紅魔日報 華舒福收到3份沙特報價全部拒絕 只想去歐洲有競爭力既球隊？ 3-1-2025
1. 轉會市場又開喇，曼聯自然又係傳媒既焦點，一來因為佢哋真係需要買入一啲適合阿莫林343陣式同新戰術既球員，二來因為本身有幾個大牌球員都有風話可能會離開，三來直頭係因為曼聯本身就係流量保證，所以自自然就會係傳媒既焦點喇。
2. 不過日前阿莫林已經同記者清楚表明，話曼聯受制於公平財政規則，一日唔賣人出去，佢哋都唔會夠錢去買人，仲話啲記者應該仲清楚過佢。
3. 換句話講，唔賣人就唔會買到人架喇，所以而家一踏入一月份，買入方面既新聞少有地唔夠賣人既新聞多，由卡斯米路開始到青訓產品加拿祖都有，但當中既新聞核心人物，當然就係另一位曼聯青訓兼大慈善家華舒福。
4. 福仔自從對曼城既英超比賽開始，就連續三場比賽連球員名單都入唔到，而上場對紐卡素雖然有得坐喺後備席上面，但好大程度係因為般奴同埋烏加特停賽既關係唔夠人，先要佢坐喺後備席凳腳，而佢最後即使球隊落後兩球都冇機會出場。
5. 相比起加拿祖，阿莫林話呢個後生仔喺訓練度交出表現，所以可以回歸球隊陣容，福仔既回應係…三個星期入面病咗兩次。咁英國最近天氣轉涼咗，可能佢真係凍親呢？又或者食得太多好嘢肚屙啩…總之，繼曼城場比賽之後果個星期一病咗(但又可以走到去接受訪問同去母校派飯，順便仲放埋風話自己隨時可以接受新挑戰)，黎緊對利物浦之前既賽前記者會上，阿莫林又確認佢因為病咗而冇練波，最後就係好大機會唔會入選個陣容。(阿莫林︰I think he is going to be out.)
6. 名記者Ben Jacobs講過，話沙特有三間球會向福仔開出offer，而Paul Hirst甚至話其中一份約係成67.5萬鎊週薪，但係佢都turn down咗，因為佢仲想加入一啲有競爭力既球隊(都open to stay in United)，喺2026年入選到英格蘭世界盃大軍。
7. 其實錢方面我懷疑福仔真係唔志在，佢而家果份人工成32.5萬鎊一個星期，又有好多唔同贊助，以佢當打既年齡，錢未必係佢第一考量，而家加得一倍梗係唔夠，我諗至少三倍，福仔可能會有啲心動既。
8. 跟住呢段我就唔記得喺邊個tweet度睇到，話福仔要走既話淨係想去巴塞，嗱我就唔信既(我信佢想走，但唔會淨係局限於巴塞)，但如果係堅既話，佢真係自視太高喇。
9. 問我點睇，我就覺得除非福仔自己肯減人工喇，如果唔係真係冇乜可能喺歐洲勁旅之中搵到下家，我相信歐洲列強入面會有球隊睇得上佢，但一定唔係用32.5萬鎊週薪去請佢囉。
10. 講起黎都搞笑，最近先有報導話卡靈頓訓練基地既職員話對福仔既訓練態度好impressed，轉過頭條友唔知係咪練得攰得滯又病咗缺操幾課。呃，不過某個角度黎睇，都真係幾impressed既。三個星期病兩鑊…感冒未清、感冒未清啫。
11. 每日郵報既Chris Wheeler話，如果最後留隊既話，福仔會100%投入訓練，以重新獲得自己既地位喎。希望真係咁喇，而唔係因為驚受傷走唔到而詐病喇…
#不專業足球筆記 #足球專欄 #我愛紅魔鬼 #紅魔日報 #曼聯每日情報站 #華舒福 #福仔 #Rashford
#曼聯 #ManchesterUnited
曼聯Youtube Channel︰ https://www.youtube.com/@manutddailyinfo更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 轉會市場又開喇，曼聯自然又係傳媒既焦點，一來因為佢哋真係需要買入一啲適合阿莫林343陣式同新戰術既球員，二來因為本身有幾個大牌球員都有風話可能會離開，三來直頭係因為曼聯本身就係流量保證，所以自自然就會係傳媒既焦點喇。
2. 不過日前阿莫林已經同記者清楚表明，話曼聯受制於公平財政規則，一日唔賣人出去，佢哋都唔會夠錢去買人，仲話啲記者應該仲清楚過佢。
3. 換句話講，唔賣人就唔會買到人架喇，所以而家一踏入一月份，買入方面既新聞少有地唔夠賣人既新聞多，由卡斯米路開始到青訓產品加拿祖都有，但當中既新聞核心人物，當然就係另一位曼聯青訓兼大慈善家華舒福。
4. 福仔自從對曼城既英超比賽開始，就連續三場比賽連球員名單都入唔到，而上場對紐卡素雖然有得坐喺後備席上面，但好大程度係因為般奴同埋烏加特停賽既關係唔夠人，先要佢坐喺後備席凳腳，而佢最後即使球隊落後兩球都冇機會出場。
5. 相比起加拿祖，阿莫林話呢個後生仔喺訓練度交出表現，所以可以回歸球隊陣容，福仔既回應係…三個星期入面病咗兩次。咁英國最近天氣轉涼咗，可能佢真係凍親呢？又或者食得太多好嘢肚屙啩…總之，繼曼城場比賽之後果個星期一病咗(但又可以走到去接受訪問同去母校派飯，順便仲放埋風話自己隨時可以接受新挑戰)，黎緊對利物浦之前既賽前記者會上，阿莫林又確認佢因為病咗而冇練波，最後就係好大機會唔會入選個陣容。(阿莫林︰I think he is going to be out.)
6. 名記者Ben Jacobs講過，話沙特有三間球會向福仔開出offer，而Paul Hirst甚至話其中一份約係成67.5萬鎊週薪，但係佢都turn down咗，因為佢仲想加入一啲有競爭力既球隊(都open to stay in United)，喺2026年入選到英格蘭世界盃大軍。
7. 其實錢方面我懷疑福仔真係唔志在，佢而家果份人工成32.5萬鎊一個星期，又有好多唔同贊助，以佢當打既年齡，錢未必係佢第一考量，而家加得一倍梗係唔夠，我諗至少三倍，福仔可能會有啲心動既。
8. 跟住呢段我就唔記得喺邊個tweet度睇到，話福仔要走既話淨係想去巴塞，嗱我就唔信既(我信佢想走，但唔會淨係局限於巴塞)，但如果係堅既話，佢真係自視太高喇。
9. 問我點睇，我就覺得除非福仔自己肯減人工喇，如果唔係真係冇乜可能喺歐洲勁旅之中搵到下家，我相信歐洲列強入面會有球隊睇得上佢，但一定唔係用32.5萬鎊週薪去請佢囉。
10. 講起黎都搞笑，最近先有報導話卡靈頓訓練基地既職員話對福仔既訓練態度好impressed，轉過頭條友唔知係咪練得攰得滯又病咗缺操幾課。呃，不過某個角度黎睇，都真係幾impressed既。三個星期病兩鑊…感冒未清、感冒未清啫。
11. 每日郵報既Chris Wheeler話，如果最後留隊既話，福仔會100%投入訓練，以重新獲得自己既地位喎。希望真係咁喇，而唔係因為驚受傷走唔到而詐病喇…
#不專業足球筆記 #足球專欄 #我愛紅魔鬼 #紅魔日報 #曼聯每日情報站 #華舒福 #福仔 #Rashford
#曼聯 #ManchesterUnited
曼聯Youtube Channel︰ https://www.youtube.com/@manutddailyinfo更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊