紅魔鬼賽後評 歐霸 曼聯 5-4 里昂 (17-4-2025)
1. 認真，其實賽前我都估有機會輸波，但如果係呢場波2比4果陣咁輸法，就會真係dup晒春…去到70分鐘都仲領先緊兩球倒輸4球？真係睇到嘔血…四隻字︰放虎歸山。
2. 好彩完場之後可以加返「差啲」喺放虎歸山前面…真係CLS比賽。
3. 老實講，加拿祖今日啲突擊、傳送都有唔少威脅，係陣中一個踢得幾好既球員，但呢啲都係建基於佢唔射波既情況下…上半場有兩下射波，我都仲勉強可以幫你兜到，但係下半場一下好靚入攝，半單刀殺入禁區，一扭波玩到對面後衛瞓低，一切好完美，點知對住龍門1對1單挑龍門直接省落龍門度…加拿祖真係好勁，唔射波果陣。
4. 果一刻，我諗起坦克第一季歐霸，我哋對住西維爾領先兩球，然後勁多機會都拉唔開三球，最後比對手追成二比二平手，兩回合仲要輸埋二比五出局，心諗唔係歷史重演吓嘛…
5. 60分鐘之前，我哋有至少5、6次黃金機會，除咗烏加迪同Dalot既入波之外，仲有卡斯米路近射、般奴入攝邊走邊射、賀龍門前黎遲一步，可惜一係自己把握唔到，一係對手龍門神救…
6. 之後我哋唔知係有心定無意，縮後晒個後防，曼聯而家既後防實力，贏緊都唔好踢守勢波，真係輸死你，結果後防兩球都發緊夢咁，用對眼黎防守，第一球防守混亂，第二球走甩人既情況尤其誇張。
7. 呢個時候曼聯先如夢初醒…而喺89分鐘，Yoro反擊時比Tolisso撞低，後者兩黃一紅被逐，但係曼聯打多一個人既時候，喺輸到4比2之前，根本就冇運用自己人數上面優勢，粗之過急，係咁送返個波比里昂，最後大軍壓咗上去，失果兩球，全部都係counter attack，真係冇計。
8. 不過曼聯真係冇放棄到，落後兩球得返十分鐘唔夠，照攻，踢出超級士氣波。首先係卡斯米路被侵犯VAR review後十二碼，般奴頂住壓力射入追返成三比四接近比數。老實除咗卡斯米路果球，麥佳亞殺入禁區比人扯到件衫爛咁滯，VAR都唔睇...，其實加時曼聯可以有兩球十二碼。
9. 都唔緊要，文奴挺身而出，佢入咗場之後客串中鋒，其實踢得幾隱形，但係唔緊要，機會只要一次就夠，一及一射大顯功架，去到120分鐘，曼聯戲劇性追成4比4。
10. 仲未夠戲劇性，麥佳亞話扯爆衫都唔比十二碼？唔緊要！我直接頂入比你睇！一分鐘之後佢頂入致勝一球，就係咁曼聯反勝5比4！
11. 多古表現回落咗好多，上到黎傳又傳得唔好，射又射得差，始終係後生仔，都係要慢慢磨練。
12. Onana算係回報咗阿莫林對佢既信任，領先緊既時候救咗三個必入球，不過可惜之後失咗四球，雖然都係好難救既波，非戰之罪，但如果唔係我對佢今場評價會更高。阿莫林比佢一個weekend去冷靜，算係一個賭啱既決定。
13. 賀龍上半場果球傳中真係嚴重失機，但整體黎講佢既表現比起之前係有改善，今日有幾下做到晒柱躉工作，唔係一撞就跌，已經好多進步，佢需要既係一個入波。
14. 煩都係要講多一次，曼聯而家既後防實力，贏緊都唔好踢守勢波，真係輸死你。
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 認真，其實賽前我都估有機會輸波，但如果係呢場波2比4果陣咁輸法，就會真係dup晒春…去到70分鐘都仲領先緊兩球倒輸4球？真係睇到嘔血…四隻字︰放虎歸山。
2. 好彩完場之後可以加返「差啲」喺放虎歸山前面…真係CLS比賽。
3. 老實講，加拿祖今日啲突擊、傳送都有唔少威脅，係陣中一個踢得幾好既球員，但呢啲都係建基於佢唔射波既情況下…上半場有兩下射波，我都仲勉強可以幫你兜到，但係下半場一下好靚入攝，半單刀殺入禁區，一扭波玩到對面後衛瞓低，一切好完美，點知對住龍門1對1單挑龍門直接省落龍門度…加拿祖真係好勁，唔射波果陣。
4. 果一刻，我諗起坦克第一季歐霸，我哋對住西維爾領先兩球，然後勁多機會都拉唔開三球，最後比對手追成二比二平手，兩回合仲要輸埋二比五出局，心諗唔係歷史重演吓嘛…
5. 60分鐘之前，我哋有至少5、6次黃金機會，除咗烏加迪同Dalot既入波之外，仲有卡斯米路近射、般奴入攝邊走邊射、賀龍門前黎遲一步，可惜一係自己把握唔到，一係對手龍門神救…
6. 之後我哋唔知係有心定無意，縮後晒個後防，曼聯而家既後防實力，贏緊都唔好踢守勢波，真係輸死你，結果後防兩球都發緊夢咁，用對眼黎防守，第一球防守混亂，第二球走甩人既情況尤其誇張。
7. 呢個時候曼聯先如夢初醒…而喺89分鐘，Yoro反擊時比Tolisso撞低，後者兩黃一紅被逐，但係曼聯打多一個人既時候，喺輸到4比2之前，根本就冇運用自己人數上面優勢，粗之過急，係咁送返個波比里昂，最後大軍壓咗上去，失果兩球，全部都係counter attack，真係冇計。
8. 不過曼聯真係冇放棄到，落後兩球得返十分鐘唔夠，照攻，踢出超級士氣波。首先係卡斯米路被侵犯VAR review後十二碼，般奴頂住壓力射入追返成三比四接近比數。老實除咗卡斯米路果球，麥佳亞殺入禁區比人扯到件衫爛咁滯，VAR都唔睇...，其實加時曼聯可以有兩球十二碼。
9. 都唔緊要，文奴挺身而出，佢入咗場之後客串中鋒，其實踢得幾隱形，但係唔緊要，機會只要一次就夠，一及一射大顯功架，去到120分鐘，曼聯戲劇性追成4比4。
10. 仲未夠戲劇性，麥佳亞話扯爆衫都唔比十二碼？唔緊要！我直接頂入比你睇！一分鐘之後佢頂入致勝一球，就係咁曼聯反勝5比4！
11. 多古表現回落咗好多，上到黎傳又傳得唔好，射又射得差，始終係後生仔，都係要慢慢磨練。
12. Onana算係回報咗阿莫林對佢既信任，領先緊既時候救咗三個必入球，不過可惜之後失咗四球，雖然都係好難救既波，非戰之罪，但如果唔係我對佢今場評價會更高。阿莫林比佢一個weekend去冷靜，算係一個賭啱既決定。
13. 賀龍上半場果球傳中真係嚴重失機，但整體黎講佢既表現比起之前係有改善，今日有幾下做到晒柱躉工作，唔係一撞就跌，已經好多進步，佢需要既係一個入波。
14. 煩都係要講多一次，曼聯而家既後防實力，贏緊都唔好踢守勢波，真係輸死你。
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊