唔好激怒球王！"Where is Messi?" 澳洲球迷串完美斯唔夠12秒就GG了

卡塔世界盃16強，阿根廷2-1擊敗澳洲，晉八強。而喺比賽過程中，一名澳洲球迷喺看台上大大聲串美斯，估唔到12秒之後，阿根廷球王就用入波塞住呢位球迷個口。

比賽第34分鐘，阿根廷喺角旗附近獲得一個罰球，美斯主罰。呢個時候，一名澳洲球迷就係看台上大叫：“Where is Messi？You're shit！”

但僅僅過咗12秒，美斯就利用呢次罰球二次進攻嘅機會低射遠角破門，為阿根廷先開紀錄。而看台上嘅呢名澳洲球迷就顯得尷尬了。今場波除咗入波，仲係美斯嘅職業生涯第1000場比賽，可謂意義重大。

雖然澳洲球迷嘲諷美斯，但澳洲隊上上下下其實好尊重美斯。澳洲主帥賽後直言，美斯係史上最偉大嘅球員之一，而澳洲隊亦有球員賽後喺社交媒體曬出同美斯嘅合照。