括翻新健身房、康復中心，甚至起一個「豪華休息室」（luxury chillout room）。佢哋仲構思緊起一座新的中央樞紐大樓，將男足、女足、青訓更加緊密咁連繫埋一齊 (順便提供空間俾車仔老闆買果500個球員做Gym)。
當然，新班主亦都帶嚟咗新嘅玩法。上年 BlueCo 將訓練場賣返俾自己旗下嘅公司，用嚟應對英超嘅 PSR 財務規則。呢點亦都反映咗，喺新時代之下，葛咸 唔單止係訓練場，仲係一件重要嘅金融工具。
總結：最偉大的遺產
講到尾，葛咸 絕對係油王留俾我哋最重要嘅遺產。佢令車路士由一支租場練波嘅球隊，變成擁有全球最強青訓系統嘅豪門。
以前泰利喺Shithole練出嚟做鐵血隊長；而家嘅占士同高維爾，係喺五星級酒店練出嚟。環境變好咗係好事，但希望嗰種由逆境練出嚟嘅鬥心，唔會因為環境太舒服而消失。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊