作為一個球迷，放咁多日假，愛隊又輸波，當然係搵D野黎分下心，近來歐洲球壇除左抽曼聯水的新聞，相信另一個流量密碼就係巴塞的丹尼奧姆 (Dani Olmo) 註冊問題。因為見到好多球迷對呢件事都知D唔知D，反正有時間就寫下呢單起源於西甲的鬧劇。
工資Cap制度：西甲球會的「緊箍咒」
要明白今次奧姆事件，就要由西甲嘅工資Cap制度講起。呢個制度喺歐洲足壇可以話係獨一無二(無錯，正如英超的PSR都一樣係獨一無二)，目的係為左防止球會過度支出而陷入財困。同時亦都確保西甲可以公平發展，避免有球會用無限資金破壞市場平衡。
工資Cap計算方法好複雜，但總括而言就係由三大部份組成。
首先係球會全年收入，計埋比賽日門票、轉播收入、商業贊助，同埋最重要的球員轉會收入。由臨時工合約、分紅條款，甚至係贊助條款入面的額外收益都要列明，呢D數字全部上繳之後等西甲可以評估實際進賬。
第二就係開支，包括球員工資、教練團隊人工、球場維修保養，同埋所有日常運作開支。西甲的球會仲要補返疫情期間停賽球員的人工，講到呢到，就當然要講埋巴塞好出名的迪莊啦，迪莊的欠薪今年亦有被計算入去開支之內而唔係債務。
最後一樣，就係還債。球會所有貸款利息，分期還款金額，都要納入債務計算。巴塞就因為呢樣嘢最傷，佢地要維修魯營球場就要錢，要錢就借更多，借錢所產生的利息同本金就會推高工資Cap要求，最後變成10個煲得個9個蓋的困境。
根據以上嘅數據，西甲會幫每支球隊計出一個可以用錢的上限。一旦有球會超支，就要面臨好多限制。最基本就係無辦法註冊新球員，就算你已經同球員簽約都無用。仲有就係轉會活動受限，唔可以再簽人，又或者要平賣球員先可以搞掂工資Cap。而最嚴重就當然係扣分罰款，如果超過工資Cap的一定數字，就會令球會係西甲賽場同財政兩方面受罰。
以巴塞為例，佢地過去幾年就不停咁周圍賣人、叫球員減薪、甚至要賣球會資產，就係為左符合工資Cap要求。近年仲要成立「槓桿」公司，將部份收入同資產再次變賣出去，等可以有更多錢應付工資Cap。雖然話呢個制度可以令到球會財政穩健，但係亦都令好多球會難以提升自己嘅實力，尤其係當你想買入頂級球星嘅時候更加難做。巴塞今季得出的金額就係4.26億歐元。 雖然呢個數字比上季的 2.7 億歐元大幅增加了 57％，但佢地係季初的支出仍然超過了這個限額。
奧姆註冊危機
再返去奧姆的事，巴塞係8月決定以6000萬歐元簽入RB萊比錫的西班牙國腳奧姆，呢位剛剛率領西班牙贏得歐國盃的球員，佢本身就係巴塞青訓出身，16歲離隊前往克羅地亞再轉戰德甲，今次返巴塞被睇成「浪子回頭」，簽左一份為期六年的合約，多少都反映出球會相當重視佢。
簽人啦喎，咁大件事就當然要考慮埋工資Cap，但係唔確定係班高層無用過個腦定係球迷口中的「西甲玩野」，巴塞係完全未過到工資Cap的狀態下就簽左人返黎。
簽完，跟住就要煩註冊問題，係乜都唔做的情況下，就當然係無辦法為新加盟的球員進行註冊啦，所以「聰明」的巴塞為左令奧姆可以盡快落場，就用左一個「臨時工」方案。利用前車球員基斯甸臣受傷作為跳板，引用西甲規例容許用受傷球員八成人工去註冊替補的條款，將呢個空間分配俾奧姆，等佢可以註冊暫時落場。
但始終呢個只係一個臨時條款，隨住基斯甸臣康復，條款就唔再生效，奧姆亦同時失去左註冊的名額。
現況：巴塞陷入困局
所以去到12月31日，巴塞仍然無辦法為奧姆完成註冊。西甲一如以往，話巴塞無任何一個方案符合經濟管制條例，講明佢地無可能係1月2日開始註冊任何新球員。
巴塞一直喺三條路線嘗試：
第一，巴塞兩度向裁判法院申請臨時措施，想強行為奧姆註冊。巴塞堅持認為西甲對規則的理解有誤，希望借助司法力量為球員爭取一線生機。結果法院不單直接駁回，仲話巴塞完全不符合採取臨時措施的條件。
第二，球會向西班牙足協申請新的許可證，諗住幫奧姆同域陀搵條生路。但足協就以「未經西甲批准，無資格處理」為由將巴塞攔住。據消息人士透露，足協內部都知道巴塞今次想「走法律罅」，因為根據規例，同一球員唔可以喺同一球季兩次註冊同一支球隊，所以就算想幫都冇得幫。(最新的消息都話巴塞再申請，不過睇怕都機會渺茫)。
最後一招，就係巴塞提出出售魯營球場VIP包廂，用呢個方法去填補工資Cap條數。呢單嘢據報已經傾到價值過億歐元(雖然我唔知點解包廂可以賣成億，不過事但啦…)，所有文件已經齊備，條數亦都應該幫到球會符合工資Cap要求。但西甲睇完啲文件之後就話「有問題」，究竟邊度有問題就一直唔肯講明，搞到巴塞更加進退維谷。
係各方式的嘗試都失敗之後，巴塞就要開始考慮最壞的情況，奧姆合約入面有一條無償離隊條款，佢可以因為未能註冊而自由轉會。雖然奧姆經理人Andy Bara係除夕多次發表聲明又貼晒相，強調奧姆「只為巴塞而來」，「無考慮任何其他選擇」，但面對住英超同德甲球會的追求，又邊有信心佢會繼續等落去？唔止轉會記者大神Romano有講，其他媒體都話有英格蘭同德國的球會嘗試接觸，準備一月轉會窗展開行動。
隨住一月的轉會窗開啟，巴塞下半季註冊的名單上已經除去左奧莫同域陀，如果係一月的轉會窗之前都無辦法解決註冊的問題，恐怕奧姆的合約條款會被啟動。拿撲達一方面要應付球迷的質疑，另一方面又要顧及球員的感受，件事最後變成點就要考驗領導層的智慧。
車迷總結
自己的角度去睇，件事可能最終會以幾個方式落幕：
1) 西甲突然放軟態度 - 擺條新的例出黎俾巴塞過關，不過呢個可能性隨住西甲同巴塞的關係惡化而變得越黎越渺茫。
2) 賣到魯營VIP過關 - 之前賣Studio都賣到咁多錢，相信無人會質疑巴塞的財技能力，但問題係，就算真係俾你賣得出，多數都係分期收錢而唔係一次過俾哂，恐怕遠水不能救近火。
3) 奧姆走人Ending - 利用條款走人，但因為奧姆的離隊係無償條款的關係，巴塞將會人財兩失，傳聞當中最有興趣莫過於急住搵人救火的曼市雙雄，唔知佢地又會點睇同出幾多人工。
4) 奧姆留隊Ending - 雖然唔出得場，但我太愛球隊，半年無波踢就無波踢，死都留到最後。 嗯，聽落好感動，不過如果真係咁有愛，當初合約大概就唔會加離隊條款。
無論點都好，呢粒大花生已經為2025年帶來歡樂同茶餘飯後的話題，最後變成點就等我地繼續睇落去。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌ https://www.facebook.com/profile.php?id=61566593983419
工資Cap制度：西甲球會的「緊箍咒」
要明白今次奧姆事件，就要由西甲嘅工資Cap制度講起。呢個制度喺歐洲足壇可以話係獨一無二(無錯，正如英超的PSR都一樣係獨一無二)，目的係為左防止球會過度支出而陷入財困。同時亦都確保西甲可以公平發展，避免有球會用無限資金破壞市場平衡。
工資Cap計算方法好複雜，但總括而言就係由三大部份組成。
首先係球會全年收入，計埋比賽日門票、轉播收入、商業贊助，同埋最重要的球員轉會收入。由臨時工合約、分紅條款，甚至係贊助條款入面的額外收益都要列明，呢D數字全部上繳之後等西甲可以評估實際進賬。
第二就係開支，包括球員工資、教練團隊人工、球場維修保養，同埋所有日常運作開支。西甲的球會仲要補返疫情期間停賽球員的人工，講到呢到，就當然要講埋巴塞好出名的迪莊啦，迪莊的欠薪今年亦有被計算入去開支之內而唔係債務。
最後一樣，就係還債。球會所有貸款利息，分期還款金額，都要納入債務計算。巴塞就因為呢樣嘢最傷，佢地要維修魯營球場就要錢，要錢就借更多，借錢所產生的利息同本金就會推高工資Cap要求，最後變成10個煲得個9個蓋的困境。
根據以上嘅數據，西甲會幫每支球隊計出一個可以用錢的上限。一旦有球會超支，就要面臨好多限制。最基本就係無辦法註冊新球員，就算你已經同球員簽約都無用。仲有就係轉會活動受限，唔可以再簽人，又或者要平賣球員先可以搞掂工資Cap。而最嚴重就當然係扣分罰款，如果超過工資Cap的一定數字，就會令球會係西甲賽場同財政兩方面受罰。
以巴塞為例，佢地過去幾年就不停咁周圍賣人、叫球員減薪、甚至要賣球會資產，就係為左符合工資Cap要求。近年仲要成立「槓桿」公司，將部份收入同資產再次變賣出去，等可以有更多錢應付工資Cap。雖然話呢個制度可以令到球會財政穩健，但係亦都令好多球會難以提升自己嘅實力，尤其係當你想買入頂級球星嘅時候更加難做。巴塞今季得出的金額就係4.26億歐元。 雖然呢個數字比上季的 2.7 億歐元大幅增加了 57％，但佢地係季初的支出仍然超過了這個限額。
奧姆註冊危機
再返去奧姆的事，巴塞係8月決定以6000萬歐元簽入RB萊比錫的西班牙國腳奧姆，呢位剛剛率領西班牙贏得歐國盃的球員，佢本身就係巴塞青訓出身，16歲離隊前往克羅地亞再轉戰德甲，今次返巴塞被睇成「浪子回頭」，簽左一份為期六年的合約，多少都反映出球會相當重視佢。
簽人啦喎，咁大件事就當然要考慮埋工資Cap，但係唔確定係班高層無用過個腦定係球迷口中的「西甲玩野」，巴塞係完全未過到工資Cap的狀態下就簽左人返黎。
簽完，跟住就要煩註冊問題，係乜都唔做的情況下，就當然係無辦法為新加盟的球員進行註冊啦，所以「聰明」的巴塞為左令奧姆可以盡快落場，就用左一個「臨時工」方案。利用前車球員基斯甸臣受傷作為跳板，引用西甲規例容許用受傷球員八成人工去註冊替補的條款，將呢個空間分配俾奧姆，等佢可以註冊暫時落場。
但始終呢個只係一個臨時條款，隨住基斯甸臣康復，條款就唔再生效，奧姆亦同時失去左註冊的名額。
現況：巴塞陷入困局
所以去到12月31日，巴塞仍然無辦法為奧姆完成註冊。西甲一如以往，話巴塞無任何一個方案符合經濟管制條例，講明佢地無可能係1月2日開始註冊任何新球員。
巴塞一直喺三條路線嘗試：
第一，巴塞兩度向裁判法院申請臨時措施，想強行為奧姆註冊。巴塞堅持認為西甲對規則的理解有誤，希望借助司法力量為球員爭取一線生機。結果法院不單直接駁回，仲話巴塞完全不符合採取臨時措施的條件。
第二，球會向西班牙足協申請新的許可證，諗住幫奧姆同域陀搵條生路。但足協就以「未經西甲批准，無資格處理」為由將巴塞攔住。據消息人士透露，足協內部都知道巴塞今次想「走法律罅」，因為根據規例，同一球員唔可以喺同一球季兩次註冊同一支球隊，所以就算想幫都冇得幫。(最新的消息都話巴塞再申請，不過睇怕都機會渺茫)。
最後一招，就係巴塞提出出售魯營球場VIP包廂，用呢個方法去填補工資Cap條數。呢單嘢據報已經傾到價值過億歐元(雖然我唔知點解包廂可以賣成億，不過事但啦…)，所有文件已經齊備，條數亦都應該幫到球會符合工資Cap要求。但西甲睇完啲文件之後就話「有問題」，究竟邊度有問題就一直唔肯講明，搞到巴塞更加進退維谷。
係各方式的嘗試都失敗之後，巴塞就要開始考慮最壞的情況，奧姆合約入面有一條無償離隊條款，佢可以因為未能註冊而自由轉會。雖然奧姆經理人Andy Bara係除夕多次發表聲明又貼晒相，強調奧姆「只為巴塞而來」，「無考慮任何其他選擇」，但面對住英超同德甲球會的追求，又邊有信心佢會繼續等落去？唔止轉會記者大神Romano有講，其他媒體都話有英格蘭同德國的球會嘗試接觸，準備一月轉會窗展開行動。
隨住一月的轉會窗開啟，巴塞下半季註冊的名單上已經除去左奧莫同域陀，如果係一月的轉會窗之前都無辦法解決註冊的問題，恐怕奧姆的合約條款會被啟動。拿撲達一方面要應付球迷的質疑，另一方面又要顧及球員的感受，件事最後變成點就要考驗領導層的智慧。
車迷總結
自己的角度去睇，件事可能最終會以幾個方式落幕：
1) 西甲突然放軟態度 - 擺條新的例出黎俾巴塞過關，不過呢個可能性隨住西甲同巴塞的關係惡化而變得越黎越渺茫。
2) 賣到魯營VIP過關 - 之前賣Studio都賣到咁多錢，相信無人會質疑巴塞的財技能力，但問題係，就算真係俾你賣得出，多數都係分期收錢而唔係一次過俾哂，恐怕遠水不能救近火。
3) 奧姆走人Ending - 利用條款走人，但因為奧姆的離隊係無償條款的關係，巴塞將會人財兩失，傳聞當中最有興趣莫過於急住搵人救火的曼市雙雄，唔知佢地又會點睇同出幾多人工。
4) 奧姆留隊Ending - 雖然唔出得場，但我太愛球隊，半年無波踢就無波踢，死都留到最後。 嗯，聽落好感動，不過如果真係咁有愛，當初合約大概就唔會加離隊條款。
無論點都好，呢粒大花生已經為2025年帶來歡樂同茶餘飯後的話題，最後變成點就等我地繼續睇落去。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌ https://www.facebook.com/profile.php?id=61566593983419
請按此登錄後留言。未成為會員? 立即註冊