文奴、麥佳亞、梳爾復操！Amad IG暗示提早回歸 前曼球員格連活特態度欠佳會被出售？ (紅魔日報 26-3-2025)
1. 首先都係有好消息既，就係傷咗差唔多兩個月既文奴同埋四個星期既麥佳亞都可以踩草復操，意味住兩人都有機會喺對諾定咸森林既聯賽候命。到底會唔會咁急比佢哋出場，我其實有保留，尤其是文奴，佢大概係二月頭傷，都成兩個月冇比賽，絕對要返少少時間去pick up返狀態。
2. 至於麥佳亞，可能真係未必由得佢揀，因為啲中堅傷晒，約羅、希雲暫時都未有新消息。
3. 約羅本身話對森林有機會候命，但國際賽期都完仲未有update，睇黎都要等多陣，不過就唔心急既，畢竟聯賽無欲無求，太急復出又傷過就真係大劑。
4. 至於天堂仔，佢雖然受傷時當場顯得非常痛苦，甚至乎要用腳套固定保護隻腳，但根據最新既報道，佢既康復進展唔錯，除咗唔駛再帶腳套之外，甚至有望喺國際賽期後踩草復操。
5. 本身想講仲有另一個好消息，就係Shaw早幾日都已經有報道話佢可以踩草，不過有鑑於佢既傷勢都係無限loop既關係，所以我認為除非我親眼見到佢可以連續踢咗十場波都唔傷，如果唔係硬係覺得佢起跑幾步之後又會碌地受傷。
6. 長期傷兵Amad，今季既最佳球員，都喺佢IG度po咗幅相，有個漏斗喺度，唔知係咪暗示傷情復元理想，有機會早啲復出呢？
7. 不過點都好，連埋之前既曼治、停賽完畢既多古，曼聯對森林應該可以有個完整少少既陣容出戰。
8. 最重要既係呢一刻收到既消息，曼聯既球員喺國際賽期間都冇穿冇爛，冇為國捐軀，咁樣已經好難得架喇。
9. 另外，有報道話馬賽今個夏天會賣走前曼聯射手Greenwood格連活特。當然我睇返呢個係馬賽當地媒體，暫時可信度唔高住。
10. 不過之前馬賽教頭迪些比連續兩場將綠木貶做後備，甚至乎講明佢唔肯防守，要改下態度先得，綠木同球會、教練有不和，又可能真係未必空穴來風。
11. 佢喺曼聯既時候紀律就已經麻麻，有種恃才傲物既感覺，以為經過家暴一事之後仲有得踢波執返會改下啲態度，場下唔知，但場上態度懶到要教練出聲，仲要貶埋後備，佢真係要檢討下，機會唔係成日有。
12. 有報道話佢喺國際賽期提早咗兩日返馬賽操練，係個好signal黎既，之後佢前途係點，就真係睇自己做化喇。
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 首先都係有好消息既，就係傷咗差唔多兩個月既文奴同埋四個星期既麥佳亞都可以踩草復操，意味住兩人都有機會喺對諾定咸森林既聯賽候命。到底會唔會咁急比佢哋出場，我其實有保留，尤其是文奴，佢大概係二月頭傷，都成兩個月冇比賽，絕對要返少少時間去pick up返狀態。
2. 至於麥佳亞，可能真係未必由得佢揀，因為啲中堅傷晒，約羅、希雲暫時都未有新消息。
3. 約羅本身話對森林有機會候命，但國際賽期都完仲未有update，睇黎都要等多陣，不過就唔心急既，畢竟聯賽無欲無求，太急復出又傷過就真係大劑。
4. 至於天堂仔，佢雖然受傷時當場顯得非常痛苦，甚至乎要用腳套固定保護隻腳，但根據最新既報道，佢既康復進展唔錯，除咗唔駛再帶腳套之外，甚至有望喺國際賽期後踩草復操。
5. 本身想講仲有另一個好消息，就係Shaw早幾日都已經有報道話佢可以踩草，不過有鑑於佢既傷勢都係無限loop既關係，所以我認為除非我親眼見到佢可以連續踢咗十場波都唔傷，如果唔係硬係覺得佢起跑幾步之後又會碌地受傷。
6. 長期傷兵Amad，今季既最佳球員，都喺佢IG度po咗幅相，有個漏斗喺度，唔知係咪暗示傷情復元理想，有機會早啲復出呢？
7. 不過點都好，連埋之前既曼治、停賽完畢既多古，曼聯對森林應該可以有個完整少少既陣容出戰。
8. 最重要既係呢一刻收到既消息，曼聯既球員喺國際賽期間都冇穿冇爛，冇為國捐軀，咁樣已經好難得架喇。
9. 另外，有報道話馬賽今個夏天會賣走前曼聯射手Greenwood格連活特。當然我睇返呢個係馬賽當地媒體，暫時可信度唔高住。
10. 不過之前馬賽教頭迪些比連續兩場將綠木貶做後備，甚至乎講明佢唔肯防守，要改下態度先得，綠木同球會、教練有不和，又可能真係未必空穴來風。
11. 佢喺曼聯既時候紀律就已經麻麻，有種恃才傲物既感覺，以為經過家暴一事之後仲有得踢波執返會改下啲態度，場下唔知，但場上態度懶到要教練出聲，仲要貶埋後備，佢真係要檢討下，機會唔係成日有。
12. 有報道話佢喺國際賽期提早咗兩日返馬賽操練，係個好signal黎既，之後佢前途係點，就真係睇自己做化喇。
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊