回勇的迪基亞

守拙 於 14/01/2019 發表 收藏文章

迪基亞對住熱刺總共擋住咗十一次射門,其中包括幾次高難度撲救,唔少球迷、球評家都立刻讚佢係超級門神、世界第一龍門。

記番起迪基亞啱啱加盟曼聯嗰陣,由於經常犯錯,好多球迷就瘋狂抽水,話佢係「新巴夫斯」、超級牛油手云云……每一次犯錯都無限放大。

好喇,到佢慢慢成長到成為一個世界級龍門嘅時候,尤其莫耶斯時期,每場波都有唔少靚嘅撲救,大家就會開始話佢係神,又話咩「要不是迪基亞……」。就係咁,好快佢就俾球迷神化。

去到18世界盃,佢嘅表現一有少少下滑,稍為有少少犯錯。好快就有球迷就話,之前吹大咗,佢邊有咁勁。一連串球迷網上瘋狂式批評迪基亞,不過迪基亞只係拋下一句「批評使我更強大」。

終於黎到對熱刺呢場,迪基亞重拾之前嘅信心同狀態,作出唔少嘅撲救。全世界又即刻再次封佢為神……其實球員都係人,壯態實有好壞嘅時候,球迷有無必要見高就拜,見低就踩?尤其唔少人係對住自己支持嗰隊嘅球員咁做,究竟有冇必要呢……?

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→