舒克斯收咧賀龍勢擔正 阿莫林官宣︰聽日奧拿拿踢正選 (紅魔日報 16-4-2025)
1. 聽日曼聯歐霸盃可以話係背水一戰，贏咗呢場，唔代表今季成功，但一輸波，就可以直接宣布呢季既表現完完全全就係災難級。
2. 不過賽前就傳出不利既消息，首先係賽前記者會上面，曼聯領隊阿莫林確認下半季越戰越勇既舒克斯因為拉傷大腿肌肉，今季會提早收咧…
3. 季前買舒克斯既時候，我果陣係諗賀龍有咗上季一年級生既經驗（佢上季仲要係球隊首席射手），今季應該會更可靠，而舒克斯就應該係後備或者戰術球員，點知估唔到，黎到球季尾段，舒克斯既表現遠勝賀龍，我真係大跌眼鏡。
4. 除非阿莫林踢無鋒陣，如果唔係，聽日都應該係賀龍正選。其實我真係唔覺得賀龍差成咁，而家並唔係佢真正既實力，只係佢狀態實在太過低迷，令到佢喺場上好迷失。上季佢攻入咗16球，當中不乏一啲強隊例如拜仁慕尼黑、維拉、紐卡素、熱刺，我都唔駛佢今季有進步，只要踢返上季既八成，都可以勉強頂住先。
5. 但佢而家實在太迷失喇，喺球場上面完全唔知做緊乜嘢，而且佢踢既係曼聯，一有少少踢得唔好，一定會比人無限放大，而我覺得賀龍今季仲係未handle到壓力，所以我覺得要喺短時間之內谷起佢，其實好難， 更遑論聽日就係場生死戰。不過…喺冇選擇既情況之下，都係果句，除非打無鋒陣，如果唔係一定係出佢。
6. 至於另一個焦點，就係聽日場波，阿莫林究竟會出巴恩迪亞定係奧拿拿呢？阿莫林喺記者會上面比咗個明確既答案︰奧拿拿。
7. 其實呢個選擇唔意外，睇咗兩季加埋間中望到土耳其既比賽精華，巴恩迪亞其實偶有派膠既情況出現，我唔肯定喺fanpiece有冇講過，但就肯定有喺對紐卡素之前響自己個page提過巴恩對熱刺同土耳其有派過膠，咁做其實算係做好個期望管理，結果…非常之唔好彩，就已經要應用上呢個期望管理。
8. 其實喺巴恩迪亞第四球派膠之前，佢有過一球算係靚救，但其餘時間應失就失，應該擋到既都擋到，整體上面冇乜亮眼表現。可惜既係佢腳下功夫都幾麻麻，喺後場build up完全唔掂，第四球仲要係調返轉幫對手build up…
9. 我都話要比巴恩迪亞試一試先，可惜佢並冇把握好個機會…
10. 問題黎嘞， Onana今季表現時好時壞，最衰係唔穩定，同埋我個人睇法，其實佢唔係真係咁大心臟，佢好大壓力排解唔到，會影響到佢既表現。阿莫林喺對紐卡素一戰上面，完全收起Onana，其實可能都係幫咗佢一把。
11. 當年麥佳亞都係沉澱咗一輪出返黎先有好表現，但同賀龍既情況一樣，要喺短時間之內有所提升唔係易事。
12. 至於其他傷兵應該冇乜邊個可以復出，阿莫林喺記者會上表示，迪列治今季之內可以復出、希雲傷勢set back、伊雲斯開始復操，Amad四月都唔會出得返、舒克斯收咧…大概就係咁多。
13. 老實講，聽日場波，喺咁既情況之下，其實我已經做定最壞打算，不過點都好，佢哋出場，我哋作為球迷既只有支持…
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 聽日曼聯歐霸盃可以話係背水一戰，贏咗呢場，唔代表今季成功，但一輸波，就可以直接宣布呢季既表現完完全全就係災難級。
2. 不過賽前就傳出不利既消息，首先係賽前記者會上面，曼聯領隊阿莫林確認下半季越戰越勇既舒克斯因為拉傷大腿肌肉，今季會提早收咧…
3. 季前買舒克斯既時候，我果陣係諗賀龍有咗上季一年級生既經驗（佢上季仲要係球隊首席射手），今季應該會更可靠，而舒克斯就應該係後備或者戰術球員，點知估唔到，黎到球季尾段，舒克斯既表現遠勝賀龍，我真係大跌眼鏡。
4. 除非阿莫林踢無鋒陣，如果唔係，聽日都應該係賀龍正選。其實我真係唔覺得賀龍差成咁，而家並唔係佢真正既實力，只係佢狀態實在太過低迷，令到佢喺場上好迷失。上季佢攻入咗16球，當中不乏一啲強隊例如拜仁慕尼黑、維拉、紐卡素、熱刺，我都唔駛佢今季有進步，只要踢返上季既八成，都可以勉強頂住先。
5. 但佢而家實在太迷失喇，喺球場上面完全唔知做緊乜嘢，而且佢踢既係曼聯，一有少少踢得唔好，一定會比人無限放大，而我覺得賀龍今季仲係未handle到壓力，所以我覺得要喺短時間之內谷起佢，其實好難， 更遑論聽日就係場生死戰。不過…喺冇選擇既情況之下，都係果句，除非打無鋒陣，如果唔係一定係出佢。
6. 至於另一個焦點，就係聽日場波，阿莫林究竟會出巴恩迪亞定係奧拿拿呢？阿莫林喺記者會上面比咗個明確既答案︰奧拿拿。
7. 其實呢個選擇唔意外，睇咗兩季加埋間中望到土耳其既比賽精華，巴恩迪亞其實偶有派膠既情況出現，我唔肯定喺fanpiece有冇講過，但就肯定有喺對紐卡素之前響自己個page提過巴恩對熱刺同土耳其有派過膠，咁做其實算係做好個期望管理，結果…非常之唔好彩，就已經要應用上呢個期望管理。
8. 其實喺巴恩迪亞第四球派膠之前，佢有過一球算係靚救，但其餘時間應失就失，應該擋到既都擋到，整體上面冇乜亮眼表現。可惜既係佢腳下功夫都幾麻麻，喺後場build up完全唔掂，第四球仲要係調返轉幫對手build up…
9. 我都話要比巴恩迪亞試一試先，可惜佢並冇把握好個機會…
10. 問題黎嘞， Onana今季表現時好時壞，最衰係唔穩定，同埋我個人睇法，其實佢唔係真係咁大心臟，佢好大壓力排解唔到，會影響到佢既表現。阿莫林喺對紐卡素一戰上面，完全收起Onana，其實可能都係幫咗佢一把。
11. 當年麥佳亞都係沉澱咗一輪出返黎先有好表現，但同賀龍既情況一樣，要喺短時間之內有所提升唔係易事。
12. 至於其他傷兵應該冇乜邊個可以復出，阿莫林喺記者會上表示，迪列治今季之內可以復出、希雲傷勢set back、伊雲斯開始復操，Amad四月都唔會出得返、舒克斯收咧…大概就係咁多。
13. 老實講，聽日場波，喺咁既情況之下，其實我已經做定最壞打算，不過點都好，佢哋出場，我哋作為球迷既只有支持…
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊