知恩圖報?朴智星等一眾前南韓國腳紛紛感謝C朗,韓球迷更幫C朗製韓國身份證!

球場新聞 於 04/12/2022 發表 收藏文章
南韓戲劇性2-1逆轉葡萄牙晉級16強,金英權同黃喜燦入波,成為球隊取勝功臣,但韓國方面亦不忘多謝神助攻嘅C朗拿度,C朗嘅舊隊友朴智星同安貞煥等南韓前國腳更加係「知恩圖報」,紛紛向C朗表達謝意。

呢場波葡萄牙隊先開紀錄,但韓國隊員喺第27分鐘就追和,當時孫興慜開出角球,個波省到C朗之後再彈到金英權面前,後者反應夠快倒地掃射入網。

對於C朗呢次助攻,間接令南韓出線,南韓球迷同一眾前國腳都表示要感謝佢。當中,C朗嘅前曼聯隊友朴智星就講笑咁講:「佢真係貢獻咗驚人嘅絕妙助攻,我要俾佢滿分10分。我哋喺曼聯嘅關係唔錯,當時喺球場上我幫過佢唔少,做咗好多粗重嘢,佢依家總算係好好報答咗我。」


而前南韓國腳、2002年世界盃四強成員安貞煥,雖然同C朗無太大交情,但都對C朗非常「感激」:「我喺轉播嗰時就想同C朗講多謝,真係忍不住!」

另外,參加過2002年世界盃嘅李天秀亦發放咗一段影片,片中佢好興奮咁講:「C朗真係太勁啦!」前韓國主力門將金龍大亦好高興話:「C朗都幫緊我哋?」

唔單止係球員,韓國球迷為咗表達對C朗嘅謝意,亦特意幫C朗製作咗一張韓國身份證:

留言


請按此登錄後留言。未成為會員? 立即註冊
    快捷鍵:←
    快捷鍵:→