曼聯係冬季轉會窗完結前先後借走左華舒福、安東尼與及馬拿斯亞，前場當時只係淨番海倫、舒克斯、迪亞路同加拿祖。迪亞路近兩日操練受傷，報稱今季會同馬天尼斯一齊收咧，令鋒線只餘三人。加上明奴、烏格迪同哥利亞亦有傷，聯同本身既曼治、梳爾、約羅同艾歷臣等，曼聯傷兵名單多達十人。冇人可用情況下，阿摩廉今場改踢5-3-2陣式，今場可以見到佢係陣容同戰術上既改變。
龍門仍舊係安拿拿。後場三中堅只能排出，左迪列特、中麥佳亞同右馬沙拉維，左右兩邊翼衛起用兩邊順足既多古同達洛治。今場終於見到兩邊既翼衛做到傳中同拉邊既效果，唔再係逆足扣大位然後交失波。三人中場分別係左加拿祖、中卡斯美路同右般奴費南迪斯。進攻上既分工比較明確，有波時，加拿祖會以翼鋒姿態出現係邊路，或走half-space聯同多古進攻左路，唔會留守中場，而卡斯美路同般奴則會形成一對double pivot，組成一攻一守組合。胖虎負責中後場連接，般奴則做中場發電機控制節奏。兩個前鋒則係海倫同舒克斯。防守時兩人接近一個平排企位去遮線同施壓，但進攻時兩人會形成一前一後，海倫負責係前場牽制一對中堅，舒克斯則墮後拎波係前場做連接點。有別於之前踢3-4-2-1，今場雀屎既活動範圍冇受左右固定位置影響，係前場自由走動下，明顯見到佢踢到自己既風格，表現有所回升。海倫亦毋需回後幫手連接，只需係前場搵空位跑或留守禁區捕位，表現比起踢單箭頭有改善。球隊陣容改變下，戰術亦有改變。左側利用加拿祖既持球突破，加埋多古後上overlap，嘗試overload熱刺既右路。同時將加拿祖放係左中場位置，加強球隊反擊既衝刺點。右路則只靠達洛治既拉邊傳中，般奴亦不時會移前係45度作early cross。因前場有雀屎同海倫，禁區總有兩點接應，所以球隊以兩邊側擊傳中為主要進攻手段。卡斯美路就係中場以長傳轉方向搵兩翼衛為目標。係九九八十一斬架啦，但起碼方針明確，無謂格硬係中路同你打滲透。
今場球隊16射6中，當中係不乏黃金機會，可惜仍舊係因為球員把握力不足，加上對方門將域卡利奧早段有一下靚撲救，否則曼聯係有條件先開記錄。阿摩廉今場都算肯改一改，但落後下卻要去到補時階段先肯換馬田仔入黎踩草，就唔知佢諗緊乜。傷兵多到咁，唔通場場繼續用死呢十一個？根本到最後你點都要擺班𡃁出黎踢！聯賽依家又冇野爭，波你又輸緊，點解唔早少少比馬田仔、高尼同費查仔出黎跑下吸下經呢？下場繼續作客，仲係對莫椰斯強勢回歸既愛華頓，如無意外都會係呢十一個人繼續踢，但要拎到分就真係難、難、難！
龍門仍舊係安拿拿。後場三中堅只能排出，左迪列特、中麥佳亞同右馬沙拉維，左右兩邊翼衛起用兩邊順足既多古同達洛治。今場終於見到兩邊既翼衛做到傳中同拉邊既效果，唔再係逆足扣大位然後交失波。三人中場分別係左加拿祖、中卡斯美路同右般奴費南迪斯。進攻上既分工比較明確，有波時，加拿祖會以翼鋒姿態出現係邊路，或走half-space聯同多古進攻左路，唔會留守中場，而卡斯美路同般奴則會形成一對double pivot，組成一攻一守組合。胖虎負責中後場連接，般奴則做中場發電機控制節奏。兩個前鋒則係海倫同舒克斯。防守時兩人接近一個平排企位去遮線同施壓，但進攻時兩人會形成一前一後，海倫負責係前場牽制一對中堅，舒克斯則墮後拎波係前場做連接點。有別於之前踢3-4-2-1，今場雀屎既活動範圍冇受左右固定位置影響，係前場自由走動下，明顯見到佢踢到自己既風格，表現有所回升。海倫亦毋需回後幫手連接，只需係前場搵空位跑或留守禁區捕位，表現比起踢單箭頭有改善。球隊陣容改變下，戰術亦有改變。左側利用加拿祖既持球突破，加埋多古後上overlap，嘗試overload熱刺既右路。同時將加拿祖放係左中場位置，加強球隊反擊既衝刺點。右路則只靠達洛治既拉邊傳中，般奴亦不時會移前係45度作early cross。因前場有雀屎同海倫，禁區總有兩點接應，所以球隊以兩邊側擊傳中為主要進攻手段。卡斯美路就係中場以長傳轉方向搵兩翼衛為目標。係九九八十一斬架啦，但起碼方針明確，無謂格硬係中路同你打滲透。
今場球隊16射6中，當中係不乏黃金機會，可惜仍舊係因為球員把握力不足，加上對方門將域卡利奧早段有一下靚撲救，否則曼聯係有條件先開記錄。阿摩廉今場都算肯改一改，但落後下卻要去到補時階段先肯換馬田仔入黎踩草，就唔知佢諗緊乜。傷兵多到咁，唔通場場繼續用死呢十一個？根本到最後你點都要擺班𡃁出黎踢！聯賽依家又冇野爭，波你又輸緊，點解唔早少少比馬田仔、高尼同費查仔出黎跑下吸下經呢？下場繼續作客，仲係對莫椰斯強勢回歸既愛華頓，如無意外都會係呢十一個人繼續踢，但要拎到分就真係難、難、難！
請按此登錄後留言。未成為會員? 立即註冊