趁住國際賽期閒聊 今季曼聯離隊球員近況 (紅魔日報 27-3-2025)
1. 之前一連幾集講過坦克既收購評價，我哋繼續趁國際賽期講下啲特別少少既主題。
2. 講完收購就講下賣出喇，今次就同大家講下今季夏天時離開曼聯既球員們既近況喇。同之前評坦克第三季一樣，縱合返可信既媒體報道，我相信賣走既呢啲球員既決定，係由高層發板多過教練，同時係兼顧佢哋實力同時都有英超同歐洲足協公平財政規則既考量。
3. 好，事不宜遲，開始喇。
3.1 麥湯文尼 — 拿玻里
老實講，我果陣真係唔想佢走既，而坦克都講過佢想留住麥湯。其實由摩佬開始，經歷咗咁多個教練，我覺得反而係坦克第二季用得佢最好，唔再擺佢喺純防中，而係後上前插中場，麥湯入攝、頭鎚、後上入球能力，只係可惜佢既定位始終都係後備奇兵，有啲似當年費蘭尼咁，唔到落後都唔到佢出場，正選機會就少，佢想去一隊佢踢到正選既球隊都唔奇。今季麥湯文尼喺拿玻里發揮出色，喺干地麾下大放異彩，仲有啲拿玻里fans癲到叫佢新馬勒當拿，佢今季已經交出7球4助攻。拿玻里而家落後緊國際米蘭只係3分，仲有希望喺最後階段爭奪聯賽冠軍。
3.2 格連活特 — 馬賽
今季正式轉會，其實作為青訓上黎咁有潛質既球員，佢因為場外紀律家暴事件走真係可惜。佢去到法甲初期表現唔錯，喺聯賽已經攻入15球，但近期就傳出佢同教練迪沙比不和，甚至被棄用兩場，比迪沙比屌佢唔肯防守。另外仲有消息指，迪沙比對佢訓練態度不滿，又有啲小報傳話馬賽可能會放走佢。原本佢喺曼聯同英格蘭國家隊既時候紀律就已經麻麻，仲以為佢經歷咗咁多事之後仲有波踢個人會成熟少少，如果佢唔改善既話，難得比佢再次發光發熱既機會都可能會再次溜走。
3.3 雲比沙卡 — 韋斯咸
防守悍將，如果唔係錢既問題，其實留佢喺曼聯打後備或者戰術用既右閘都好好。新加盟既馬沙拉維係全面過佢，但如果單講防守力雲比絕對唔輸蝕，當然而家曼聯踢翼衛，佢守弱攻強呢個特性未必啱阿莫林，走咗對佢自己個人黎講都唔係壞事。雲比沙卡喺韋斯咸簽咗8年長約，並且成為球隊防線主力，今季已經喺英超正選27場，表現仲要唔錯，可以話係三贏既轉會。
3.4 華拉尼 — 科木
整體而言喺曼聯有得出場既比賽表現都唔太差，只係太易受傷，一傷就大大鑊，就好似佢今季加盟意甲科木，但只係喺意大利盃踢咗23分鐘就受重傷，最後仲決定喺31歲時退役，並加入球會管理層，認真可惜。
3.5 A.費蘭迪斯 — 賓菲加
有幸喺現場睇佢同加拿祖喺曼聯青年軍既比賽，果陣好sharp醒，不過可惜都係喺一隊企唔住陣腳，甚至乎冬天轉會時高層寧願買個貴一倍既多古都唔觸發回購條款買佢，可想而知其實佢應該從來冇喺曼聯既計劃之中。當然曼聯仲可以喺2026年之前回購費蘭迪斯，但佢已經喺賓菲加一隊企穩陣腳，今季喺葡超表現穩定，亦踢晒所有歐聯分組賽，就算最後曼聯肯觸發回購條款A費都未必想返黎。
3.6 甘比華拉 — 維拉利爾
上季因為後防太多傷兵而升上一隊做雷霆救兵，點知踢咗幾場自己都加入埋傷兵行列。表現唔差、有潛質，但佢由喺曼聯青訓時已經受傷患困擾，似係玻璃腳屬性，今季以550萬歐元轉投維拉利爾。不過，佢喺西甲再次受傷，發展受阻。
3.7 佩利斯治 — 彭拿典奈高斯
佩利斯治係個勤力、有鬥心既球員，雖然未達曼聯正選水平，但佢喺彭拿典奈高斯已經坐穩主力，仲參與咗歐協聯賽事。最近因傷缺陣，不過整體嚟講，佢喺希臘適應得唔錯。
3.8 雲迪碧克 — 基羅納
雪得太硬，連恩師坦克都救唔到雲迪碧克喺曼聯既生涯，都唔知買佢返黎做乜，真係陪坐專員咩？不過今季佢終於搵返比賽樂趣，喺基羅納已經上陣31次，並且曾經喺歐聯入波。
3.9 馬斯亞 — AEK雅典
又係一個好可惜既球員。成長過程中有人帶住佢，加上玻璃屬性，冇辦法喺曼聯大放異彩，不過佢喺離開曼聯之後，以自由身加盟咗希臘嘅AEK雅典，今季表現唔錯，擺脫咗以往嘅傷患困擾（始終英超係全世界最激烈既聯賽），喺各項賽事中已經累積攻入9個入球。
3.10 科臣 — 蒙沙
坦克話佢好有潛質，亦因為傷兵問題上季唔少出場機會，但好抱歉佢出親場都係隱形，我真係睇唔出潛質喺邊，坦克果陣開到聲話想同佢續約，但科臣都堅持要離隊，不過佢轉投意甲蒙沙之後，發展並唔順利。佢至今只係為球隊正選出場過一次，而蒙沙依家排喺榜尾，極有可能降班。
3.11 漢尼拔 — 般尼漢尼拔既火爆風格係曼聯陣中少見既，鬥志好強，都曾經成功打入曼聯一隊，但未能站穩正選，最後選擇轉投般尼。佢今季已經上陣31次，送出3個助攻，不過同時累積咗6張黃牌，足見佢依然係球場上愛搏殺嘅風格。
4. 其實仲有好多青年軍走咗既球員，好似Will Fish、McNeill、Oyedele、Shoretire呢啲，有機會再同大家講講。
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 之前一連幾集講過坦克既收購評價，我哋繼續趁國際賽期講下啲特別少少既主題。
2. 講完收購就講下賣出喇，今次就同大家講下今季夏天時離開曼聯既球員們既近況喇。同之前評坦克第三季一樣，縱合返可信既媒體報道，我相信賣走既呢啲球員既決定，係由高層發板多過教練，同時係兼顧佢哋實力同時都有英超同歐洲足協公平財政規則既考量。
3. 好，事不宜遲，開始喇。
3.1 麥湯文尼 — 拿玻里
老實講，我果陣真係唔想佢走既，而坦克都講過佢想留住麥湯。其實由摩佬開始，經歷咗咁多個教練，我覺得反而係坦克第二季用得佢最好，唔再擺佢喺純防中，而係後上前插中場，麥湯入攝、頭鎚、後上入球能力，只係可惜佢既定位始終都係後備奇兵，有啲似當年費蘭尼咁，唔到落後都唔到佢出場，正選機會就少，佢想去一隊佢踢到正選既球隊都唔奇。今季麥湯文尼喺拿玻里發揮出色，喺干地麾下大放異彩，仲有啲拿玻里fans癲到叫佢新馬勒當拿，佢今季已經交出7球4助攻。拿玻里而家落後緊國際米蘭只係3分，仲有希望喺最後階段爭奪聯賽冠軍。
3.2 格連活特 — 馬賽
今季正式轉會，其實作為青訓上黎咁有潛質既球員，佢因為場外紀律家暴事件走真係可惜。佢去到法甲初期表現唔錯，喺聯賽已經攻入15球，但近期就傳出佢同教練迪沙比不和，甚至被棄用兩場，比迪沙比屌佢唔肯防守。另外仲有消息指，迪沙比對佢訓練態度不滿，又有啲小報傳話馬賽可能會放走佢。原本佢喺曼聯同英格蘭國家隊既時候紀律就已經麻麻，仲以為佢經歷咗咁多事之後仲有波踢個人會成熟少少，如果佢唔改善既話，難得比佢再次發光發熱既機會都可能會再次溜走。
3.3 雲比沙卡 — 韋斯咸
防守悍將，如果唔係錢既問題，其實留佢喺曼聯打後備或者戰術用既右閘都好好。新加盟既馬沙拉維係全面過佢，但如果單講防守力雲比絕對唔輸蝕，當然而家曼聯踢翼衛，佢守弱攻強呢個特性未必啱阿莫林，走咗對佢自己個人黎講都唔係壞事。雲比沙卡喺韋斯咸簽咗8年長約，並且成為球隊防線主力，今季已經喺英超正選27場，表現仲要唔錯，可以話係三贏既轉會。
3.4 華拉尼 — 科木
整體而言喺曼聯有得出場既比賽表現都唔太差，只係太易受傷，一傷就大大鑊，就好似佢今季加盟意甲科木，但只係喺意大利盃踢咗23分鐘就受重傷，最後仲決定喺31歲時退役，並加入球會管理層，認真可惜。
3.5 A.費蘭迪斯 — 賓菲加
有幸喺現場睇佢同加拿祖喺曼聯青年軍既比賽，果陣好sharp醒，不過可惜都係喺一隊企唔住陣腳，甚至乎冬天轉會時高層寧願買個貴一倍既多古都唔觸發回購條款買佢，可想而知其實佢應該從來冇喺曼聯既計劃之中。當然曼聯仲可以喺2026年之前回購費蘭迪斯，但佢已經喺賓菲加一隊企穩陣腳，今季喺葡超表現穩定，亦踢晒所有歐聯分組賽，就算最後曼聯肯觸發回購條款A費都未必想返黎。
3.6 甘比華拉 — 維拉利爾
上季因為後防太多傷兵而升上一隊做雷霆救兵，點知踢咗幾場自己都加入埋傷兵行列。表現唔差、有潛質，但佢由喺曼聯青訓時已經受傷患困擾，似係玻璃腳屬性，今季以550萬歐元轉投維拉利爾。不過，佢喺西甲再次受傷，發展受阻。
3.7 佩利斯治 — 彭拿典奈高斯
佩利斯治係個勤力、有鬥心既球員，雖然未達曼聯正選水平，但佢喺彭拿典奈高斯已經坐穩主力，仲參與咗歐協聯賽事。最近因傷缺陣，不過整體嚟講，佢喺希臘適應得唔錯。
3.8 雲迪碧克 — 基羅納
雪得太硬，連恩師坦克都救唔到雲迪碧克喺曼聯既生涯，都唔知買佢返黎做乜，真係陪坐專員咩？不過今季佢終於搵返比賽樂趣，喺基羅納已經上陣31次，並且曾經喺歐聯入波。
3.9 馬斯亞 — AEK雅典
又係一個好可惜既球員。成長過程中有人帶住佢，加上玻璃屬性，冇辦法喺曼聯大放異彩，不過佢喺離開曼聯之後，以自由身加盟咗希臘嘅AEK雅典，今季表現唔錯，擺脫咗以往嘅傷患困擾（始終英超係全世界最激烈既聯賽），喺各項賽事中已經累積攻入9個入球。
3.10 科臣 — 蒙沙
坦克話佢好有潛質，亦因為傷兵問題上季唔少出場機會，但好抱歉佢出親場都係隱形，我真係睇唔出潛質喺邊，坦克果陣開到聲話想同佢續約，但科臣都堅持要離隊，不過佢轉投意甲蒙沙之後，發展並唔順利。佢至今只係為球隊正選出場過一次，而蒙沙依家排喺榜尾，極有可能降班。
3.11 漢尼拔 — 般尼漢尼拔既火爆風格係曼聯陣中少見既，鬥志好強，都曾經成功打入曼聯一隊，但未能站穩正選，最後選擇轉投般尼。佢今季已經上陣31次，送出3個助攻，不過同時累積咗6張黃牌，足見佢依然係球場上愛搏殺嘅風格。
4. 其實仲有好多青年軍走咗既球員，好似Will Fish、McNeill、Oyedele、Shoretire呢啲，有機會再同大家講講。
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊