不專業足球筆記（三十）︰港隊波衫贊助由Nike轉做Kelme？ 北區停止均業建築冠名贊助
1. 2025年第一篇既足球筆記，先祝大家新年快樂。
2. 有留意開香港隊既朋友可能都有留意到網上有傳聞，話黎緊香港隊既球衣贊助商會由Nike轉去Kelme。
3. 除咗個logo好似狗爪之外，同埋佢比中國公司收購咗之外，好似有贊助過幾間西班牙球會咁，其他真係冇乜印象。
4. 對於呢個消息我又唔係太意外，事關由於港隊同Nike既合約係2025年就會到期，其實我之前已經向球圈朋友八過下，當然其實佢應該都係聽返黎，總之就係我之前已經知道港隊係有機會轉Kelme。之前朋友講既時候，Nike仍然有機會續約，但隨住時間推移，似乎港隊轉投Kelme既機會仲要大啲。
5. 有人話之後要買港隊波衫可能易咗，我諗都係講下笑既啫，因為情況都仲未明朗。咁當然，每次港隊有新波衫，Nike好似都唔係太願意提高出貨量，驚賣唔晒啩，呢點都係人所共知，而Kelme為咗提高佢哋品牌既知名度，會出多啲貨都唔奇既，畢竟喺香港黎講，港隊波衫其實都係銷售保證，明明次次都好多人排隊買衫，仲要賣到斷晒貨，都唔明點解Nike唔提高出貨量。
6. 講下其他本地球壇消息，均業北區因為贊助商冇履行合約，而停止佢哋既冠名贊助。
7. 直接quote體路既報導︰「...指冠名贊助商均業建築自季初起未能履行贊助承諾，決定由今個月16日起將其「除名」並恢復使用「北區」名義參賽，會長張玉其亦即日起終止職務。消息指，均業停止贊助或與不滿北區早前一度捲入假波案有關。」
8. 我唔否認，因為北區果種極粗野既踢法，上季梁志榮為既教練團又成班爛仔咁，仲要佢哋既何浚皓踢斷港會莊文歷隻腳，呢一切一切，都令我喺咁多隊港超球會入面，最唔鍾意就係北區。踢傷人可能係意外，但我仲好記得莊文歷斷腳果下佢哋成班扮無辜，然後教練團又好唔滿意球證比紅牌既判決喺度嘈，一啲同情心都冇。大佬，果場其實已經係季尾無關痛癢既比賽，呢個時候球員重傷我覺得應該緊要啲吓嘛？有冇必要咁樣啊？
9. 至於假波果度，一日未判我都唔敢講有定冇，就好似好多人話北區烏龍球王葉卓文係踢假波，我一樣會話「可能佢真係屎波啫」，但對球圈既形象一定有負面影響。
10. 體路︰「消息指，均業停止贊助或與不滿北區早前捲入假波案有關。廉政公署去年5月採取名為「勁草」的行動拘捕12人，據了解包括北區主教練及球員，不過廉署1個月後落案起訴的3人中則不包括北區職球員。」
11. 球會既形象其實都好緊要，咁樣搞法，北區要搵贊助其實都唔易。
12. 最後分享單個人黎講算係值得高興既轉會新聞，上季效年香港U23既守門員雲天樂，響半季喺甲組東區踢波之後，終於有機會重返港超。其實我覺得佢唔差，雖然去到大埔應該都係踢謝家榮既後備，但係總算總返超聯賽場。果陣講過佢喺英國爭啲就拎到passport，佢係連passport都唔要返黎香港追夢，呢份勇氣都值得人欣賞。
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
#不專業足球筆記 #專欄 #足球專欄 #足球 #港超聯 #港超 #港隊
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 2025年第一篇既足球筆記，先祝大家新年快樂。
2. 有留意開香港隊既朋友可能都有留意到網上有傳聞，話黎緊香港隊既球衣贊助商會由Nike轉去Kelme。
3. 除咗個logo好似狗爪之外，同埋佢比中國公司收購咗之外，好似有贊助過幾間西班牙球會咁，其他真係冇乜印象。
4. 對於呢個消息我又唔係太意外，事關由於港隊同Nike既合約係2025年就會到期，其實我之前已經向球圈朋友八過下，當然其實佢應該都係聽返黎，總之就係我之前已經知道港隊係有機會轉Kelme。之前朋友講既時候，Nike仍然有機會續約，但隨住時間推移，似乎港隊轉投Kelme既機會仲要大啲。
5. 有人話之後要買港隊波衫可能易咗，我諗都係講下笑既啫，因為情況都仲未明朗。咁當然，每次港隊有新波衫，Nike好似都唔係太願意提高出貨量，驚賣唔晒啩，呢點都係人所共知，而Kelme為咗提高佢哋品牌既知名度，會出多啲貨都唔奇既，畢竟喺香港黎講，港隊波衫其實都係銷售保證，明明次次都好多人排隊買衫，仲要賣到斷晒貨，都唔明點解Nike唔提高出貨量。
6. 講下其他本地球壇消息，均業北區因為贊助商冇履行合約，而停止佢哋既冠名贊助。
7. 直接quote體路既報導︰「...指冠名贊助商均業建築自季初起未能履行贊助承諾，決定由今個月16日起將其「除名」並恢復使用「北區」名義參賽，會長張玉其亦即日起終止職務。消息指，均業停止贊助或與不滿北區早前一度捲入假波案有關。」
8. 我唔否認，因為北區果種極粗野既踢法，上季梁志榮為既教練團又成班爛仔咁，仲要佢哋既何浚皓踢斷港會莊文歷隻腳，呢一切一切，都令我喺咁多隊港超球會入面，最唔鍾意就係北區。踢傷人可能係意外，但我仲好記得莊文歷斷腳果下佢哋成班扮無辜，然後教練團又好唔滿意球證比紅牌既判決喺度嘈，一啲同情心都冇。大佬，果場其實已經係季尾無關痛癢既比賽，呢個時候球員重傷我覺得應該緊要啲吓嘛？有冇必要咁樣啊？
9. 至於假波果度，一日未判我都唔敢講有定冇，就好似好多人話北區烏龍球王葉卓文係踢假波，我一樣會話「可能佢真係屎波啫」，但對球圈既形象一定有負面影響。
10. 體路︰「消息指，均業停止贊助或與不滿北區早前捲入假波案有關。廉政公署去年5月採取名為「勁草」的行動拘捕12人，據了解包括北區主教練及球員，不過廉署1個月後落案起訴的3人中則不包括北區職球員。」
11. 球會既形象其實都好緊要，咁樣搞法，北區要搵贊助其實都唔易。
12. 最後分享單個人黎講算係值得高興既轉會新聞，上季效年香港U23既守門員雲天樂，響半季喺甲組東區踢波之後，終於有機會重返港超。其實我覺得佢唔差，雖然去到大埔應該都係踢謝家榮既後備，但係總算總返超聯賽場。果陣講過佢喺英國爭啲就拎到passport，佢係連passport都唔要返黎香港追夢，呢份勇氣都值得人欣賞。
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
#不專業足球筆記 #專欄 #足球專欄 #足球 #港超聯 #港超 #港隊
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊