近日《The Athletic》又有報導講車路士老闆的問題！因為保利 (Todd Boehly) 喺接受彭博社訪問時突然講咗句：「球場計劃仲未搞得掂，呢件事將會決定我哋 (指清湖資本(Clearlake Capital) )係繼續一齊行，定係各行各路。」短短一句話，就令好多車迷重新意識到原來車路士內部一直未解決到股東矛盾同球場問題。
清湖同保利對球場重建的立場分歧
係球場重建嘅問題上，車仔兩大股東清湖同保利又再現出唔同嘅管理風格同理念。清湖作為私募基金，希望盡快完成重建，提升比賽日收入，甚至考慮搬遷至Earl's Court展覽中心舊址，仲特意聘請咗專家Jason Gannon積極探討方案，務求迅速落實。
另一邊的保利則更重視史丹福橋嘅歷史傳統，主張原址重建，慢慢推進，更強調要將重建計劃納入長遠戰略框架內，唔想純粹以財務利益出發。之前已經詳細講過清湖同保利嘅管理風格差異，可以睇返之前嘅文章：
【車迷觀點】又係你呀陳生 詳述車路士老闆內戰
呢種保守同謹慎嘅方式，同清湖「快狠準」嘅管理風格自然出現衝突，令車迷更加關注佢哋之間嘅矛盾會點影響球隊未來。
兩大方案各自面臨的難題與風險
如果選擇原址重建史丹福橋，工程嘅複雜度同成本會變得非常高，施工期間更會影響球隊比賽嘅進行。早係艾巴莫域治嘅年代就已經有嘗試過咁做，由申請到批准足足花咗六年時間，甚至最後因為成本問題無限期擱置相關計劃。我地的好鄰居熱刺個新球場嘅例子更加顯示咗，即使選擇重建，工程期間要喺其他球場租借比賽場地，唔單止租金成本高昂，更加影響咗球隊比賽節奏同收入，呢啲問題都令到管理層都相當頭痛。
唔好以為想搬就得，搬遷去Earl's Court亦絕對唔輕鬆，主要問題係土地嘅取得，Earl's Court發展商「Delancey地產」已經喺2024年7月提交發展申請，包含住宅、商業同文化設施，可能2025年就獲批，而且發展商亦有出聲否定過係該地段興建球場的計算。如果球會再拖延，可能錯失呢個土地開發嘅寶貴機會。
拖延的後果與競爭對手的發展
球場問題如果繼續拖延落去，車路士將持續面臨競爭力下降嘅風險。史丹福橋目前只能容納約41,837人，其他球會，例如愛華頓下季將搬入全新球場後，容量將達到52,888人，令史丹福橋排名跌至英超第十位，意味收入將進一步落後。收入嘅落後會直接影響球隊嘅轉會預算、薪資支出以及設施升級能力，長遠嚟睇更可能削弱球隊對頂級球員嘅吸引力，導致球隊整體實力下降。
再加上倫敦嘅土地資源選擇只會愈拖愈少，球會未來發展嘅選項同空間只會愈嚟愈窄。清湖同保利必須盡快搵到共識，否則唔單止係收入受損，甚至會令球隊嘅競爭力長期受影響。
小總結
股東內戰從來都唔係新鮮事，但球場問題就真正影響球隊長遠發展。清湖同保利如果唔可以盡快達成共識，可能就只可以眼白白望住球隊一步一步落後其他對手。作為車迷，希望呢次嘅內鬥係單純嘅花生，最終可以為車路士帶嚟更清晰嘅未來方向。
醬汁 (來源)：https://www.nytimes.com/athletic/6229780/2025/03/26/chelsea-stamford-bridge-boehly-clearlake-eghbali/
========================================
Facebook Page已經開咗啦！如果鍾意我的文章可以入黎按個讚！
⭕️車迷狗up天地 ❌
https://www.facebook.com/profile.php?id=61566593983419
清湖同保利對球場重建的立場分歧
係球場重建嘅問題上，車仔兩大股東清湖同保利又再現出唔同嘅管理風格同理念。清湖作為私募基金，希望盡快完成重建，提升比賽日收入，甚至考慮搬遷至Earl's Court展覽中心舊址，仲特意聘請咗專家Jason Gannon積極探討方案，務求迅速落實。
另一邊的保利則更重視史丹福橋嘅歷史傳統，主張原址重建，慢慢推進，更強調要將重建計劃納入長遠戰略框架內，唔想純粹以財務利益出發。之前已經詳細講過清湖同保利嘅管理風格差異，可以睇返之前嘅文章：
【車迷觀點】又係你呀陳生 詳述車路士老闆內戰
呢種保守同謹慎嘅方式，同清湖「快狠準」嘅管理風格自然出現衝突，令車迷更加關注佢哋之間嘅矛盾會點影響球隊未來。
兩大方案各自面臨的難題與風險
如果選擇原址重建史丹福橋，工程嘅複雜度同成本會變得非常高，施工期間更會影響球隊比賽嘅進行。早係艾巴莫域治嘅年代就已經有嘗試過咁做，由申請到批准足足花咗六年時間，甚至最後因為成本問題無限期擱置相關計劃。我地的好鄰居熱刺個新球場嘅例子更加顯示咗，即使選擇重建，工程期間要喺其他球場租借比賽場地，唔單止租金成本高昂，更加影響咗球隊比賽節奏同收入，呢啲問題都令到管理層都相當頭痛。
唔好以為想搬就得，搬遷去Earl's Court亦絕對唔輕鬆，主要問題係土地嘅取得，Earl's Court發展商「Delancey地產」已經喺2024年7月提交發展申請，包含住宅、商業同文化設施，可能2025年就獲批，而且發展商亦有出聲否定過係該地段興建球場的計算。如果球會再拖延，可能錯失呢個土地開發嘅寶貴機會。
拖延的後果與競爭對手的發展
球場問題如果繼續拖延落去，車路士將持續面臨競爭力下降嘅風險。史丹福橋目前只能容納約41,837人，其他球會，例如愛華頓下季將搬入全新球場後，容量將達到52,888人，令史丹福橋排名跌至英超第十位，意味收入將進一步落後。收入嘅落後會直接影響球隊嘅轉會預算、薪資支出以及設施升級能力，長遠嚟睇更可能削弱球隊對頂級球員嘅吸引力，導致球隊整體實力下降。
再加上倫敦嘅土地資源選擇只會愈拖愈少，球會未來發展嘅選項同空間只會愈嚟愈窄。清湖同保利必須盡快搵到共識，否則唔單止係收入受損，甚至會令球隊嘅競爭力長期受影響。
小總結
股東內戰從來都唔係新鮮事，但球場問題就真正影響球隊長遠發展。清湖同保利如果唔可以盡快達成共識，可能就只可以眼白白望住球隊一步一步落後其他對手。作為車迷，希望呢次嘅內鬥係單純嘅花生，最終可以為車路士帶嚟更清晰嘅未來方向。
醬汁 (來源)：https://www.nytimes.com/athletic/6229780/2025/03/26/chelsea-stamford-bridge-boehly-clearlake-eghbali/
========================================
Facebook Page已經開咗啦！如果鍾意我的文章可以入黎按個讚！
⭕️車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊