OKOK，我知道你一定會想講：「挑，車路士贏梗架？」呢樣我明，只係因為隨著車路士喺歐協聯四強首回合客場大勝佐加頓斯，我哋距離進入決賽又近咗一步，贏唔贏到係一回事…仲分分鐘要對住狀態大勇的360 (安東尼)。
坦白講，要我揞住良心講：「我最期待嘅就係歐協聯啦！」就好難架啦。但如果我哋放低少少期望，純粹從實際利益去拆解，呢個盃又係咪真係一無是處呢？呢個俾人感覺好似係「歐洲三線賽事」嘅歐協聯 (UEFA Conference League)，就算贏咗冠軍，除咗個名好聽啲、獎盃櫃多樣嘢之外，究竟有啲咩實際著數？係咪真係一塊冇乜肉食嘅「雞肋」？
獎金有幾多？袋住先都好
首先講下最實際嘅嘢，錢。
無可否認，相比起會令球會財源滾滾嘅歐聯 (UCL)，甚至係歐霸盃 (UEL)，歐協聯嘅總獎金池確實係細好多。根據 UEFA 公佈嘅 2024/25 球季總獎金分配，歐協聯 大約只佔咗全部嘅 8.6% (約 2.85 億歐元)。
分到冠軍手上大約係 1200 至 1300 萬英鎊左右（計埋晉級獎金同冠軍獎金，未計轉播分紅）。呢筆錢，對於豪門嚟講可能濕濕碎，但對於近年都要睇住盤數、考慮 PSR 嘅車路士嚟講，有額外過千萬鎊收入點都好過冇，「蚊髀都係肉」，袋住先都好。
最大著數：下季唔使再踢歐協？定係雞肋換雞肋？
好喇，講到戲肉——贏咗 歐協聯 冠軍，首先係可以自動獲得下個球季 (2025/26) 歐霸盃 正賽資格。表面上，呢個係由「三線」升上「二線」嘅機會，叫做有個保障，唔使驚聯賽臨尾失足連歐霸都冇得踢。叫做有個「歐洲賽資格」喺手，好似係最大嘅獎勵。
不過，老實講句，對好多車迷嚟講，歐霸其實同樣雞肋。球會嘅目標不嬲都係歐聯，踢歐霸就好似降咗格咁。所以，呢個所謂嘅「大獎」，吸引力其實相當有限。只可以話，踢歐霸點都好過踢歐協，更加好過冇歐洲賽踢。算係一個「冇咁衰」嘅選擇，但絕對唔係球會、球員甚至球迷心目中嗰個舞台。佢嘅最大價值，可能只係俾咗個「保底」方案，確保下季唔會跌返落去歐協聯，甚至乜都冇。
其他「福利」：系數分、士氣，同埋練兵價值？
除咗升 Lv 踢歐霸，贏 歐協聯 仲有啲濕碎福利：
歐戰系數分： 贏波儲分對未來抽籤係有啲幫助，但除非你連續幾年都踢得好，否則效果唔會太明顯。
練兵價值： 講到尾，或者有球迷會好似網上見到嘅意見咁講："The one thing I'll miss about the Conference League, can't really ask for a better competition for giving youth players a chance." （「如果講歐協聯有咩值得懷念，可能就係佢提供咗一個無與倫比嘅機會俾年輕球員上陣。」）
呢點反而有啲道理。正正因為 歐協聯 對手普遍較弱、壓力較細，先至成為咗馬蛇俾佐治、艾殊邦、禾殊呢班小將喺歐洲賽吸收經驗嘅絕佳平台。如果下季真係踢返歐霸，對手實力強咗，仲有冇咁多空間俾新人試腳？呢個可能先係 歐協聯 今季帶嚟嘅一個獨特而實際嘅好處——一個相對安全嘅練兵場。
總結：歐協聯，食之無味，棄之... 又好似有啲用？
平心而論，以車路士嘅往績同雄心壯志，踢歐協聯贏冠軍一早俾人當係理所當然，如果爆冷出局的話大概會俾人笑足7年到彭馬完約為止。而冠軍果個歐霸資格，喺好多球迷眼中可能都只係「聊勝於無」。歐協聯個獎金又唔係話好多，唯一可以叫做「保證」嘅，就係下季唔使再踢歐協（希望唔會再跌返落去啦...）。
但換個角度諗，呢個盃賽今季確確實實提供咗一個俾我哋輪換、俾年輕球員累積經驗嘅舞台。或者，呢個先係佢對現階段車路士最實際嘅價值所在。佢就好似一塊痴住少少肉嘅雞肋，雖然唔係咩山珍海味，但又未至於完全冇益處。食咗佢，起碼叫做有啲嘢落肚，仲有個（唔係太吸引嘅）歐霸資格做甜品。當然，我哋真正想食嘅，始終都係歐聯嗰圍「鮑參翅肚」啦！
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
坦白講，要我揞住良心講：「我最期待嘅就係歐協聯啦！」就好難架啦。但如果我哋放低少少期望，純粹從實際利益去拆解，呢個盃又係咪真係一無是處呢？呢個俾人感覺好似係「歐洲三線賽事」嘅歐協聯 (UEFA Conference League)，就算贏咗冠軍，除咗個名好聽啲、獎盃櫃多樣嘢之外，究竟有啲咩實際著數？係咪真係一塊冇乜肉食嘅「雞肋」？
獎金有幾多？袋住先都好
首先講下最實際嘅嘢，錢。
無可否認，相比起會令球會財源滾滾嘅歐聯 (UCL)，甚至係歐霸盃 (UEL)，歐協聯嘅總獎金池確實係細好多。根據 UEFA 公佈嘅 2024/25 球季總獎金分配，歐協聯 大約只佔咗全部嘅 8.6% (約 2.85 億歐元)。
分到冠軍手上大約係 1200 至 1300 萬英鎊左右（計埋晉級獎金同冠軍獎金，未計轉播分紅）。呢筆錢，對於豪門嚟講可能濕濕碎，但對於近年都要睇住盤數、考慮 PSR 嘅車路士嚟講，有額外過千萬鎊收入點都好過冇，「蚊髀都係肉」，袋住先都好。
最大著數：下季唔使再踢歐協？定係雞肋換雞肋？
好喇，講到戲肉——贏咗 歐協聯 冠軍，首先係可以自動獲得下個球季 (2025/26) 歐霸盃 正賽資格。表面上，呢個係由「三線」升上「二線」嘅機會，叫做有個保障，唔使驚聯賽臨尾失足連歐霸都冇得踢。叫做有個「歐洲賽資格」喺手，好似係最大嘅獎勵。
不過，老實講句，對好多車迷嚟講，歐霸其實同樣雞肋。球會嘅目標不嬲都係歐聯，踢歐霸就好似降咗格咁。所以，呢個所謂嘅「大獎」，吸引力其實相當有限。只可以話，踢歐霸點都好過踢歐協，更加好過冇歐洲賽踢。算係一個「冇咁衰」嘅選擇，但絕對唔係球會、球員甚至球迷心目中嗰個舞台。佢嘅最大價值，可能只係俾咗個「保底」方案，確保下季唔會跌返落去歐協聯，甚至乜都冇。
其他「福利」：系數分、士氣，同埋練兵價值？
除咗升 Lv 踢歐霸，贏 歐協聯 仲有啲濕碎福利：
歐戰系數分： 贏波儲分對未來抽籤係有啲幫助，但除非你連續幾年都踢得好，否則效果唔會太明顯。
練兵價值： 講到尾，或者有球迷會好似網上見到嘅意見咁講："The one thing I'll miss about the Conference League, can't really ask for a better competition for giving youth players a chance." （「如果講歐協聯有咩值得懷念，可能就係佢提供咗一個無與倫比嘅機會俾年輕球員上陣。」）
呢點反而有啲道理。正正因為 歐協聯 對手普遍較弱、壓力較細，先至成為咗馬蛇俾佐治、艾殊邦、禾殊呢班小將喺歐洲賽吸收經驗嘅絕佳平台。如果下季真係踢返歐霸，對手實力強咗，仲有冇咁多空間俾新人試腳？呢個可能先係 歐協聯 今季帶嚟嘅一個獨特而實際嘅好處——一個相對安全嘅練兵場。
總結：歐協聯，食之無味，棄之... 又好似有啲用？
平心而論，以車路士嘅往績同雄心壯志，踢歐協聯贏冠軍一早俾人當係理所當然，如果爆冷出局的話大概會俾人笑足7年到彭馬完約為止。而冠軍果個歐霸資格，喺好多球迷眼中可能都只係「聊勝於無」。歐協聯個獎金又唔係話好多，唯一可以叫做「保證」嘅，就係下季唔使再踢歐協（希望唔會再跌返落去啦...）。
但換個角度諗，呢個盃賽今季確確實實提供咗一個俾我哋輪換、俾年輕球員累積經驗嘅舞台。或者，呢個先係佢對現階段車路士最實際嘅價值所在。佢就好似一塊痴住少少肉嘅雞肋，雖然唔係咩山珍海味，但又未至於完全冇益處。食咗佢，起碼叫做有啲嘢落肚，仲有個（唔係太吸引嘅）歐霸資格做甜品。當然，我哋真正想食嘅，始終都係歐聯嗰圍「鮑參翅肚」啦！
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
請按此登錄後留言。未成為會員? 立即註冊