明日對賓福特賽前檢閱 ︰馬沙拉維肯定休息 有機會大量青訓上陣 (紅魔日報 3-5-2025)
1. 歐霸盃四強首回合已經踢咗第一回合，曼聯作客以3比0擊敗畢爾包，帶住三球既優勢返回奧脫福。
2. 我其實好早之前已經講過，英超喺好早既時候已經唔會追得到，應該一早將個重心移去歐霸，而阿摩連對聽日作客賓福特既取態亦都一樣。以今季既曼聯黎計，領先三球真係一啲都唔穩陣，所以點樣去用聽日對賓福特既賽事去寓賽於操同時避免傷兵就好關鍵。
3. 根據阿摩連所講，由於今季接近全勤既馬沙拉維已經接近處於受傷邊緣，所以黎緊呢場英超，佢係一定唔會出場架喇。如果真係咁唔好彩佢受咗傷，而家曼聯陣中可用既右翼衛，真係得返啱啱傷愈既Amad，而且Amad係攻優於守，佢踢右翼衛時，係冇馬沙拉維同Dalot咁全面。多古都係另一個可以踢到下右翼衛既球員，但佢最近左閘既表現都有啲回落，都唔好太期待佢右閘可以有乜嘢好表現。
4. 曼聯喺作客西班牙既時候，帶咗好多青年軍去練波，已經擺明車馬聽日場波會用上唔少青年軍同副選（當然有啲戇鳩連check都唔check就話曼聯擺烏龍），而其中今季已經多次隨一隊訓練既卡馬臣就好有機會取代馬沙拉維踢右翼衛，取得佢喺曼聯一隊既地標戰。
5. 不過除咗馬沙拉維因為處於受傷邊緣而掛咗免戰金牌之外，其實阿摩連並冇講到明邊啲球員會踢，邊啲球員會抖。個人鳩估，冇歐戰資格都去埋西班牙操練既奧比同埋干尼就算唔係正選都應該好大機會出場，而左翼衛我就大膽估計會係用新仔阿瑪斯，梳爾就可能會正選中堅出場。另外，迪列治同埋Amad應該都會正選上陣，等佢哋pick up返個比賽狀態。仲有曼治、文奴、艾歷臣、伊雲斯呢啲，都有機會出場甚至係正選，原因係因為佢哋因為種種原因，一路以黎都唔太多落場機會，係要比多少少時間佢哋踢去攞返個狀態。而之前對狼隊表現好評既費特歷臣都好大機會正選。
6. 反正都係鳩估，不如估埋邊啲球員會抖。約羅、卡斯米路、麥佳亞呢三個我覺得九成會抖，前者今季初經大傷過，季中都有試過小傷，無謂再搏；後兩者年紀大，卡斯米路上季試過大傷，麥佳亞就係今季傷，所以一樣唔應該搏。至於50/50會抖既，就係般奴、烏加迪、賀龍。般奴佢自己一定唔想抖，佢自己話除非死咗，如果唔係佢係唔會休息，但問題就係佢而家係曼聯陣中既核心，會唔會喺呢啲無關痛癢既比賽入面繼續用佢呢？定還是比佢抖，最多後備落場呢？至於烏加迪，今季表現算唔錯，但中場始終要個正宗防中壓陣，咁卡斯抖就唯有佢出架喇；至於賀龍，作為陣中唯一一名健康既正中鋒（喺歐霸），係應該保護下佢，但同時佢都需要更加多既比賽信心，尤其是入波，咁可能佢都會有得出場比賽當操下。而一定會出場既我覺得係Onana，龍門唔太需要抖之餘，巴恩迪亞既表現暫時都未比到人信心。
7. 阿摩連話︰雖然知道曼聯有責任喺英超同歐霸都交出好表現，但呢個時刻，佢哋需要取捨。佢又比高帽賓福特帶，話對手係一支希望取得好成績嘅球隊，但此時此刻佢哋目標好明確，係比主力保持體能，保證競爭力，係冇計，但如果了解球隊背景，就知呢樣佢哋必須要做。佢亦都講到明英超已經冇嘢好爭，但歐霸盃4強仲有第二回合，呢樣先係最重要既。
8. 所以各位曼迷，對聽日場波千其唔好有乜嘢期望，如果真係要有期望既，就不如期望下可以見到啲乜嘢新仔喇。我記得我身邊有啲所謂「曼迷」喺對狼隊之後出晒黎呱呱叫，但對里昂贏果陣就潛晒水，如果唔係識咗佢差唔多廿年，有時真係以為佢係反曼。放鬆啲，等球隊好好預備星期四場歐霸，今季既曼聯，真係乜嘢都有可能發生，倒輸四球唔係冇可能…
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 歐霸盃四強首回合已經踢咗第一回合，曼聯作客以3比0擊敗畢爾包，帶住三球既優勢返回奧脫福。
2. 我其實好早之前已經講過，英超喺好早既時候已經唔會追得到，應該一早將個重心移去歐霸，而阿摩連對聽日作客賓福特既取態亦都一樣。以今季既曼聯黎計，領先三球真係一啲都唔穩陣，所以點樣去用聽日對賓福特既賽事去寓賽於操同時避免傷兵就好關鍵。
3. 根據阿摩連所講，由於今季接近全勤既馬沙拉維已經接近處於受傷邊緣，所以黎緊呢場英超，佢係一定唔會出場架喇。如果真係咁唔好彩佢受咗傷，而家曼聯陣中可用既右翼衛，真係得返啱啱傷愈既Amad，而且Amad係攻優於守，佢踢右翼衛時，係冇馬沙拉維同Dalot咁全面。多古都係另一個可以踢到下右翼衛既球員，但佢最近左閘既表現都有啲回落，都唔好太期待佢右閘可以有乜嘢好表現。
4. 曼聯喺作客西班牙既時候，帶咗好多青年軍去練波，已經擺明車馬聽日場波會用上唔少青年軍同副選（當然有啲戇鳩連check都唔check就話曼聯擺烏龍），而其中今季已經多次隨一隊訓練既卡馬臣就好有機會取代馬沙拉維踢右翼衛，取得佢喺曼聯一隊既地標戰。
5. 不過除咗馬沙拉維因為處於受傷邊緣而掛咗免戰金牌之外，其實阿摩連並冇講到明邊啲球員會踢，邊啲球員會抖。個人鳩估，冇歐戰資格都去埋西班牙操練既奧比同埋干尼就算唔係正選都應該好大機會出場，而左翼衛我就大膽估計會係用新仔阿瑪斯，梳爾就可能會正選中堅出場。另外，迪列治同埋Amad應該都會正選上陣，等佢哋pick up返個比賽狀態。仲有曼治、文奴、艾歷臣、伊雲斯呢啲，都有機會出場甚至係正選，原因係因為佢哋因為種種原因，一路以黎都唔太多落場機會，係要比多少少時間佢哋踢去攞返個狀態。而之前對狼隊表現好評既費特歷臣都好大機會正選。
6. 反正都係鳩估，不如估埋邊啲球員會抖。約羅、卡斯米路、麥佳亞呢三個我覺得九成會抖，前者今季初經大傷過，季中都有試過小傷，無謂再搏；後兩者年紀大，卡斯米路上季試過大傷，麥佳亞就係今季傷，所以一樣唔應該搏。至於50/50會抖既，就係般奴、烏加迪、賀龍。般奴佢自己一定唔想抖，佢自己話除非死咗，如果唔係佢係唔會休息，但問題就係佢而家係曼聯陣中既核心，會唔會喺呢啲無關痛癢既比賽入面繼續用佢呢？定還是比佢抖，最多後備落場呢？至於烏加迪，今季表現算唔錯，但中場始終要個正宗防中壓陣，咁卡斯抖就唯有佢出架喇；至於賀龍，作為陣中唯一一名健康既正中鋒（喺歐霸），係應該保護下佢，但同時佢都需要更加多既比賽信心，尤其是入波，咁可能佢都會有得出場比賽當操下。而一定會出場既我覺得係Onana，龍門唔太需要抖之餘，巴恩迪亞既表現暫時都未比到人信心。
7. 阿摩連話︰雖然知道曼聯有責任喺英超同歐霸都交出好表現，但呢個時刻，佢哋需要取捨。佢又比高帽賓福特帶，話對手係一支希望取得好成績嘅球隊，但此時此刻佢哋目標好明確，係比主力保持體能，保證競爭力，係冇計，但如果了解球隊背景，就知呢樣佢哋必須要做。佢亦都講到明英超已經冇嘢好爭，但歐霸盃4強仲有第二回合，呢樣先係最重要既。
8. 所以各位曼迷，對聽日場波千其唔好有乜嘢期望，如果真係要有期望既，就不如期望下可以見到啲乜嘢新仔喇。我記得我身邊有啲所謂「曼迷」喺對狼隊之後出晒黎呱呱叫，但對里昂贏果陣就潛晒水，如果唔係識咗佢差唔多廿年，有時真係以為佢係反曼。放鬆啲，等球隊好好預備星期四場歐霸，今季既曼聯，真係乜嘢都有可能發生，倒輸四球唔係冇可能…
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊