知唔知有咩易寫得過車仔的外借報告？ 無錯，就係國際戰報。因為車仔去踢國家隊的人咁少，睇幾條友就搞掂。今輪比賽入面，車仔的參戰球員包括左：維加 (葡萄牙)、尼圖 (葡萄牙)、安素 (阿根廷)、卡些度 (厄瓜多爾)、列斯占士 (英格蘭)、古古尼亞 (西班牙)。
1) 維加 (葡萄牙)
位置：左中堅
對手：丹麥 (歐國聯)
出場：正選上陣76分鐘
評分： 7.4 / 10
今場比賽葡萄牙的對手係丹麥，但意外地丹麥踢得好進取。係4-2-3-1體系之中，維加擔任左中堅的位置，同佢係祖記的位置一樣。今場的維加可以話天使同魔鬼的化身，係防守數據上靚到不行，多次化解丹麥的進攻，6次清波、2次射門阻擋、6次地面對抗贏足左5次。但係偏偏就係禁區內被波打手，令球隊輸左一個十二碼，如果唔係門將哥斯達神勇將艾歷臣的射門擋出，葡萄牙早就係上半場落後。
但扣除十二碼的一幕，整體的演出尚算穩定，7次長傳亦有5次成功傳到俾隊友，係76分鐘被換走，最終呢場比賽葡萄牙以一球之差落敗。
2) 柏度尼圖 (葡萄牙)
位置：右翼鋒
對手：丹麥 (歐國聯)
出場：正選上陣90分鐘
評分： 7.2 / 10
延續左尼圖係車路士的表現，我唔敢話尼圖今場踢得好出色，只係做左佢應該要做的野。擔任右翼鋒的尼圖，今場的工作係右路的連接同攻擊。全場比賽 2 次射門都命中目標無問題，但其他部份就麻麻地。
包括左 3 次嘗試過人但只有 1 次成功、4 次地面對抗亦只贏到 1 次、5 次係邊路的傳中只有 1 球送到俾隊友、0 次關鍵傳送。尼圖係右路的不濟同時影響到中央的C朗同般奴。
只係因為尼圖整體無乜犯錯，同左邊的Leão相比亦唔係真係咁差，加上葡萄牙今場比賽多少有被丹麥壓制的關係，最終令尼圖的評分維持係7.2。
3) 安素 費南迪斯 (阿根廷)
位置：攻中
對手：烏拉圭 (世盃外圍賽)、巴西 (世盃外圍賽)
出場：兩場比賽均正選上陣踢足全場
評分： 6.4 / 10、9.0 / 10
我估好多人只會記得巴西被炒 4 球果場的安素有幾神勇，而大家都會無視安素係對烏拉圭有幾咁掙扎。
頭場對烏拉圭的時候，安素以正攻中的身份上陣，實際踢落比較偏向右邊，有少少似係彭馬係車仔的時候的位置。烏拉圭係紐老師的帶領下，上半場只有一個射門，更多的時間留左係中場同阿根廷大鬥法。
安素亦收得比較深，更多係中線對上的位置做連結同突破，可惜對手的壓迫多次令安素失去球權，安素亦係繼艾華利斯之後第二個失最多球權的球員，共 15 次。6 次地面對抗輸足 4 次，50 次傳球亦只有 38 次成功，可以話係踢得少少都唔順。作為攻中亦無任何起腳射門，好彩最終阿根廷憑住艾華利斯的助攻阿曼達的入球小勝1球，碌碌無為的安素則只有 6.4 分。
但對巴西的一戰，安素就搖身一變成為全場的焦點。表面上阿根廷係踢4-1-2-3，但實際企位同上場一樣係4-2-3-1，取態上亦有相當大的分別。阿根廷的中軸一直保持住至少有4人的防線，利用穩固的搶迫去破壞巴西的組織，當中安素就佔左好大的功勞。11 次地面對抗贏左 7 次，今場比賽亦成功射入 1 球同交出 1 個助攻。入的一球都係來自阿根廷的漂亮組織，由後場開始用盡咗球場左右闊度，拉空咗巴西的防線，最後由右路傳返去左路由安素接應傳球撞入，單講呢球已經明顯睇得出兩隊之間的差距。
不過我個人仍然希望大家唔好過度解讀單場比賽的數據，畢竟今場比場的巴西明顯狀態唔好，仲要被阿根廷的戰術控制住，單睇安素的進攻表現、例如盤扭同射門威脅亦無想像中大，安素返去車仔之後可唔可以善用國際賽的經驗，可能會變成其中一個重點。
4) 卡些度 (厄瓜多爾)
位置：右防中
對手：委內瑞拉 (世盃外圍賽)、智利 (世盃外圍賽)
出場：兩場比賽均正選上陣踢足全場
評分： 7.3 / 10、7.1 / 10
卡些度今季開始漸入佳境就大家都知，返到國家隊的狀態都一樣咁fit。
頭場對委內瑞拉，厄瓜多爾基本上全場都壓住對手黎踢。16 次射門入左 2 球，係中場的攻防之中厄瓜多爾基本上佔左上風。透過左中堅Pacho推前，加上卡些度同Vite三個人組成左幾穩陣的傳球點，只係佢地三個人就已經覆蓋左厄瓜多爾超過半數的傳球。
而當卡些度係中場接應之後，同時會搵機會自己前插或者長傳。今場 4 次嘗試過人就成功左 3 次，全場亦有 7 次長傳的記錄，當中有 3 次搵到隊友同製造左 1 個關鍵傳球。就算厄瓜多爾失去球權，卡些度亦有努力去遮線同搶迫，最終成功錄得 8 次的地面對抗，可以話係完全壓制住對手。
可惜次場對住智利，戰局就黎左個180度的反轉。智利幾乎單方面控制住戰局，射門數 16 次對厄瓜多爾的 7次，面對火力強大的智利，厄瓜多爾亦改踢 3 後做穩守突擊，繼續用上場的三人組鎮守中路。
但智利的進攻同節奏都偏快，中場的攻防戰卡些度明顯顯得吃力，8 次地面對抗只有 3 次贏到。更多時間被迫要留守自己半場而無辦法參與進攻。最終卡些度只錄得 1 個射門而且被對手擋出。兩隊0：0握手言和。
5) 列斯占士 (英格蘭)
位置：右閘
對手：阿爾巴尼亞 (世盃外圍賽)，拉脫維亞 (世盃外圍賽)
出場：90分鐘後備入替、正選上陣90分鐘評分： 8.4 / 10
先唔講頭場對阿爾巴尼亞只係後備入替，但對拉脫維亞的比賽絕對係占士的國家隊生涯的漂亮一戰。相信無幾多人會懷疑呢場波英格蘭的優勢，對住國際排名低自己好多的英格蘭，杜曹仍然毫不怠慢地起用好多頂級球星。比賽過程亦一如所料地係英格蘭的火力壓制，唔理係控球率、射門數、傳球數等等都由英格蘭大幅領先。拉脫維亞呢邊明顯知道自己處於劣勢，所以一開始就選擇用 5+2 的防線盡量力保不失。
上半場經過 30 分鐘，13 次射門都不能修成正果，係 38 分鐘由占士主射自由球，個波彎過人牆直射入網，呢個入球亦係占士球員生涯以來首個國家隊入球。撇除個自由球，呢場的占士都相當活躍，全場 118 次觸球為全隊之冠、防守方面有 2 次鏟斷同 2 次攔截、4 次地面對抗贏左一半、97 次傳球成功左 96次，難怪賽後會被選為全場最佳球員。
不過同安素的狀態相似，因為對手的實力有差距，一場半場的火熱狀態唔應該過度解讀；占士如果係強度更高的比賽入面做返閘位球員的話，對於肌腱的負擔亦會好大，長遠計都係俾佢兼職擔任防中，慢慢適應返比賽節奏會更好。
6) 古古尼亞 (西班牙)
位置：左閘
對手：荷蘭 (歐國聯)，荷蘭 (歐國聯)
出場：兩場比賽均正選上陣踢足全場
評分： 7.2 / 10、6.6 / 10
兩輪比賽，計埋加時同十二碼兩隊踢到難分難解。首輪由西班牙先開記錄，荷蘭反Cup，最後西班牙係補時追成平手，而呢場的古古就無好似夏天果時咁逆位插入防中位置協助蕩中場，而係更多時間係中圈附近游走。防守數據可以話靚仔到不行，3 次清波、6 次搶截、3 次鏟斷，比賽中亦製造左 2 個關鍵傳送、傳球成功率達97%，聯同左路的力高威廉斯幾乎成功壓倒荷蘭的右線。
而次回合的比賽，雙方同樣係有來有往，但經過調整之後，荷蘭的前線加普、迪比、Kluivert三個都偏向左線進攻，右線交俾費明邦同古古單打獨鬥，古古尼亞的角色被荷蘭淡化，數據有所下降。最終古古係呢場比賽中並無太亮眼的表現，攻防兩端都表現平平，唯一擔心的就係古古踢足左 120 分鐘，未知對體力有否影響。
個人總結：
講到尾，最緊要係球員係國際賽平平安安無穿無爛，一個唔覺意為國捐軀的話，之後的 9 場英超都唔知點算好。但仍然好開心可以見到安素同占士係國家隊踢出表現。唯一少少的遺憾就係二安雖然入選巴西國家隊但係一直只能屈居後備，未有上場機會，如果黎緊係車路士同黑工 (山度士) 踢出名堂的話，或多或少可以幫助到巴西脫離困境都唔定。
========================================
Facebook Page已經開咗啦！如果鍾意我的文章可以入黎按個讚！
⭕️車迷狗up天地 ❌
https://www.facebook.com/profile.php?id=61566593983419
1) 維加 (葡萄牙)
位置：左中堅
對手：丹麥 (歐國聯)
出場：正選上陣76分鐘
評分： 7.4 / 10
今場比賽葡萄牙的對手係丹麥，但意外地丹麥踢得好進取。係4-2-3-1體系之中，維加擔任左中堅的位置，同佢係祖記的位置一樣。今場的維加可以話天使同魔鬼的化身，係防守數據上靚到不行，多次化解丹麥的進攻，6次清波、2次射門阻擋、6次地面對抗贏足左5次。但係偏偏就係禁區內被波打手，令球隊輸左一個十二碼，如果唔係門將哥斯達神勇將艾歷臣的射門擋出，葡萄牙早就係上半場落後。
但扣除十二碼的一幕，整體的演出尚算穩定，7次長傳亦有5次成功傳到俾隊友，係76分鐘被換走，最終呢場比賽葡萄牙以一球之差落敗。
2) 柏度尼圖 (葡萄牙)
位置：右翼鋒
對手：丹麥 (歐國聯)
出場：正選上陣90分鐘
評分： 7.2 / 10
延續左尼圖係車路士的表現，我唔敢話尼圖今場踢得好出色，只係做左佢應該要做的野。擔任右翼鋒的尼圖，今場的工作係右路的連接同攻擊。全場比賽 2 次射門都命中目標無問題，但其他部份就麻麻地。
包括左 3 次嘗試過人但只有 1 次成功、4 次地面對抗亦只贏到 1 次、5 次係邊路的傳中只有 1 球送到俾隊友、0 次關鍵傳送。尼圖係右路的不濟同時影響到中央的C朗同般奴。
只係因為尼圖整體無乜犯錯，同左邊的Leão相比亦唔係真係咁差，加上葡萄牙今場比賽多少有被丹麥壓制的關係，最終令尼圖的評分維持係7.2。
3) 安素 費南迪斯 (阿根廷)
位置：攻中
對手：烏拉圭 (世盃外圍賽)、巴西 (世盃外圍賽)
出場：兩場比賽均正選上陣踢足全場
評分： 6.4 / 10、9.0 / 10
我估好多人只會記得巴西被炒 4 球果場的安素有幾神勇，而大家都會無視安素係對烏拉圭有幾咁掙扎。
頭場對烏拉圭的時候，安素以正攻中的身份上陣，實際踢落比較偏向右邊，有少少似係彭馬係車仔的時候的位置。烏拉圭係紐老師的帶領下，上半場只有一個射門，更多的時間留左係中場同阿根廷大鬥法。
安素亦收得比較深，更多係中線對上的位置做連結同突破，可惜對手的壓迫多次令安素失去球權，安素亦係繼艾華利斯之後第二個失最多球權的球員，共 15 次。6 次地面對抗輸足 4 次，50 次傳球亦只有 38 次成功，可以話係踢得少少都唔順。作為攻中亦無任何起腳射門，好彩最終阿根廷憑住艾華利斯的助攻阿曼達的入球小勝1球，碌碌無為的安素則只有 6.4 分。
但對巴西的一戰，安素就搖身一變成為全場的焦點。表面上阿根廷係踢4-1-2-3，但實際企位同上場一樣係4-2-3-1，取態上亦有相當大的分別。阿根廷的中軸一直保持住至少有4人的防線，利用穩固的搶迫去破壞巴西的組織，當中安素就佔左好大的功勞。11 次地面對抗贏左 7 次，今場比賽亦成功射入 1 球同交出 1 個助攻。入的一球都係來自阿根廷的漂亮組織，由後場開始用盡咗球場左右闊度，拉空咗巴西的防線，最後由右路傳返去左路由安素接應傳球撞入，單講呢球已經明顯睇得出兩隊之間的差距。
不過我個人仍然希望大家唔好過度解讀單場比賽的數據，畢竟今場比場的巴西明顯狀態唔好，仲要被阿根廷的戰術控制住，單睇安素的進攻表現、例如盤扭同射門威脅亦無想像中大，安素返去車仔之後可唔可以善用國際賽的經驗，可能會變成其中一個重點。
4) 卡些度 (厄瓜多爾)
位置：右防中
對手：委內瑞拉 (世盃外圍賽)、智利 (世盃外圍賽)
出場：兩場比賽均正選上陣踢足全場
評分： 7.3 / 10、7.1 / 10
卡些度今季開始漸入佳境就大家都知，返到國家隊的狀態都一樣咁fit。
頭場對委內瑞拉，厄瓜多爾基本上全場都壓住對手黎踢。16 次射門入左 2 球，係中場的攻防之中厄瓜多爾基本上佔左上風。透過左中堅Pacho推前，加上卡些度同Vite三個人組成左幾穩陣的傳球點，只係佢地三個人就已經覆蓋左厄瓜多爾超過半數的傳球。
而當卡些度係中場接應之後，同時會搵機會自己前插或者長傳。今場 4 次嘗試過人就成功左 3 次，全場亦有 7 次長傳的記錄，當中有 3 次搵到隊友同製造左 1 個關鍵傳球。就算厄瓜多爾失去球權，卡些度亦有努力去遮線同搶迫，最終成功錄得 8 次的地面對抗，可以話係完全壓制住對手。
可惜次場對住智利，戰局就黎左個180度的反轉。智利幾乎單方面控制住戰局，射門數 16 次對厄瓜多爾的 7次，面對火力強大的智利，厄瓜多爾亦改踢 3 後做穩守突擊，繼續用上場的三人組鎮守中路。
但智利的進攻同節奏都偏快，中場的攻防戰卡些度明顯顯得吃力，8 次地面對抗只有 3 次贏到。更多時間被迫要留守自己半場而無辦法參與進攻。最終卡些度只錄得 1 個射門而且被對手擋出。兩隊0：0握手言和。
5) 列斯占士 (英格蘭)
位置：右閘
對手：阿爾巴尼亞 (世盃外圍賽)，拉脫維亞 (世盃外圍賽)
出場：90分鐘後備入替、正選上陣90分鐘評分： 8.4 / 10
先唔講頭場對阿爾巴尼亞只係後備入替，但對拉脫維亞的比賽絕對係占士的國家隊生涯的漂亮一戰。相信無幾多人會懷疑呢場波英格蘭的優勢，對住國際排名低自己好多的英格蘭，杜曹仍然毫不怠慢地起用好多頂級球星。比賽過程亦一如所料地係英格蘭的火力壓制，唔理係控球率、射門數、傳球數等等都由英格蘭大幅領先。拉脫維亞呢邊明顯知道自己處於劣勢，所以一開始就選擇用 5+2 的防線盡量力保不失。
上半場經過 30 分鐘，13 次射門都不能修成正果，係 38 分鐘由占士主射自由球，個波彎過人牆直射入網，呢個入球亦係占士球員生涯以來首個國家隊入球。撇除個自由球，呢場的占士都相當活躍，全場 118 次觸球為全隊之冠、防守方面有 2 次鏟斷同 2 次攔截、4 次地面對抗贏左一半、97 次傳球成功左 96次，難怪賽後會被選為全場最佳球員。
不過同安素的狀態相似，因為對手的實力有差距，一場半場的火熱狀態唔應該過度解讀；占士如果係強度更高的比賽入面做返閘位球員的話，對於肌腱的負擔亦會好大，長遠計都係俾佢兼職擔任防中，慢慢適應返比賽節奏會更好。
6) 古古尼亞 (西班牙)
位置：左閘
對手：荷蘭 (歐國聯)，荷蘭 (歐國聯)
出場：兩場比賽均正選上陣踢足全場
評分： 7.2 / 10、6.6 / 10
兩輪比賽，計埋加時同十二碼兩隊踢到難分難解。首輪由西班牙先開記錄，荷蘭反Cup，最後西班牙係補時追成平手，而呢場的古古就無好似夏天果時咁逆位插入防中位置協助蕩中場，而係更多時間係中圈附近游走。防守數據可以話靚仔到不行，3 次清波、6 次搶截、3 次鏟斷，比賽中亦製造左 2 個關鍵傳送、傳球成功率達97%，聯同左路的力高威廉斯幾乎成功壓倒荷蘭的右線。
而次回合的比賽，雙方同樣係有來有往，但經過調整之後，荷蘭的前線加普、迪比、Kluivert三個都偏向左線進攻，右線交俾費明邦同古古單打獨鬥，古古尼亞的角色被荷蘭淡化，數據有所下降。最終古古係呢場比賽中並無太亮眼的表現，攻防兩端都表現平平，唯一擔心的就係古古踢足左 120 分鐘，未知對體力有否影響。
個人總結：
講到尾，最緊要係球員係國際賽平平安安無穿無爛，一個唔覺意為國捐軀的話，之後的 9 場英超都唔知點算好。但仍然好開心可以見到安素同占士係國家隊踢出表現。唯一少少的遺憾就係二安雖然入選巴西國家隊但係一直只能屈居後備，未有上場機會，如果黎緊係車路士同黑工 (山度士) 踢出名堂的話，或多或少可以幫助到巴西脫離困境都唔定。
========================================
Facebook Page已經開咗啦！如果鍾意我的文章可以入黎按個讚！
⭕️車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊