《呢個劇本王家衛都拍唔到》
曼聯上演絕地反擊，加時上半場落後兩球情況下，係加時下半場末段用七分鐘連入三球反勝對手，成功晉級歐霸盃四強。
曼聯上半場憑烏格迪同達洛治既入波以二比零領先，下半場出黎縮後打反擊既戰術實屬正常。雖然下半場係俾人圍住攻，但加拿祖係下半場既初段係有一個黃金機會可以射成三比零，可惜又係把握唔到。阿摩廉要踢防反唔係問題，但似乎佢依家係賭緊加拿祖一個。如果佢有態或臨場決定正確，阿摩廉賭贏，咁曼聯就有可能贏波。
里昂輸緊兩球就不斷換人加強攻力；而曼聯本身就已經排左一個較保守既陣容，尤其是中場已經係用上一對防中，後備兵源大多攻強於守，加上本身球隊已經係用緊三中堅五後防陣式，所以縱使曼聯明顯被圍攻，但阿摩廉都冇換人去嘗試扭轉場面上既劣勢。馬後炮睇，當用雙防中而中場都仍然失勢時，其實可唔可以早少少換入曼治或明奴強番前場既攻力同控球能力，畢竟雙防中都搶唔贏。當你搶到，但前面又唔可以保持到控球權，對防線既壓力只會愈黎愈大。
結果就係里昂係71分鐘同78分鐘連入兩球追平。成個勢都係里昂身上，見唔到曼聯係場面上可以再領先。阿摩廉去到86分鐘先用明奴同曼治入替烏格迪同海倫，將明奴推前打假九中鋒，般奴移番後一格派牌。呢個調動正正就係我馬後炮地說既戰術改變，但要去到被追和先咁做，就略嫌遲晒啦。
89分鐘里昂杜利素魯莽地犯規被趕離場，真係天助曼聯，加時有30分鐘踢多一個人。阿摩廉係100分鐘再用艾歷臣同阿密斯入替加拿祖同多古，加強球隊組織力同邊路既進攻力。呢個調動非常正路。不過係加時上半場，曼聯係完全唔似打多一個人，控球係多但進攻組織唔到，反而里昂兩下反擊射兩腳入一球就反超前。加時下半場，輪到梳爾犯天條，拿卡錫迪射成四比二。曼聯絕地反擊係114分鐘開始。先有般奴成功射入由卡斯美路搏到既十二碼；明奴係六分鐘後妙射死角追平；麥佳亞再係補時階段接應卡斯美路傳中，一個頭鎚收死對方門將，成功反cup對手。曼聯再次展現韌力，證明球證未吹雞，咩都有可能發生！呢個劇本真係王家衛都拍唔到！
《海倫真係點算好？》
曼聯能夠反勝，除左胖虎兩下助攻要俾credit外，要讚就一定係麥佳亞同明奴。明奴入替踢假九中鋒既參與度其實唔算太多。後段曼聯推左麥佳亞踢雙箭頭，再加上對方少踢一人，呢兩個都係明奴可以入到波既原因，當然都要讚佢既把握力。麥佳亞再次變身麥中鋒救國，完美展現何謂空中霸王！佢兩個既入波又打左海倫一巴，而呢場波海倫又係咪好差呢？我覺得佢已經交出水準。今場18次傳送有16次成功，有3次屬於key pass。雖然佢一次射門都冇，但佢有幾次既走位係走得靚，只係隊友冇選擇傳俾佢埋門。老實講，當明奴係86分鐘入替佢，我係鄧佢唔抵，因為佢應該仲有貨，而佢係前場既牽引力係有，係可以俾多少少時間佢踢。明奴同麥佳亞替工踢中鋒都有波入，下場直接明奴打最前，麥中鋒做Plan B已經係兩套戰術，海倫真係點算好？
《安拿拿既救贖》
安拿拿今場復任正選，雖然佢要係個網度執四次波，但呢四下都唔太關佢事，而佢係百二分鐘內亦有五次撲救，做足本份都需要讚一下。
《贏左就唔駛屌牙？》
雖然曼聯成功贏波晉級，但贏左就唔駛屌牙？上半場贏緊兩球都可以俾人追番，都唔係咩問題。最大問題係人地打少一個都可以入你兩球，係兩球啊！會唔會太離譜啊？最聯後段基本都冇咩戰術可言，又俾你追下一球追下一球仲要贏埋，但係有說服力咩？唔覺得有！呢場真係贏左都要屌！BTW，一場咁既反勝希望可以激發到球員既自信，下場對狼隊踢番場好波，贏番場有說服力既比賽俾球迷睇吧！
曼聯上演絕地反擊，加時上半場落後兩球情況下，係加時下半場末段用七分鐘連入三球反勝對手，成功晉級歐霸盃四強。
曼聯上半場憑烏格迪同達洛治既入波以二比零領先，下半場出黎縮後打反擊既戰術實屬正常。雖然下半場係俾人圍住攻，但加拿祖係下半場既初段係有一個黃金機會可以射成三比零，可惜又係把握唔到。阿摩廉要踢防反唔係問題，但似乎佢依家係賭緊加拿祖一個。如果佢有態或臨場決定正確，阿摩廉賭贏，咁曼聯就有可能贏波。
里昂輸緊兩球就不斷換人加強攻力；而曼聯本身就已經排左一個較保守既陣容，尤其是中場已經係用上一對防中，後備兵源大多攻強於守，加上本身球隊已經係用緊三中堅五後防陣式，所以縱使曼聯明顯被圍攻，但阿摩廉都冇換人去嘗試扭轉場面上既劣勢。馬後炮睇，當用雙防中而中場都仍然失勢時，其實可唔可以早少少換入曼治或明奴強番前場既攻力同控球能力，畢竟雙防中都搶唔贏。當你搶到，但前面又唔可以保持到控球權，對防線既壓力只會愈黎愈大。
結果就係里昂係71分鐘同78分鐘連入兩球追平。成個勢都係里昂身上，見唔到曼聯係場面上可以再領先。阿摩廉去到86分鐘先用明奴同曼治入替烏格迪同海倫，將明奴推前打假九中鋒，般奴移番後一格派牌。呢個調動正正就係我馬後炮地說既戰術改變，但要去到被追和先咁做，就略嫌遲晒啦。
89分鐘里昂杜利素魯莽地犯規被趕離場，真係天助曼聯，加時有30分鐘踢多一個人。阿摩廉係100分鐘再用艾歷臣同阿密斯入替加拿祖同多古，加強球隊組織力同邊路既進攻力。呢個調動非常正路。不過係加時上半場，曼聯係完全唔似打多一個人，控球係多但進攻組織唔到，反而里昂兩下反擊射兩腳入一球就反超前。加時下半場，輪到梳爾犯天條，拿卡錫迪射成四比二。曼聯絕地反擊係114分鐘開始。先有般奴成功射入由卡斯美路搏到既十二碼；明奴係六分鐘後妙射死角追平；麥佳亞再係補時階段接應卡斯美路傳中，一個頭鎚收死對方門將，成功反cup對手。曼聯再次展現韌力，證明球證未吹雞，咩都有可能發生！呢個劇本真係王家衛都拍唔到！
《海倫真係點算好？》
曼聯能夠反勝，除左胖虎兩下助攻要俾credit外，要讚就一定係麥佳亞同明奴。明奴入替踢假九中鋒既參與度其實唔算太多。後段曼聯推左麥佳亞踢雙箭頭，再加上對方少踢一人，呢兩個都係明奴可以入到波既原因，當然都要讚佢既把握力。麥佳亞再次變身麥中鋒救國，完美展現何謂空中霸王！佢兩個既入波又打左海倫一巴，而呢場波海倫又係咪好差呢？我覺得佢已經交出水準。今場18次傳送有16次成功，有3次屬於key pass。雖然佢一次射門都冇，但佢有幾次既走位係走得靚，只係隊友冇選擇傳俾佢埋門。老實講，當明奴係86分鐘入替佢，我係鄧佢唔抵，因為佢應該仲有貨，而佢係前場既牽引力係有，係可以俾多少少時間佢踢。明奴同麥佳亞替工踢中鋒都有波入，下場直接明奴打最前，麥中鋒做Plan B已經係兩套戰術，海倫真係點算好？
《安拿拿既救贖》
安拿拿今場復任正選，雖然佢要係個網度執四次波，但呢四下都唔太關佢事，而佢係百二分鐘內亦有五次撲救，做足本份都需要讚一下。
《贏左就唔駛屌牙？》
雖然曼聯成功贏波晉級，但贏左就唔駛屌牙？上半場贏緊兩球都可以俾人追番，都唔係咩問題。最大問題係人地打少一個都可以入你兩球，係兩球啊！會唔會太離譜啊？最聯後段基本都冇咩戰術可言，又俾你追下一球追下一球仲要贏埋，但係有說服力咩？唔覺得有！呢場真係贏左都要屌！BTW，一場咁既反勝希望可以激發到球員既自信，下場對狼隊踢番場好波，贏番場有說服力既比賽俾球迷睇吧！
請按此登錄後留言。未成為會員? 立即註冊