紅魔鬼賽後評 英超 熱刺 1-0 曼聯 (16-2-2025)
1. 講場波之前，想屌下鬼。
2. 距離上一場比賽隔咗成8日，我諗班球員終於可以抖抖，唔會咁易新傷兵喇啩…結果？短短一個星期入面，Amad、Mainoo極大機會收咧，烏加迪、哥利亞受傷，艾歷臣、約羅病咗，仲未計長期傷兵Shaw、Mount…已經係冇比賽齋操，佢哋係咪練MMA？今場冇咗好多主力，近乎只要係一隊，有手有腳既都要落場。
3. 我其實對於INEOS cut costs冇乜意見，但有咗上季傷兵滿營既教訓，其實借出啲一隊成員慳咗人工之後，係咪應該入返啲呢？安東尼、福仔、馬拉仔三個唔同位置既借出去，但只係入返一個多古…其實我哋仲有歐霸同FA cup可以爭下，仲有要護級添架，係咪真係要放棄晒成個球季啊…
4. 講返場波，我唔能夠話呢場踢得好好，但喺地莊黎講，其實算係踢得係咁，睇下我哋後備席？除咗連迪路夫之外全部都係青年軍，連龍門都係，其實此消彼長，我預咗隨時比有傷員回歸既熱刺大炒添，所以如果睇場波既表現，又唔係真係太差既…
5. 不過足球比賽係睇結果，唔係睇表現…
6. 無錯，熱刺控球係多啲，不過兩邊其實都有唔少埋門，但講真，我覺得曼聯既埋門其實有威脅好多，但都係老問題，把握力其實唔止係零，仲要係負數…
7. 最有威脅既球員係加拿祖，但同時最敗家果個都係佢，起碼四個良好至到黃金機會，入到一球都已經唔同講法，但偏偏一球都唔入，自炒又有，比龍門救到又有(但只係自己射得唔夠好，又未至於係對手龍門神救)。加拿祖今季得到既機會，如果把握到一半，我懷疑已經入到10球以上…
8. 輸果球又係戇鳩(又或者係老毛病)，先唔屌冇人mark起腳果個，人哋射完門之後個個都喺度得個望字，Onana救出人哋射波，但完全冇人follow第二下，麥迪臣呢下係後發先至，迪列治完全冇為意有人後上緊，最後就比傷癒復出既麥迪臣執隻靚雞。
9. 其他球員方面，賀隆稍有改善，但仍舊遠遠唔夠，反而舒克斯仲多嘢睇，唔係話後者好好，但佢啲護波、轉身、策劃都開始上力。至於加盟果個球季係大腿既卡斯米路，兩季之後既今日真係睇到有種廉頗老矣既感覺…
10. 新兵多古，睇咗兩場，佢係好嘢黎，但唔好再放佢喺右邊，唔係話多古右邊好差，而係Dalot左面太差，今場回歸右翼衛，我覺得算係合格。
11. 雖然後備全部青年軍，但都係去倫敦坐，得前鋒Obi Chido智渡大師喺90分鐘入替卡斯完成地標戰。可惜，只係得3分鐘都冇，冇表現係正常，不過睇佢既身型，喺U隊時可以屈身材，但一拍埋英超球員度，就非常單薄，暫時唔好寄太大厚望先。或者咁講︰冇期望，就冇失望。
12. 我見有人話點解唔換人，有啲球員其實表現唔算太好，但我明白到比賽要變陣時真係冇變冇可變，後備席上面除咗連迪路夫之外全部都係青年軍，當時又只係落後緊一球，又創造過唔少機會，除非真係好信任啲青年軍，如果唔係唔換人都唔係唔可以理解。如果換咗輸多幾球，咪一樣有人喊打喊殺？
13. 本來想話聯賽輸唔緊要，最緊要啲人健康，但屌你望下後備席…真係同健康扯唔埋纜，再望下個積分榜，今次真係仆街。
14. 呢季真係惡夢，快啲完咗佢喇…
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 講場波之前，想屌下鬼。
2. 距離上一場比賽隔咗成8日，我諗班球員終於可以抖抖，唔會咁易新傷兵喇啩…結果？短短一個星期入面，Amad、Mainoo極大機會收咧，烏加迪、哥利亞受傷，艾歷臣、約羅病咗，仲未計長期傷兵Shaw、Mount…已經係冇比賽齋操，佢哋係咪練MMA？今場冇咗好多主力，近乎只要係一隊，有手有腳既都要落場。
3. 我其實對於INEOS cut costs冇乜意見，但有咗上季傷兵滿營既教訓，其實借出啲一隊成員慳咗人工之後，係咪應該入返啲呢？安東尼、福仔、馬拉仔三個唔同位置既借出去，但只係入返一個多古…其實我哋仲有歐霸同FA cup可以爭下，仲有要護級添架，係咪真係要放棄晒成個球季啊…
4. 講返場波，我唔能夠話呢場踢得好好，但喺地莊黎講，其實算係踢得係咁，睇下我哋後備席？除咗連迪路夫之外全部都係青年軍，連龍門都係，其實此消彼長，我預咗隨時比有傷員回歸既熱刺大炒添，所以如果睇場波既表現，又唔係真係太差既…
5. 不過足球比賽係睇結果，唔係睇表現…
6. 無錯，熱刺控球係多啲，不過兩邊其實都有唔少埋門，但講真，我覺得曼聯既埋門其實有威脅好多，但都係老問題，把握力其實唔止係零，仲要係負數…
7. 最有威脅既球員係加拿祖，但同時最敗家果個都係佢，起碼四個良好至到黃金機會，入到一球都已經唔同講法，但偏偏一球都唔入，自炒又有，比龍門救到又有(但只係自己射得唔夠好，又未至於係對手龍門神救)。加拿祖今季得到既機會，如果把握到一半，我懷疑已經入到10球以上…
8. 輸果球又係戇鳩(又或者係老毛病)，先唔屌冇人mark起腳果個，人哋射完門之後個個都喺度得個望字，Onana救出人哋射波，但完全冇人follow第二下，麥迪臣呢下係後發先至，迪列治完全冇為意有人後上緊，最後就比傷癒復出既麥迪臣執隻靚雞。
9. 其他球員方面，賀隆稍有改善，但仍舊遠遠唔夠，反而舒克斯仲多嘢睇，唔係話後者好好，但佢啲護波、轉身、策劃都開始上力。至於加盟果個球季係大腿既卡斯米路，兩季之後既今日真係睇到有種廉頗老矣既感覺…
10. 新兵多古，睇咗兩場，佢係好嘢黎，但唔好再放佢喺右邊，唔係話多古右邊好差，而係Dalot左面太差，今場回歸右翼衛，我覺得算係合格。
11. 雖然後備全部青年軍，但都係去倫敦坐，得前鋒Obi Chido智渡大師喺90分鐘入替卡斯完成地標戰。可惜，只係得3分鐘都冇，冇表現係正常，不過睇佢既身型，喺U隊時可以屈身材，但一拍埋英超球員度，就非常單薄，暫時唔好寄太大厚望先。或者咁講︰冇期望，就冇失望。
12. 我見有人話點解唔換人，有啲球員其實表現唔算太好，但我明白到比賽要變陣時真係冇變冇可變，後備席上面除咗連迪路夫之外全部都係青年軍，當時又只係落後緊一球，又創造過唔少機會，除非真係好信任啲青年軍，如果唔係唔換人都唔係唔可以理解。如果換咗輸多幾球，咪一樣有人喊打喊殺？
13. 本來想話聯賽輸唔緊要，最緊要啲人健康，但屌你望下後備席…真係同健康扯唔埋纜，再望下個積分榜，今次真係仆街。
14. 呢季真係惡夢，快啲完咗佢喇…
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊